Estación de Castejón de Ebro

Castejón de Ebro é unha estación ferroviaria situada no municipio español de Castejón, en Navarra. É un importante nó ferroviario da rede aínda que o peche ao tráfico de liña Soria-Castejón na década dos 90 e o conseguinte desvío do tráfico radial por Zaragoza fixéronlle perder peso. Aínda así conserva unha ampla praia de vías. Dispón de servizos de longa e media distancia operados por Renfe.

Estación de Castejón de Ebro
Tipo	estación de ferrocarril
Instalacións	aparcadoiro e baño público
Localización
42°10′22″N 1°41′33″O
Estado	España
Comunidade foral	Navarra
Concello	Castejón
Datas
Inauguración	1861
Transporte
Código de estación ferroviaria	81200
Liña de tren	Castejón-Alsasua railway line (en) , Castejón–Bilbao railway (en) , Torralba-Castejón railway line (en) , Soria-Castejón railway line (en) e Casetas-Bilbao railway line (en)
Servizo de conexión	Alvia e Intercity
Persoas e organizacións
Propietario/a	Adif
Operador/a	Renfe Operadora
[ Wikidata ]

Situación ferroviaria

Na estación conflúen as seguintes liñas férreas de largo ibérico:

• Liña férrea Soria-Castejón (parte da liña 202), punto quilométrico 103,0. A devandita liña deixou de prestar servizo no ano 1996 aínda que non está oficialmente pechada.
• Liña férrea Bilbao-Casetas (liña 700) por Logroño e Miranda de Ebro, punto quilométrico cero.
• Liñas férrea Castejón-Altsasu (liña 710) na súa sección de Zaragoza a Castejón de Ebro, punto quilométrico 93,7.

Historia

A estación foi inaugurada o 16 de maio de 1861 coa apertura do tramo Tudela-Caparroso da liña férrea que pretendía unir Zaragoza con Navarra por parte da Compañía del Ferrocarril de Zaragoza a Pamplona. Esta última non tardaría en unirse coa compañía do ferrocarril de Zaragoza a Barcelona dando lugar á compañía dos Ferrocarriles de Zaragoza a Pamplona y Barcelona. En 1863, a liña Castejón-Bilbao impulsada pola Compañía del Ferrocarril de Tudela a Bilbao sumouse á anterior convertendo a localidade en nó ferroviario. En 1878, todas estas compañías remataron absorbidas por Norte.

En 1941, a nacionalización do ferrocarril en España supuxo a integración de Norte na recentemente creada Renfe. Ese mesmo ano púxose en funcionamento a Castejón-Soria, liña de vía única, sen electrificar que pretendía acurtar os traxectos entre Madrid e Pamplona.

Dende o 31 de decembro de 2004 Renfe Operadora explota a liña mentres que Adif é o titular das instalacións ferroviarias.

A estación

Sitúase ao norte do centro urbano. Posúe un amplo edificio para viaxeiros formado por unha estrutura de dúas plantas, de base rectangular, de aspecto clásico e simétrico. Forma unha especie de illa rodeado por un gran número de vías. Posúe cinco plataformas, dúas a cada lado do edificio e outras tres centrais. A estas últimos accédese grazas a varios pasos subterráneos. O complexo ferroviario conta ademais, cunhas vinte vías, moitas delas mortas. Nunha destas vías consérvase en non demasiado bo estado de conservación un prototipo de RENFE coñecido como o platanito.

Dispón de venda de billetes, punto de información, sala de espera, aseos e servizos adaptados para as persoas con discapacidade. No exterior, nun dos laterais do edificio de viaxeiros existe un aparcadoiro habilitado.

Servizos ferroviarios

Longa distancia

Actualizado a 8 de xullo de 2016.

Media distancia

Actualizado a 8 de xullo de 2016.

Liñas	Trens	Orixe/Destino	<>	Destino/Orixe
22	Rexional Exprés	Zaragoza-Delicias	<>	Logroño Castejón de Ebro
26	Rexional Exprés	Zaragoza-Delicias	<>	Pamplona-Iruña Vitoria-Gasteiz

Véxase tamén

Ligazóns externas

• Información na páxina web de Adif Arquivado 27 de decembro de 2014 en Wayback Machine. (en castelán)