Alberto García Ferreiro

Para outras páxinas con títulos homónimos véxase: Alberto García.

Alberto García Ferreiro, nado en Sobrado do Bispo, Barbadás, o 11 de marzo de 1860 e finado en Santiago de Compostela o 9 de febreiro de 1902, foi un xurista, escritor e xornalista galego.

Alberto García Ferreiro

En Extracto de Literatura n.º 5, 4/2/1893.
Biografía
Nacemento	11 de marzo de 1860 Sobrado do Bispo, España
Morte	9 de febreiro de 1902 (41 anos) Santiago de Compostela, España
Datos persoais
País de nacionalidade	España
Educación	Universidade de Santiago de Compostela
Actividade
Ocupación	avogado , escritor , xornalista
Influencias	Manuel Curros Enríquez
Lingua	Lingua galega e lingua castelá

Traxectoria

A Concepción Arenal en Ourense.

O seu pai era un empresario natural de Valladolid e a súa nai de Sobrado do Bispo. Cursou o bacharelato no Instituto de Ourense (1875) e fixo a carreira de Dereito na Universidade de Santiago de Compostela, onde foi redactor de Gaceta de Galicia. Instalouse na súa cidade natal como avogado, onde foi famoso polas súas capacidades oratorias. Ao mesmo tempo escribiu literatura, foi director de La Prensa (1881) e fundou e dirixiu a revista La Pluma (1882) e o xornal La Semana, ademais de facerse cargo da dirección dos últimos números de La Tertulia en decembro de 1883; foi redactor de El Derecho e creou e dirixiu La Defensa de Galicia (1893). Colaborou en La Opinión Liberal e O Tio Marcos d'a Portela e foi nomeado delegado da Asociación Regionalista Gallega da que organizou a sección de Ourense, colaborando no seu órgano, La Patria Gallega. Impulsou a realización da estatua de Concepción Arenal en Ourense. Pasou os últimos anos da súa vida recluído en Santiago de Compostela.

Escribiu tamén unha obra de teatro, titulada Luchar por la patria que foi estreada en Santiago de Compostela en 1879. Segundo os críticos Alberto García Ferreiro é un discípulo de Manuel Curros Enríquez, e ao igual que o seu mestre, foi progresista, liberal e anticlerical. Non dominaba ben o galego, mesturándoo co castelán e usando hiperenxebrismos. A súa obra máis destacada é Lenda de groria un poema épico sobre o ataque da frota inglesa de Francis Drake, que foi premiada en 1890 na Coruña polo Liceo Brigantino.

Obras

• Garcilaso de la Vega y sus obras, 1875, discurso.
• Luchar por la patria, 1879, cadro dramático en verso.
• Gritos del alma, 1880, poesías en castelán.
• Volvoretas, 1887, poesías en galego.
• Chorimas, 1890, Biblioteca Gallega, poesías en galego.
• Leenda de groria, 1891, poema galego.
• Follas de papel, 1892, poesías en galego.

Vida persoal

Casou en Ourense con Blanca Tomé Martín, filla de Bernardo Tomé Cora Ondarreta, en 1886, e foi pai de Iván e Blanca García Tomé.

Galería

• 
  Luchar por la patria, 1879.
• 
  Gritos del alma, 1880.
• 
  Chorimas, 1890.
• 
  Leenda de groria, 1891.
• 
  Follas de papel, 1892.

Recoñecementos

Na cidade da Coruña existe unha rúa co seu nome e o concello de Ourense colocou unha lápida conmemorativa na súa casa natal.

Véxase tamén

Bibliografía

• "García Ferreiro, Alberto". Diciopedia do século 21 2. Do Cumio, Galaxia e do Castro. 2006. p. 974. ISBN 978-84-8288-942-9. 
• "García Ferreiro, Alberte". Enciclopedia Galega Universal. Ir Indo. 1999-2002. ISBN 84-7680-288-9. 
• Carballo Calero, R. (1975) [1963]. Historia da literatura galega contemporánea. Galaxia. ISBN 84-7154-227-7. 
• Caseiro Nogueiras, Delfín (2002). "A obra literaria de Alberto García Ferreiro no centenario do seu pasamento". Raigame (15): 58–70. Arquivado dende o orixinal o 24 de marzo de 2023. Consultado o 31 de decembro de 2023. 
• Couceiro Freijomil, Antonio (1951-53). Diccionario bio-bibliográfico de escritores (en castelán) II. Bibliófilos Gallegos. p. 131. 
• Fernández del Riego, F. (1992) [1990]. Diccionario de escritores en lingua galega (2ª ed.). Do Castro. p. 170. ISBN 84-7492-465-0. 
• Méndez Ferrín, Xosé Luis (1984). De Pondal a Novoneyra. Edicións Xerais de Galicia. ISBN 84-7507-139-2. 
• Pena, Xosé Ramón (2014). Historia da literatura galega. II. De 1853 a 1916. O Rexurdimento. Xerais. ISBN 978-84-9914-764-2. 
• Vilanova Rodríguez, Alberto (2005). "García Ferreiro, Alberto". Gran Enciclopedia Galega (DVD). El Progreso. ISBN 84-87804-88-8. 
• Vilavedra, Dolores, ed. (1995). Diccionario da literatura galega. Autores I. Vigo: Editorial Galaxia. pp. 248–249. ISBN 84-8288-019-5. 

Ligazóns externas

• Barros Guede, José (25/4/2008). "Alberto García Ferreiro, elocuente abogado, polémico periodista y célebre poeta". La Opinión A Coruña (en castelán). 
• "Piden un Día das Letras Galegas para o poeta Alberto García Ferreiro". Nós Diario. 12/3/2023.