Blood Filloas

Blood Filloas foi un grupo de indie rock de Ferrol. Foi dos poucos grupos na escena penínsular en cultivar dito estilo. Aínda que cantaban a maioría dos seus tema en inglés, a raíz das súas aparicións en diversas escenas da vida cultural e artística galega, como o Xabarín Club, estiveron ligados ó denominado movemento bravú. Entre as súas influencias estaban grupos como The Clash, Redd Kross, Husker Du, Nirvana, The Posies, Undertones, Fuzztones, Chocolate Watchband, The Sonics, Wreckless Eric, Buzzcocks, Blondie ou These Animal Men.

Blood Filloas
OrixeFerrol, Galiza Flag of Galicia.svg
Período1992 - 1997
Xénero(s)indie rock
MembrosFernando Cabalo
Victor Álvarez
Anxo"pulpo" García Saavedra
Daniel Alonso
Páxina webFacebook da banda

HistoriaEditar

O xermolo do grupo ten lugar no salón de actos do colexo público A Xunqueira de San Valentín (Fene), onde actúan Los Hijos Espurios de Riveira Arnoso (antigo alcalde de Fene -BNG-). Os compoñentes eran Dani Alonso (voz), Fernando Cabalo (guitarra), Reina (baixo) e Alberto Malpaso (batería).

O 30 de maio de 1992 toca o primeiro embrión da banda nos Encontros de Primavera - Letras Galegas 92, no concello de Culleredo. Dani (voz e batería), Fernando (guitarra) e Oscarín (baixo) fan versións de The Sonics, The Clash, Siniestro total, Nirvana e Andrés do Barro. A formación chamábase Deep sound. Tocarían outra vez co antedito nome o 13 de xuño.

O 19 de febreiro de 1993 tocan no concurso A Mocidade coa Lingua, cun premio de 7500 pesetas, xa como Blood Filloas. O cambio de nome debeuse á entrada dun novo compoñente, Toni á batería. Ante unhas 200 persoas interpretaeon o seu repertorio habitual, máis algún tema novo, pero cunha característica peculiar, todo en galego; así, "The Sunshinne of your Love" convertíase en "Corta o pelo Landrú". Gañaron o premio e quedaron clasificados para Ferrol.

O 8 de maio tocan na Praza Vermella de Cedeira xunto a Slot, Amadeus e Os Maruxa. O 11 de xuño é a final do concurso promovido dende os Institutos de Bacharelato da comarca, A Mocidade coa Lingua, na Praza de Amboage de Ferrol. Tocaron os temas "Corta o pelo Landrú" e "You Know" (¡Mais o que ben quixo un día!) adaptando un poema de Rosalía de Castro. Gañaron o premio, 30.000 pesetas, e deixaron o instituto.

O 19 dese mesmo mes actúan no Casino de Fene como abreconcertos da Orquesta Los Capris, acompañados por Danny Abeledo ós teclados e Alberto Malpaso á harmónica. O 25 de xuño tocan no Pub Queliceros de Ferrol, e o 13 de agosto na praza do concello de Fene.

O 8 de outubro tocan na discopub Bristol de Ferrol, tendo como abreconcertos a El álamo. Tres temas marcan aquela actuación e seu estilo posterior como banda: "I need you" de The Kinks, "Psycho" de The Sonics, e "Corre corre" de Leño. Repiten nesa sala o 21 de novembro, desta volta con Escuadrón diabólico, Torniquete menstrual, Blind river e Tender trap.

O 10 de decembro compoñen e gravan a sintonía do programa musical Gorevisión (TV Narón), que comeza a súa emisión o 30 dese mes. Nese programa emítese a primeira actuación de Victor Alvarez coa banda, sendo un punto de inflexión na busca dunha identidade musical para a mesma. Así, co cambio de ano, Víctor substitúe a Óscar no baixo, e Nicolás Lage fai o propio relevando a Toni na batería.

O día 10 de xaneiro editan a súaa primeira maqueta, Blood Filloas. Gravada no local de ensaio da Carricoa, en San Xoán de Filgueira (Ferrol). Incluía os temas "I´m calling you ", "Are you crazy", "Asian girl", "Harvey Captain Theme", She´s cool", "Targets!" e "Gorevision". Nesa época Txiki Calvo (presentador do programa musical Gorevisión) convértese en representante da banda.

Son incluídos coa primeira maqueta na lista do programa Disco Grande, de Radio 3.

O 13 de outubro emítese o último programa de Gorevisión. O 15 de decembro editan a súa segunda maqueta: Science Fiction. Gravada e mesturada por Marcos Sedes e a propia banda en Pop Corn (Ferrol), e con portada deseñada por Ángela Arias. Incluía os temas "Capitain Harvey", "Are you crazy?", "Asian girl", "She is cool", "Targets!" e "Kill someone you want".

O 28 de xaneiro de 1995 Anxo García "Pulpo" entra como batería, xa definitivo. O 20 de abril chegan á final do concurso do Bar "Nirvana" de Madrid, entre 400 grupos. O 29 de abril gravan o seu primeiro sinxelo, Blandi-Blood, nos Estudios Fussion (Vigo), para Toxic Records, selo propiedade de Billy King, membro de Killer Barbies.

O 12 de maio gravan dous temas en playback para o programa da TVG Clipmanía: "She is cool" e "My Cake". O 17 de xuño, tamén nos Estudos Fussion de Vigo, gravan o tema "Superheroe" para o Xabarín Club. O 1 de xullo gañan o concurso do Bar Planta Baixa de Vigo. O premio era a gravación dun LP. En agosto fan a súa primeira xira, que os leva por Valencia, Alacant, Albacete e Murcia. O 24 de setembro foron abreconcertos da banda dos Ánxeles White Flag en Ferrol, e o día 28 á banda de Seattle The Posies en Vigo. O 11 de novembro comeza a emitirse o videoclip do tema "Superheroe", incluído no recompilatorio A cantar con Xabarín. O 9 de xaneiro de 1996 actúan no Ferrol con Los Limones no espectáculo itinerante do Xabarín Club. Nese mesmo mes o fanzine Subterfuge edítalles un sinxelo de vinilo, compartido co grupo Frogger. Tamén nese mes gravan unha versión do clásico "Mack the Knife" para a BSO da curtametraxe The End, debut en 35 mm e terceira colaboración co tamén ferrolano Carlos Alberto Alonso.

A súa canción "Asian Girl", na que colabora Silvia Superstar, aparece na BSO de Killer Barbies, película de Jess Franco. Editan o seu primeiro CD, Toys are us, con "Subterfuge Records", producido por Fernando Pardo (membro de Sex Museum e como parte do premio do concurso de Planta Baixa. Realizan a función de abreconcertos dos australianos DM3 na xira que os levou por Madrid, Ourense, Vigo, León, Valencia, Castelló, St. Ettiene (Francia), Lyon (Francia), Burdeos (Francia) e Bilbao.

En 1997 seguen coa xira do Toy are us, tocando por Galiza e saíndo a Madrid, León e Alcala de Henares. Realizan a xira "Xeración Xabarín" canda Os Rastreros e O Caimán do río Tea.

DiscografíaEditar

ÁlbumsEditar

Blandi Blood EP (1995).

  1. "Teenage Tales"
  2. "My cake"
  3. "Dreaming"

Blood Filloas vs Frogger (1995).

  1. "She is cool"
  2. "Target"

Toy are us (1996).

  1. "Stuck up"
  2. "Squeezed out Rose"
  3. "Succes"
  4. "Green kross"
  5. "Aliens from Mars"
  6. "Asian girl"
  7. "My cake"
  8. "Superheroe"