Wikipedia

Adolph Alexander Weinman

medallista, deseñador de moedas e escultor estadounidense

Adolph Alexander Weinman (apelidado orixinalmente Weingärtner),[1] nado en Durmersheim, Alemaña, o 11 de decembro de 1870 e finado en Port Chester, Nova York, o 8 de agosto de 1952, foi un escultor, medallista e deseñador e gravador de moeda xermano-estadounidense.[2]

Infotaula de personaAdolph Alexander Weinman

Editar o valor em Wikidata
Biografía
Nacemento11 de decembro de 1870 Editar o valor em Wikidata
Durmersheim (Grão-ducado de Baden) Editar o valor em Wikidata
Morte8 de agosto de 1952 Editar o valor em Wikidata (81 anos)
Port Chester (Estados Unidos de América) Editar o valor em Wikidata
Lugar de sepulturaCalvary Cemetery (en) Traducir Editar o valor em Wikidata
Datos persoais
País de nacionalidadeEstados Unidos de América Editar o valor em Wikidata
EducaciónArt Students League of New York (pt) Traducir Editar o valor em Wikidata
Actividade
Lugar de traballo Nova York Editar o valor em Wikidata
Ocupaciónescultor , artista Editar o valor em Wikidata
Membro de
Participou en
1928Xogos Olímpicos de 1928 Editar o valor em Wikidata
Premios
WikiTree: Weinman-79 Find a Grave: 139184495 Editar o valor em Wikidata

Weinman acadou en 1898 a nacionalidade estadounidense.[3]

Traxectoria editar

Primeiros anos e formación editar

Weinman naceu na vila de Durmersheim, próxima a Karlsruhe, no daquela Gran Ducado de Baden, o 11 de decembro de 1870. Con só 10 anos, en 1880, trasladouse aos Estados Unidos coa súa nai viúva, para vivir cuns parentes en Nova York.[3][4][5][6][7] Coma outros inmigrantes alemáns, nos Estados Unidos cambiou o seu apelido orixinal, Weingärtner, por Weinman, para lle dar unha aparencia máis próxima ao inglés.[1]

Nesa cidade, logo de traballar como aprendiz do tallador de madeira e marfil Frederick Kaldenberg,en 1887 comezou a asistir ás clases nocturnas da Cooper Union, onde o seu talento para o debuxo ornamental lle proporcionou o premio Mitchell Vance. O ano seguinte foi admitido como alumno do escultor Philip Martiny e logo continuou a súa formación artística na Art Students League, de Nova York, onde tivo como profesores a escultores tan recoñecidos como Augustus Saint-Gaudens.[3][4][5][7][1]

Carreira artística editar

Logo da súa formación académica, Weinman continuou traballando como axudante dos escultores Charles Niehaus, Olin Warner e Daniel Chester French, ata finais do século.[3][4][7] En 1904 abriu o seu primeiro estudio propio en Nova York, e en 1923 trasladouse a outro en Forest Hills, na mesma cidade, onde residiu durante toda a súa vida.[5][6]

Aínda que Weinman acadou máis sona como deseñador e gravador de moedas estadounidenses, el reivindicou a súa condición de escultor, disciplina na que cultivou unha abundante obra, nalgúns casos de relevancia, sinaladamente a de escultura ornamental ou arquitectónica.[1]

 
Escultura Descending Night, cerada por Weinman para a Exposición Internacional Panamá-Pacífico de San Francisco (1915).[8]

Os seus ingresos ordinarios procedían maioritariamente da venda de pequenas reproducións en bronce das súas obras de maior tamaño. Un exemplo disto é a súa obra Descending Night, cuxa versión monumental foi encargada orixinalmente para a Exposición Internacional Panamá-Pacífico de San Francisco (1915) para decorar as súas fontes exteriores e cuxa reprodución forma parte da colección do Museo Metropolitano de Arte de Nova York.[8]

Weinman formou parte do concurso de escultura das Olimpíadas de Verán de 1928.[1] Así mesmo, pertenceu a diversas entidades artísticas e eruditas, como a Sociedade Nacional de Escultura —cuxa presidencia exerceu entre 1927 e 1930—, a Comisión de Belas Artes dos EEUU (1929-1933),[9] a Academia Estadounidense das Artes e das Letras, o Instituto Nacional das Artes e das Letras, a Academia Nacional de Deseño ou a Comisión de Arte da Cidade de Nova York, entre outras.[6] Weinman foi membro tamén da American Numismatic Association e da American Numismatic Society.[3]

