Jorge Coira

director de cine e guionista galego

Jorge Coira Nieto, nado en Rábade en 1971, é un director de cine e guionista galego.

Jorge Coira
Nacemento1971
Lugar de nacementoRábade
NacionalidadeEspaña
Ocupacióndirector de cinema e guionista
CónxuxeAraceli Gonda
Na rede
http://www.jorgecoira.com/
IMDB: nm0170030 Twitter: jorgecoira Vimeo: jorgecoira Editar o valor em Wikidata
editar datos en Wikidata ]

Traxectoria editar

Comezou a mediados dos anos 90 facendo curtametraxes nas que contou coa participación de actores como Luís Tosar, Isabel Blanco, María Bouzas, María Pujalte, Xosé Manuel Olveira "Pico" ou o dúo Mofa e Befa.

En 2002 filmou a súa primeira longametraxe, un telefilme chamado Entre bateas, un drama protagonizado por Miguel de Lira. O seu seguinte proxecto cinematográfico foi a película O ano da carracha, unha produción na que contou cun elenco con multitude de actores galegos e tamén do panorama estatal.

No ano 2010 estrea 18 Comidas, unha película coral producida por Fernanda del Nido que na que o director contou cun elenco amplo con actores como Luís Tosar, María Vazquez, Xosé Barato, Pedro Alonso, Sergio Peris Mencheta ou Víctor Clavijo, entre outros. Nos seguintes anos dirixiu a gravación do DVD de Torre de Breoghán, álbum en directo de Luar na lubre xunto coa Orquestra Sinfónica de Galicia. Estreouse como director de teatro no 2016 coa obra Get Back producida por Eme 2[1], e no 2019 estreou un novo filme, Eroski Paraíso.

En 2022 estreou Código Emperador, un filme de suspense protagonizado por Luís Tosar.[2]

Na televisión traballou en varios proxectos da Televisión de Galicia: series de ficción como Terra de Miranda, As leis de Celavella, Padre Casares, Luci ou documentais como Vida nas mareas ou Chunda Chunda. Ademais dirixiu episodios en series nacionais como El Comisario (Telecinco), Pelotas (TVE1), Piratas (Telecinco) entre outras. En 2019 dirixiu a serie Hierro, creada por seu irmán Pepe e emitida en Movistar+.[3]

Como actor participou na curtametraxe Antonio, Jorge y Luís (1998), de Beatriz Santana e Miguel Asensio, xunto con Luís Tosar e Antonio Pereira.

Filmografía editar

Curtametraxes editar

Longametraxes editar

Series editar

Galardóns e nomeamentos editar

Premios Mestre Mateo editar

Ano Categoría Filme Resultado
2002 Mellor director Entre bateas Gañador
Mellor director Terra de Miranda Nomeado (con Chema Gagino)
Mellor montaxe Entre bateas Gañador (con Guillermo Represa)
2004 Mellor director O ano da carracha Gañador
2005 Mellor director As leis de Celavella Gañador (con Carlos Sedes)
Mellor realización As leis de Celavella Gañador (con Carlos Sedes)
2008 Mellor montaxe O menor dos males Gañador
Mellor realización Padre Casares Gañador (con Carlos Sedes, Manuel Espiñeira e Álex Sampayo)
2009 Mellor director ¿Qué culpa tiene el tomate? Nomeado
Mellor montaxe ¿Qué culpa tiene el tomate? Nomeado
2010 Mellor director 18 comidas Gañador
Mellor guión 18 comidas Gañador (con Araceli Gonda e Diego Ameixeiras)
Mellor montaxe 18 comidas Gañador
2013 Mellor director Luci Nomeado
Mellor guión Luci Nomeado (con Araceli Gonda e Pepe Coira)
2018 Mellor montaxe A sombra da lei Gañador

Notas editar

Véxase tamén editar

Ligazóns externas editar