Luar na lubre

grupo musical galego
(Redirección desde «Luar na Lubre»)

Luar na Lubre é grupo de folk galego creado na Coruña en 1985. Trátase dunha das bandas máis representativas do panorama folk galego. Obtiveron distintos premios, boas críticas, actuacións nos mellores escenarios e dous discos de ouro.

Luar na Lubre
OrixeA Coruña, Galicia
Período1985–presente
Xénero(s)Folk , Música celta
Selo(s) discográfico(s)Edigal
Warner Music
MembrosIrma Macías
Bieito Romero
Antía Ameixeiras
Patxi Bermúdez
Pedro Valero
Xavier Ferreiro
Xan Cerqueiro
Antigos membrosAna Espinosa
Rosa Cedrón
Sara Vidal
Antía Ameixeiras
Eduardo Coma
Xulio Varela
Daniel Sisto
Xavier Cedrón
Paula Rey
Na rede
http://www.luarnalubre.com
MySpace: luarnalubregaliza Spotify: 5JqaR50nAadSYO26G1x97a Last fm: Luar+na+Lubre Musicbrainz: 7fcbcd27-33bc-4c40-bb45-5e3927004fac Songkick: 195344 Discogs: 1145978 Allmusic: mn0000524071 Deezer: 8267 Editar o valor em Wikidata

Traxectoria editar

 
Rosa Cedrón, vocalista do grupo entre 1996 e 2005.

Luar na Lubre foi creado en 1985 na cidade da Coruña por Bieito Romero (aínda que dous anos antes da creación oficial do grupo editouse unha maqueta chamada Ara Solis) e foi tecendo a súa traxectoria paseniñamente no eido musical galego até que a través da súa colaboración con Mike Oldfield nunha xira no ano 1992 tivo unha grande eclosión e a consecuencia desta deuse a coñecer a público ao que non chegara antes, isto viuse acrecentado pola versión que Oldfield fixo, e publicou con grande éxito, de "O son do ar" en The Voyager co título "The Song of the Sun", un tema instrumental do grupo. Na actualidade continúan a súa singradura no seu estilo e, ao tempo, experimentando con algunhas novidades.

Os instrumentos que usan son: gaita galega (e algunha que outra introdución de uilleann pipe), acordeón diatónico, violín, frautas e whistles, chelo, guitarra acústica, bouzouki, pandeireta, bohdran e percusións. O grupo tivo na súa historia cinco voces femininas: nos primeiros anos Ana Espinosa, posteriormente Rosa Cedrón, a portuguesa Sara Vidal, Paula Rey e, por último, a súa voz actual, Irma Macías[1]

Luar na Lubre resalta a cultura galega con temas tradicionais, mais tampouco quedan fora as influencias celtas de países como Irlanda, Escocia ou a Bretaña, así como unha estreita relación coa música portuguesa, pola estima que lle teñen a José Afonso, reflectida na canción "Tu gitana", que se viu reforzada coa entrada da nova cantante. Este grupo tamén ten conciencia e compromiso social coa actualidade, plasmada en cancións coma "Memoria da noite", que comenta as consecuencias da catástrofe do Prestige no ano 2003 nas costas galegas. Evidentemente desde 1985 o estilo e tendencias do grupo evolucionou moito, cada vez soan mellor no estudio de gravación, pero sobresaen especialmente no directo.

En 2005, co abandono de Rosa Cedrón e contando xa coa nova vocalista, a portuguesa Sara Vidal, presentan o álbum Saudade. O disco conta con poemas de García Lorca en galego adicados a Buenos Aires, poemas de autores galegos homenaxeando os emigrantes, unha pandeirada de Celso Emilio Ferreiro dedicada ao Che Guevara etc. Nesta edición participan Pablo Milanés, Emilio Cao, Adriana Varela e Lila Downs, entre outros.

No seu seguinte traballo, Camiños da fin da terra, publicado en 2007 fan un percorrido polos camiños que levan aos confíns do mundo, uns camiños cheos de lendas, tradicións, personaxes, historias que lle dan un profundo sabor a mar e frescura. A canción "Os animais", baseada nunha melodía tradicional irlandesa levada polos emigrantes a América, coñecida por ser a banda sonora dun coñecido anuncio dun automóbil, está sendo moi visitado en youtube onde foi número 1 en varias ocasións en diferentes apartados. O 3 de abril de 2008 na gala dos Premios da Música o grupo acadou recoñecemento de Mellor Álbum Tradicional por Camiños da fin da terra e Mellor Canción en Galego co tema "Canto de andar".

En 2009 publican un concerto en directo, Ao vivo, gravado en dous CDs e un DVD os días 22 e 23 de xaneiro de 2009 no Teatro Colón da Coruña, co gallo dos 24 anos de vida do grupo. Este concerto contou coas colaboracións de Diana Navarro ("Romeiro ao lonxe"), Pedro Guerra ("Memoria da noite"), Luz Casal ("Camariñas") e Ismael Serrano ("El derecho de vivir en paz"). O DVD ten coma extras o videoclip "El derecho de vivir en paz" e un spot promocional da cidade da Coruña cos seus lugares e monumentos máis coñecidos, coa música de O son do ar.

En 2010 publican Solsticio, o seu duodécimo traballo.

