Gonzalo Romero Osende

perito mercantil, avogado e fotógrafo galego

Gonzalo Romero Osende, nado en Zas o 21 de xuño de 1904 e finado en Cambre o 5 de xuño de 1984,[1] foi un perito mercantil, avogado e fotógrafo galego.

Gonzalo Romero Osende
Nacemento21 de xuño de 1904
Lugar de nacementoZas
Falecemento5 de xuño de 1984
Lugar de falecementoCambre
NacionalidadeEspaña
Ocupacióncommercial expert, avogado e fotógrafo
editar datos en Wikidata ]

Traxectoria editar

Fillo de Esperanza Osende Botana e Gonzalo Romero Juega, médico de Zas. O pai morreu o 29 de outubro de 1918 a consecuencia da gripe de 1918,[2] e a familia trasladouse a Santiago de Compostela.

Perito mercantil, avogado e empregado de banca. Nos anos da República era interventor do Banco de La Coruña en Santiago de Compostela. Co golpe de Estado do 18 de xullo de 1936 foi mobilizado como tenente de Complemento. Actuou como defensor nos consellos de guerra celebrados en Santiago de Compostela dende xullo de 1936 ata xuño de 1937. Participou na defensa de cinco acusados de Padrón (Francisco Castaño Otero, Andrés Rey Baltar, Jaime Caamaño Comparada, Antoliano Correa Jamardo e José Millares Gil),[3] dezaoito de Porto do Son, sete de Santiago de Compostela (Luís Martínez Nouche, Francisco Ponte Ces, Antonio Ramos Varela, Andrés Gómez N., Serafín López Bouzas, José Jeremias Montero e Claudio Sousa Antúnez), vinte de Ordes, cinco de Curtis (Manuel Calvelo, Isabel Ríos, Manuel Sánchez Ayerbe, Manuel Pena Camino e Eduardo Sánchez Lago),[4] dous de Arzúa (Alfonso Núñez López e Federico Nogueira Pimentel), cinco de Muros (Florentino del Río López de Ipiña, Manuel Lago Ramos, Lino Tieles Blanco, Isidro Caramés Tajes, e Peregrino Lestón González), un de Frades (Arturo Briones Varela),[5] un da Pobra do Caramiñal (Manuel Hermo Vidal) e trinta e dous de Negreira (Elena Suárez Suárez, Jesús Lens Patiño, Benjamín Troitiño Beiro, Ramón Pose Suárez, Juan Barros Manteiga, Jesús González Ferreiro, Manuel Fagin Páramos, José Manuel Calvo Suárez, Manuel Teixeira Correa, Domingo Abeijón Ces, Herminio Suárez Arnejo, Gumersindo Lista Pena, Antonio Pérez Barbazán, José Crespo Pérez, José Suárez Arnejo, Víctor Matalobos Iglesias, José González Regueiro, Hilario Rivas Ruíz, Jesús Pazos Mesías, Antonio Santos Pérez, Florindo Mosquera Ríos, Maximino Quinteiro Vidal, José María Nieto Crego, Jesús Mourelle Ramos, Andrés Mallo, Manuel Pereiro Freire, Gumersindo Pereiro Sanmartín, José María Fernández Freire, Alfredo Paz Lemus, Francisco Zarauza Pulleiro, José María Lista Vázquez e Manuel Lata Brea).[6] Despois renunciou a seguir desempeñando o seu papel e pediu o traslado a fronte de guerra. Destinado ao Rexemento de Infantaría Mérida 35, partiu de Compostela o 9 de xullo de 1937 para a fronte de Brunete. Ao chegar a batalla xa concluíra e o Rexemento pasou á fronte de Alfambra en Teruel. Ao rematar a guerra volveu traballar no Banco de La Coruña en Santiago de Compostela, e despois en Vigo e A Coruña.

Fotógrafo afeccionado, fixo gran cantidade de imaxes que foron recollidas na exposición "Recuperación do Arquivo Fotográfico de Gonzalo Romero Osende".

Vida persoal editar

Casou con Emilia Mengotti Osende en 1933 e foi pai de Emilia, Gonzalo, Manuel, Julio, Francisco Javier, Carlos, Santiago, María de la Paz e José Luis Romero Mengotti.

Notas editar

  1. Necrolóxica en La Voz de Galicia, 6-6-1984, p. 40.
  2. Diario de Galicia, 31-10-1918, p. 3.
  3. El Pueblo Gallego, 17-11-1936, p. 11.
  4. La Voz de Galicia, 20-12-1936, p. 2.
  5. El Eco de Santiago, 16-11-1936, p. 2.
  6. El Compostelano, 30-3-1937, p. 2.

Véxase tamén editar

Bibliografía editar

Ligazóns externas editar