Manuel Corredoira López
Manuel Corredoira López, nado na Coruña en 1955, enxeñeiro industrial pola Universidade Politécnica de Cataluña (UPC) e licenciado en Dereito pola Universidade da Coruña, foi director xeral de Educación, Formación Profesional e Innovación Educativa, da Xunta de Galicia.[1]
  | |
| Biografía | |
|---|---|
| Nacemento | 1955 (68/69 anos) A Coruña, España |
| Datos persoais | |
| País de nacionalidade | España |
| Actividade | |
| Ocupación | político |
| Lingua | Lingua castelá |
Traxectoria editar
Logo de traballar como enxeñeiro en empresas do sector privado entre 1979 e 1984, a partir desa data ocupou diversos postos no ámbito educativo, inicialmente como profesor de ensino secundario e anos máis tarde como asesor técnico docente da Consellería de Educación e Ordenación Universitaria, ata ingresar en 2005 no corpo de Inspectores de Educación.[2][3]
En canto a postos directivos, na Administración galega foi nomeado subdirector xeral de Formación Profesional e Educación de Adultos entre 1998 e 2000, e subdirector xeral de Formación Profesional entre 2009 e 2012. Na Administración central do Estado exerceu como subdirector xeral de Formación Profesional no Ministerio de Educación, Cultura e Deporte entre 2000 e 2004.[4]
O 15 de xuño de 2012 foi nomeado director xeral de Educación, Formación Profesional e Innovación Educativa na Consellería de Cultura, Educación e Ordenación Universitaria, en substitución de José Luis Mira Lema[5][6], posto que desempeñou ata setembro de 2020, cando nos cambios políticos que sucederon ao inicio do curso da COVID-19, foi destituído.
Notas editar
- ↑ Ficha de Manuel Corredoira Arquivado 22 de outubro de 2020 en Wayback Machine. no Portal de Transparencia e Goberno Aberto. Xunta de Galicia.
- ↑ "La Xunta y la Universidade da Coruña entrarán a formar parte del Consello Escolar Municipal". La Voz de Galicia, 6 de febreiro de 2006. (...) con la presencia de Manuel Corredoira López, inspector de la Consellería de Educación en la comarca (...) (en castelán).
- ↑ Orde ECI/2938/2005, do 7 de setembro, pola que (...) se nomean funcionarios de carreira do Corpo de Inspectores de Educación (...). BOE do 23 de setembro de 2005.
- ↑ Estudio Temático del Aprendizaje de los Adultos. OCDE, 2001. "Equipo de dirección: Manuel Corredoira López, subdirector general de Formación Profesional. Ministerio de Educación, Cultura y Deporte".
- ↑ "José Luis Mira cesa como director xeral de Educación y será sustituido por Manuel Corredoira". Europa Press. 14 de xuño de 2012 (en castelán).
- ↑ Decreto 133/2012, do 14 de xuño, polo que se nomea director xeral de Educación, Formación Profesional e Innovación Educativa a Manuel Corredoira López. DOG do 15 de xuño de 2012.