O 3 de novembro de 2011 anunciouse que a nova vocalista do grupo era Paula Rey,[2] despois de que Sara Vidal deixara o grupo en setembro.

En xuño de 2014, o grupo estrea un espectáculo chamado "Torre de Breoghan", cuxo eixo temático son as lendas dos Milesians, que unen os mitos de Galicia e Irlanda, e no cal contaron coa colaboración da Orquestra Sinfónica de Galicia. Trátase dun concerto suite de 100 minutos de duración cunha importante parte escenográfica con proxeccións en directo. Nani García foi o encargado de facer os arranxos dos temas do grupo para orquestra. O espectáculo está dividido en catro bloques temáticos, o primeiro deles adicado ós elementos da natureza, o segundo, á lírica medieval galaico-portuguesa, o terceiro, o máis importante e central e o que lle dá título, é o da Torre de Breoghan, e a última das partes son os clásicos de Luar na Lubre, con temas como "Tu gitana", "Memoria da noite", "Camariñas", "O son do ar" ou "Chove en Santiago".[3] O espectáculo conta coa edición dun documental e dun disco-libro de Xabier Cordal, cun estilo de conto de tradición oral.

 
Luar na Lubre no Tradicionàrius, na presentación de Extra Mundi.

O 4 de decembro de 2015 publicaron o álbum Extra Mundi, un disco que busca achegarse a outras culturas, en homenaxe e agradecemento, levando ao seu terreo temas populares, algúns deles tamén cantados noutras linguas, como Txoria Txori, Nel campu ñacen flores ou El Rossinyol. Un ano despois celebran o seu XXX Aniversario cun recompilatorio de temas ocultos, por menos coñecidos, nun CD no que tamén reinterpretan algúns temas dos seus primeiros discos, como é o caso de Dun Tempo Para Sempre, desta volta na voz de Irene Cerqueiro, e no que renden tributo a Emilio Cao co tema Fonte de Araño, no que colabora Ismael Serrano.

En 2018 presentan Ribeira Sacra, disco gravado no Mosteiro de San Pedro de Rocas e que busca poñer en valor a través da música a riqueza histórica, etnográfica, natural e monumental deste territorio [4]. O traballo conta con diversas colaboracións, entre as que destacan Víctor Manuel, SÉS, a Coral de Ruada, Nani García, a asturiana Marisa Valle Roso, Juan A. Antepazo de Astarot, Irma Macías Suárez e Brais Maceiras. Estes dous últimos, Irma (voz) e Brais (acordeón diatónico), acompañan actualmente á formación na xira de presentación de Ribeira Sacra.

En 2020 publicaron Vieiras e Vieiros, un novo disco co Camiño de Santiago como tema central.[5] O disco inclúe 14 novas cancións e 14 versións de temas seus de discos anteriores, coas colaboracións de numerosos artistas como Diana Navarro, Ismael Serrano, Hevia, Miro Casabella, Carlos Jean, a antiga cantante do grupo Sara Vidal ou a Orquestra Sinfónica de Bratislava. Ademais publicaron o videoclip dun dos temas, "Dum Pater familias", que é o canto de peregrinos máis antigo conservado, aparecendo no Códice Calixtino.[6] O álbum inclúe cancións en galego, latín, inglés e francés.

Membros editar

Membros actuais editar

Membros anteriores editar

Discografía editar

Álbums editar

Libro-disco editar

Audiovisual editar

Videoclips editar

  • "Tu Gitana" (1997)
  • "Chove en Santiago" (1999)
  • "El derecho a vivir en paz" (2002)
  • "Os animais" (2007)

Longametraxes editar

  • Un bosque de música, longametraxe documental sobre o grupo dirixido por Ignacio Vilar e editado por “Via Lactea Films” no ano 2004.

Notas editar

  1. "«A miña vida deu un xiro grandísimo, antes cantaba entre amigos e nas igrexas»". La Voz de Galicia (en castelán). 2018-09-06. Consultado o 2018-10-16. 
  2. ""A coruñesa Paula Rey é a nova vocalista de Luar na Lubre"". Arquivado dende o orixinal o 04 de novembro de 2011. Consultado o 04 de novembro de 2011. 
  3. "Entrevista a Bieito Romero en Zig Zag Eirado". CRTVG. Consultado o 11 de xullo de 2014. 
  4. Coruña, Ayuntamiento de A. Coruña / Concello da. "Luar na Lubre". Cultura Coruña. Arquivado dende o orixinal o 29 de decembro de 2018. Consultado o 2018-12-28. 
  5. "Luar na Lubre publica «Vieiras e vieiros» e regresa este venres aos escenarios". La Voz de Galicia (en castelán). 25 de xuño de 2020. Consultado o 27 de xuño de 2020. 
  6. "Luar Na Lubre ilustra musicalmente el Camino de Santiago con el álbum ‘Vieiras e vieiros, historias de peregrinos’" (en castelán). 26 de xuño de 2020. Consultado o 27 de xuño de 2020. 
  7. "Luar na Lubre presenta nova formación en Madrid". Arquivado dende o orixinal o 09 de abril de 2018. Consultado o 20 de maio de 2016. 

Véxase tamén editar

Ligazóns externas editar