Universidade

centro de ensino superior e investigación

Unha universidade é un centro de ensino superior e investigación, constituído xeralmente por facultades, que outorga graos académicos e títulos profesionais. Para aloxamento dos estudantes ten Colexios Maiores (Colexios Universitarios) e Residencias.

Colexio Maior Fonseca, no Campus Sur da USC.
Universidade de Bologna, a máis antiga do mundo aínda con actividade académica
A universidade de Coímbra, fundada por D. Dinís, a máis antiga de Portugal

Historia editar

O precedente de todas as Universidades occidentais atópase na Academia Alexandrina, fundada no 288 a.C. No 340 fundouse a de Constantinopla. Na India hai datadas universidades no século V, como a de Nalanda, aínda que as modernas foron creadas durante a Idade Media europea. A primeira institución deste tipo que segue en funcionamento é a Universidade de Boloña, que máis tarde servirá de modelo para centros educativos similares. Por extensión utilízase para referirse noutras culturas a centros de educación superior e de reflexión, aínda que a súa creación pode ser moito anterior á Idade Media.

Inicialmente evolucionaron a partir do modelo das corporacións artesanais e como case todo na Idade Media, estaban moi vinculadas á Igrexa. Inicialmente, ensinábanse as ensinanzas inspiradas nas chamadas sete artes liberais (trivium ou trivio [1] e quadrivium [2] ou cuadrívio):

  • Trivium: gramática, lóxica e retórica.
  • Quadrivium: aritmética e xeometría, astronomía e música.

de onde proceden as actuais divisións entre disciplinas literarias e científicas.

Primeiras Universidadees de Europa e América editar

En Galicia editar

A universidade moderna xurdiu en Europa na Idade Media. En Galicia existen hoxe en día tres universidades: a Universidade de Santiago de Compostela con campus en Santiago de Compostela e Lugo; a Universidade de Vigo con campus en Vigo, Pontevedra e Ourense; e a Universidade da Coruña con campus na Coruña e máis en Ferrol. A de Santiago foi historicamente a universidade galega, criada a fins do século XIV. Foi na década de 80 do século XX que a Xunta de Galicia decidiu a creación das universidades da Coruña e Vigo, a partir dos campus que a de Santiago tiña xa nestas cidades. En Galicia tamén están presentes dúas universidades públicas de ensino a distancia, a Universidad Nacional de Educación a Distancia con catro centros asociados así como a Universidade Aberta portuguesa cun centro para toda Galicia, e un centro universitario privado, o Centro de Estudos Superiores Universitarios de Galicia (CESUGA), afiliado ao University College Dublin.

Notas editar

  1. "Trivio". Real Academia Galega. Consultado o 24 de outubro de 2016. 
  2. "Cuadrivio". Real Academia Galega. Consultado o 24 de outubro de 2016. 

Véxase tamén editar

Outros artigos editar

Ligazóns externas editar