Estación de Pamplona
A estación de Pamplona, oficialmente Pamplona-Iruña e antigamente coñecida como estación do Norte, é unha estación de tren de Adif situada na cidade de Pamplona, en Navarra. Ten servizos de longa e media distancia operados por Renfe.
| Estación de Pamplona | ||||
|---|---|---|---|---|
 | ||||
| Tipo | estación de ferrocarril  | |||
| Estado de uso | en funcionamento | |||
| Instalacións |     | |||
| Persoas e organizacións | ||||
| Operador/a | Renfe Operadora | |||
| Propietario/a | Adif | |||
| Datas | ||||
| Inauguración | 1860 | |||
| Transporte | ||||
| Servizo de conexión | Alvia e Intercity | |||
| Código de estación | 80100 | |||
| Liñas ferroviarias | Castejón-Alsasua railway line (en)  | |||
| Número de beiras | 2 | |||
| Autobús |  | |||
| Localización | ||||
| ||||
| Estado | España | |||
| Comunidade foral | Navarra | |||
| Meiriñado | Meiriñado de Pamplona | |||
| Comarca | Cuenca de Pamplona | |||
| Concello | Pamplona | |||
| [ Wikidata ] [ C:Commons ] | ||||
Situación ferroviaria
editarA estación atópase no punto quilométrico 181 da liña férrea de ancho ibérico que une Castejón de Ebro e Altsasu, a 413 metros de altitude.[1]
Historia
editarA estación foi aberta ao tráfico o 15 de setembro de 1860 coa apertura do tramo Caparroso-Pamplona da liña férrea que pretendía unir Zaragoza con Navarra por parte da Compañía do Ferrocarril de Zaragoza a Pamplona.[2] Esta última non tardaría en unirse coa compañía do ferrocarril de Zaragoza a Barcelona dando lugar á compañía dos Ferrocarrís de Zaragoza a Pamplona e Barcelona.[3] O 1 de abril de 1878 a súa mala situación económica forzouna a aceptar unha fusión con Norte.[3] En 1941, a nacionalización do ferrocarril en España supuxo a integración de Norte na recentemente creada Renfe. Foi no seu momento ata 1956 estación de empalme co Irati (ferrocarril Pamplona-Sangüesa) que accedía para combinar o transporte de viaxeiros e mercadorías entre ambos os ferrocarrís.
Desde o 31 de decembro de 2004 Renfe explota a liña mentres que Adif é a titular das instalacións ferroviarias.
A estación
editarEstá situada na praza da Estación, no barrio de San Jorge/Sanduzelai ao oeste do centro urbano.
O actual edificio para viaxeiros é unha ampla estrutura de dúas plantas e base rectangular con disposición lateral ás vías. Ten punto de información, venda de billetes, aseos e cafetería. En total dispón de dez vías aínda que só tres teñen acceso a unha plataforma lateral e a outra central.
No exterior hai unha zona de aparcadoiro habilitada así como unha parada de autobuses urbanos.
Servizos ferroviarios
editarLonga distancia
editarActualizado a 7 de xullo de 2016.
Media distancia
editarActualizado a 7 de xullo de 2016.
| Liñas | Trens | Orixe/Destino | <> | Destino/Orixe |
|---|---|---|---|---|
| 26 | Rexional Exprés | Zaragoza-Delicias | <> | Pamplona |
| 26 | Rexional Exprés | Castejón de Ebro | <> | Vitoria |
| Intercity | Barcelona-Sants | <> | Pamplona |
Notas
editar- ↑ Rede ferroviaria española Arquivado 23 de setembro de 2010 en Wayback Machine. Ministerio de Fomento
- ↑ Memoria de FZP páxina 3, froito da Xunta Xeral de Accionistas celebrada o 8 de xuño de 1861.
- ↑ 3,0 3,1 Zaragoza á Pamplona y Alsasua spanishrailway
Véxase tamén
editar| Wikimedia Commons ten máis contidos multimedia na categoría: Estación de Pamplona |