Pasamento e legado editar

Adolph Weinman finou en Port Chester, no estado de Nova York, o 8 de agosto de 1952.[6] Logo do funeral na Catedral de San Patricio, en Manhattan, o seu corpo foi soterrado no cemiterio Calvary, de Queens.[10]

Os documentos da traxectoria de Adolph A. Weinman consérvanse nos Arquivos da Arte dos Estados Unidos, do Instituto Smithsoniano.[5]

O seu fillo máis vello, Robert Weinman, foi tamén un escultor e medallista recoñecido.[11] Outro dos seus fillos, Howard Weinman, foi o autor da moeda conmemorativa de medio dólar do tricentenario de Long Island.[12]

Unha das principais discípulas de Adolph Weinman foi a escultora Eleanor Mary Mellon (1894-1979).[13]

Recoñecementos editar

Obra editar

 
Medalla de servizo da Campaña Asia-Pacífico Exposición da Compra de Luisiana (1942).[15]

Moeda e medalla editar

Weinman é lembrado fundamentalmente por ser o deseñador e gravador da moeda de 10 centavos de dólar Mercury (1916),[16][17] e sinaladamente do medio dólar da Liberdade camiñando (1916),[18][19] un deseño este último que foi recuperado en 1986 para o anverso da popular moeda de colección American Silver Eagle.[4][20][21]

Tamén participou na creación de varias medallas de servizo para as Forzas Armadas estadounidenses, entre as que destacan os reversos das da Campaña de Asia-Pacífico; a Campaña de Europa, África e Oriente Medio, todas elas da segunda guerra mundial. Entre as medallas civís destacan a conmemorativa da Exposición da Compra de Luisiana (1904), a do Instituto Americano de Arquitectos (1907) e a outorgada como premio Stanford Saltus de Medalla (1918), da American Numismatic Society.[3][7][14][21][22]

En 1907 comezou a expor a súa obra medallística na Academia Nacional do Deseño, e nesa institución expuxo tamén os anos seguintes os modelos de varias das súas producións escultóricas máis salientables.[3] Tamén expuxo a súa produción de medallas na Exposición Medallística de Nova York e no Salón da Medalla de Bruxelas, ambos en 1910.[7]

Escultura editar

A obra de Weinman como escultor arquitectónico pódese atopar nos capitolios dos estados de Wisconsin, Missouri e Luisiana. Weinman converteuse no escultor favorito do estudio de arquitectura McKim, Mead and White, e deseñou tamén esculturas para diversos edificios e monumentos de Nova York, como a Casa Consistorial de Manhattan, a igrexa presbiteriana de Madison Square —rematada en 1906 e demolida en 1919—, o monumento aos mártires dos barcos de prisioneiros na Guerra de Independencia e a estación de ferrocarril de Pensilvania —concluída en 1910 e demolida en 1963—.[6] Algunhas das súas aguias procedentes desta estación consérvanse noutros lugares, como as novas instalacións da propia estación ou o parque zoolóxico nacional de Washington.[23]

 
Escultura de Weinman no frontón do Jefferson Memorial de Washington, que representa o Comité dos Cinco.

Entre outras das súas obras de escultura arquitectónica fóra de Nova York destacan o friso do memorial aos veteranos de guerra, en Chicago, e esculturas para o edificio do Departamento Postal, para o Jefferson Memorial e para o interior do Tribunal Supremo dos EEUU, todas estas en Washington.[3][6]

Dentro da obra escultórica non arquitectónica de Weinman pódense salientar os monumentos de Macomb e Maybury, en Detroit, así como a escultura de Abraham Lincoln situada no centro da vila de Hodgenville, en Kentucky.[6]

