Década de 1870

A década de 1870 abrangue o período que empeza o 1 de xaneiro de 1870 e remata o 31 de decembro de 1879.

Segundo milenio

Século XIX

1860   1870   1880

1870  · 1871  · 1872  · 1873  · 1874 1875  · 1876  · 1877  · 1878  · 1879

1870

Artigo principal: 1870.

África

• O mercador de escravos Tippu Tip autoproclámase soberano dos territorios do lago Tanganika.
• Revolta do Baguirmi, estado vasalo do reino de Uadai (Chad). A capital Massenya fica destruída e 35 000 baguirmís son captivados como escravos.

América

• 1 de marzo - Fin da Guerra da Tripla Alianza: os aliados, o Brasil, a Arxentina e o Uruguai impoñen unha nova constitución a Paraguai, que perde un terzo do seu territorio en beneficio dos vencedores. O seu presidente, López, será executado.

Europa

• 18 de xullo - O Concilio Vaticano I proclama o dogma da infalibidade pontificia.
• 19 de xullo - Comeza a guerra franco-prusiana, tras a declaración bélica de Napoleón III contra Prusia.
• 1 de setembro - O exército francés, dirixido por Mac Mahon, capitula en Sedán, despois de perder a batalla alí celebrada.
• 4 de setembro - Proclámase a República en Francia.
• 19 de setembro - Iníciase o cerco de París polos prusianos (até o 28 de xaneiro de 1871).
• 20 de setembro - Batalla de Porta Pía: tropas italianas entran na cidade de Roma, completando a unificación de Italia. Desaparecen os Estados Pontificios que remontaban ao século VIII.
• 6 de novembro - As Cortes españolas decidiron a restauración da monarquía, logo de buscar posíbeles candidatos nas casas reais europeas, elixindo a Amadeu de Aosta.

Napoleón III con Bismarck dirixíndose ao encontro de Guillerme I. Óleo de Camphausen

H. Schliemann

Arte e cultura

• Jules Verne publica a novela Vinte mil leguas de viaxe submarina.
• 26 de xuño - Estrea de "As valquirias" (Die Walküre) en Múnic, ópera de Richard Wagner.
• Heinrich Schliemann comeza as escavacións en Hissarlik, Anatolia, lugar que se revelará como asentamento de Troia.

Ciencia e tecnoloxía

• 2 de xaneiro, Comeza a construción da Ponte de Brooklyn, en Nova York.

1871

Artigo principal: 1871.

América

• 1 de xaneiro, Arxentina: entra en vigor o Código Civil arxentino, escrito por Dalmacio Vélez Sársfield.

Europa

• 1 de xaneiro, Apróbase oficialmente en España o sistema métrico decimal.
• 2 de xaneiro, O rei de España, Amadeu de Savoia, xura a Constitución.
• 18 de xaneiro - Proclámase formalmente en Versalles, Francia, o II Reich alemán. O rei Guillerme I de Alemaña, é aclamado como emperador.
• 8 de marzo - Primeiras eleccións xerais celebradas durante o reinado de Amadeu I.
• 10 de maio - Tratado de Frankfurt: pecha a guerra franco-prusiana. Alsacia e mais Lorena pasan a Alemaña, e Francia deberá pagar unha indemnización de 5.000 millóns de francos de ouro a Alemaña.

Arte e cultura

• 24 de decembro - Estrea da ópera de Giuseppe Verdi, Aida, na Ópera do Cairo.

1872

Artigo principal: 1872.

• 2 de xaneiro, Brigham Young presidente da igrexa dos Mormóns é arrestado por poligamia (tiña 25 esposas).
• Revolución popular en Ferrol pedindo a república federal.
• 21 de abril - Comeza a Terceira guerra carlista.

Arte e cultura

• Publícase a segunda edición, corrixida e aumentada, de Cantares gallegos, de Rosalía de Castro.
• Jules Verne publica A volta ao mundo en oitenta días.
• Samuel Butler publica Erewhon.

1873

Artigo principal: 1873.

• 11 de febreiro
  • Abdica Amadeu I, rei de España.
  • É proclamada a Primeira República Española.
• 2 de maio - Aparece en Vigo o periódico La Concordia.
• 16 de xullo - Aparece na Coruña o xornal El Ejemplo.
• 15 de setembro - Inauguración da primeira liña de ferrocarril de Galicia entre O Carril e Cornes (Conxo).
• Bolivia e o Perú asinan un tratado secreto de alianza militar. Historiadores chilenos menciónano como unha das causas da Guerra do Pacífico.

1874

Artigo principal: 1874.

• 4 de xaneiro - Levantamento republicano en Zaragoza a causa do golpe de Estado do xeneral Manuel Pavía.
• 18 de marzo - Hawai firma o tratado de comercio cos Estados Unidos.
• 1 de xullo - Inaugúrase nos Estados Unidos o primeiro zoolóxico.
• 19 de outubro - Fundación da Universidade de Zagreb.
• 1 de decembro - Islandia aproba a súa primeira constitución e consegue unha autonomía limitada.
• 29 de decembro - Remata a I República Española.
• Santiago Ramón y Cajal é destinado a Cuba.
• George Johnstone Stoney fai a hipótese dunha unidade de carga eléctrica mínima.

1875

Artigo principal: 1875.

• 11 de xaneiro - Afonso XII desembarca en Valencia, procedente de Barcelona, e diríxese cara a Madrid para ocupar o trono de España.
• Ten lugar en Santiago de Compostela a Exposición Rexional de 1875.

1876

Artigo principal: 1876.

• 1 de xaneiro - Aparece en Ferrol o periódico La Resurrección de Galicia.
• 7 de febreiro - Comeza a publicarse O Tío Marcos da Portela, baixo a dirección de Valentín Lamas Carvajal.
• 1 de outubro - Publícase o primeiro número do xornal El Diario de Lugo, editado na capital lucense
• 29 de outubro - Fúndase en Madrid a Institución Libre de Enseñanza.
• 5 de novembro - Publícase no O Tío Marcos da Portela o primeiro anuncio publicitario en lingua galega, de Máquinas pra coser d'a compañía fabril Singer .

1877

Artigo principal: 1877.

• 1 de xaneiro, India: Disraeli consegue o titulo de "Emperatriz das Indias" para a Raíña Vitoria.
• 9 de maio, Romanía: independencia, separándose do Imperio Otomán.

Arte e cultura

• Publicación de Rumores de los pinos, primeiro libro do poeta galego Eduardo Pondal, que contén obra en galego e castelán.

1878

Artigo principal: 1878.

Arte e cultura

• Publicación de O primo Basílio, novela do portugués José Maria Eça de Queirós (1845-1900).

1879

Artigo principal: 1879.

• 14 de febreiro - Comenzo da Guerra do Pacífico. Chile enfrontouse a Perú e Bolivia.