Universidade de Módena e Reggio Emilia

A Universidade de Módena e Reggio Emilia, en italiano Università degli Studi di Modena e Reggio Emilia, é unha universidade organizada segundo un modelo de campus en rede. A súa peculiaridade, por tanto, é a de estar apoiada nun proxecto de desenvolvemento complementario entre dous polos académicos distintos. Módena (sede da segunda universidade máis antiga de Italia, nada en 1175 e desenvolvida arredor do histórico Studium mutinensis ) e Reggio Emilia desde 1998.

Universidade de Módena e Reggio Emilia
Datos xerais
Fundación	1175
Datos actuais
Alumnos	Máis de 25.000 de grao; tamén enxeñerías e posgraos
Datos de contacto
Páxina web	web de UNIMORE
[ editar datos en Wikidata ]

Algúns estudantes coñecidos que asistiron á Universidade son o dramaturgo do século XVII Carlo Goldonie, o historiador do século XVIII Ludovico Antonio Muratori, o expresidente de Italia Sandro Pertini ou a científica Genoveffa Franchini.

Recoñecemento

Está entre as mellores universidades de Italia. No 2007 foi elixida como a mellor universidade pública nacional polo xornal Il sole 24 ore, sinalando o alto nivel no servizo e prestacións; mentres que no 2008 perdeu dúas posicións, por detrás da Politécnica de Milán e a Universidade de Trieste.

A Universidade forma parte do consorcio interuniversitario Cineca.

Organización

As facultades en Módena atópanse en tres puntos distintos da cidade

• no centro:
  • Economía Marco Biagi
  • Dereito
  • Filosofía e Letras
• no hospital:
  • Medicina e Cirurxía
• no complexo do campus científico:
  • Biociencia e Biotecnoloxía
  • Farmacia
  • Enxeñaría
  • Ciencias matemáticas, físicas e naturais

En Reggio Emilia repártense en dúas localizacións:

• Via Amendola
  • Ciencias agrarias
  • Enxeñaría
• Viale Allegri
  • Ciencias da comunicación e economía
  • Educación

Ademais, a universidade conta con diversas galerías, teatros e museos integrados.