A maioría das obras escultóricas de Weinman corresponden a un estilo coñecido como "Neoclásico lírico". As súas figuras adoitan levar drapeados clásicos, aínda que na súa obra se aprecia tamén unha fluidez que presaxia o estilo Art Decó, que Weinman tamén cultivou. A súa pequena estatua de bronce titulada The Nude Golfer ("O golfista espido"), de 1901, é unha mostra representativa deste estilo. Este traballo evoca a escultura clásica pola súa atención á anatomía humana e ao movemento, así como o propio espido do deportista, en tanto que a propia escolla do suxeito, un xogador de golf contemporáneo, lle achega un toque de actualidade.[24]

Escolma de traballos editar

Moeda e medalla editar

Escultura editar

Notas editar

  1. ↑ 1,0 1,1 1,2 1,3 1,4 "Adolph Weinman". Olympedia.org
  2. ↑ "Weinman, Adolph Alexander". En The Encyclopedia Americana (1920).
  3. ↑ 3,0 3,1 3,2 3,3 3,4 3,5 3,6 3,7 3,8 "Adolph Alexander Weinman Arquivado 17 de xaneiro de 2023 en Wayback Machine.". National Academy of Design.
  4. ↑ 4,0 4,1 4,2 4,3 Reiter, E. (2000). "The Weinman Legacy. Part 1". En Professional Coin Grading Service (PCGS). 31 de xaneiro.
  5. ↑ 5,0 5,1 5,2 5,3 "Adolph A. Weinman papers, 1890-1959". Smithsonian Institution.
  6. ↑ 6,0 6,1 6,2 6,3 6,4 6,5 6,6 "Weinman, Adolph A. (Adolph Alexander), 1870-1952". Social Networks and Archival Context (SNAC).
  7. ↑ 7,0 7,1 7,2 7,3 7,4 Forrer, L. (1916). Páxina 427 .
  8. ↑ 8,0 8,1 "Descending Night. ca. 1914, cast by 1917". Metropolitan Museum of Art.
  9. ↑ Luebke, T. E. (2013.) Civic Art. A Centennial History of the U.S. Commission of Fine Arts. U.S. Commission of Fine Arts, Washington. Apéndice B. Páxina 557. ISBN 978-0160897023
  10. ↑ "Adolph Alexander Weinman". Findagrave.com
  11. ↑ "Robert Alexander Weinman Arquivado 17 de xaneiro de 2023 en Wayback Machine.". National Academy of Design.
  12. ↑ "½ Dollar Long Island". Numista.com
  13. ↑ Heller, J.; Heller, N. G. (2013). North American Women Artists of the Twentieth Century. A Biographical Dictionary. Routledge. ISBN 978-1-135-63882-5
  14. ↑ 14,0 14,1 "The Saltus Medal Award". American Numismatic Society.
  15. ↑ "The Louisiana Purchase Exposition, Saint Louis 1904". Metropolitan Museum of Art.
  16. ↑ "1 Dime "Mercury Dime"". Numista.com
  17. ↑ Lange, D. W. (1993) A Complete Guide Book to Mercury Dimes. DLRC Press, Virginia Beach. ISBN 978-1-880731-17-8
  18. ↑ "½ Dollar "Walking Liberty Half Dollar"". Numista.com
  19. ↑ "Walking Liberty Silver Half Dollar". CoinNews.net
  20. ↑ "American Eagle Silver Proof Coin". United States Mint.
  21. ↑ 21,0 21,1 "Die Münzen und Medaillen von Adolph Weinman". Muenzen-Online.com
  22. ↑ Noe, S. P. (1921).
  23. ↑ "Eagle (sculpture)". Smithsonian Institution.
  24. ↑ "The nude golfer, 1901". Artnet.com
  25. ↑ Noe, S. P. (1921). Páxina 25.
  26. ↑ "1 Dime "Mercury Dime"". Numista.com
  27. ↑ "½ Dollar "Walking Liberty Half Dollar"". Numista.com
  28. ↑ "Eagle (sculpture)". Smithsonian Institution.
  29. ↑ Federal Writers' Project (1996). The WPA Guide to Kentucky. University Press of Kentucky. Páxina 120. ISBN 0813108659
  30. ↑ "Union Soldiers and Sailors Monument (sculpture)". Smithsonian Institution.

Véxase tamén editar

Bibliografía editar

Traído desde «https://gl.wikipedia.org/w/index.php?title=Adolph_Alexander_Weinman&oldid=6718990»