John Williams

John Towner Williams, nado en Queens, Long Island, Nova York o 8 de febreiro de 1932, é un compositor estadounidense premiado varias veces polas súas bandas sonoras.

John Williams

Nome orixinal	(en) John Towner Williams (en) John T. Williams (en) John Williams
Biografía
Nacemento	(en) John Towner Williams 8 de febreiro de 1932 (92 anos) Nova York (Estados Unidos de América)
Principal conductor (en) Orquestra Pops de Boston (pt)
1980 – 1993
Datos persoais
Educación	Escola Juilliard Glendale High School (en) Accademia Musicale Chigiana North Hollywood High School (en) Universidade de California, Os Ánxeles UCLA Herb Alpert School of Music (en)
Actividade
Campo de traballo	Música cinematográfica (pt)
Ocupación	director de orquestra, pianista, compositor, compositor de bandas sonoras
Período de actividade	1952 -
Membro de	Academia das Artes e das Ciencias dos Estados Unidos
Xénero artístico	Música clásica contemporánea
Carreira militar
Rama militar	Forza Aérea dos Estados Unidos de América
Instrumento	Piano, Clavicémbalo, clarinete baixo (pt) , saxofone barítono (pt) e baixo
Selo discográfico	Sony Classical 20th Century Fox Records (pt) Philips MCA Records Philips Classics Records (pt) Columbia Records
Obra
Obras destacables music of Star Wars (en) ../... 29+
Familia
Cónxuxe	Barbara Ruick
Fillos	Joseph Williams
Premios
(2022)  Honorary Knight Commander of the Order of the British Empire (en) (2020)  Premio Princesa de Asturias das Artes (19 de abril de 2016)  oficial da Orde das Artes e as Letras (2016)  AFI Life Achievement Award (2015)  Grammy Award for Best Instrumental Composition (en) , premiado polo traballo The Book Thief (2009)  Medalla Nacional das Artes (2007)  Grammy Award para melhor trilha orquestrada de mídia visual (pt) , premiado polo traballo Memorias dunha geisha (1976)  Óscar á mellor banda sonora, premiado polo traballo A guerra das galaxias (1974)  Academy Award for Best Original Dramatic Score (en) , premiado polo traballo Tiburón (1970)  Oscar de Melhor Trilha Sonora Original (pt) , premiado polo traballo O violinista no tellado  Saturn Award for Best Music (en)  Premio Globo de Ouro  Premio Kennedy  Óscar á mellor banda sonora, premiado polo traballo E.T. the Extra-Terrestrial  Óscar á mellor banda sonora, premiado polo traballo A lista de Schindler  Classic Brit Awards (pt)
Sinatura
Descrito pola fonte	Obálky knih,

Traxectoria

Primeiros anos e formación

Fillo de Johny Williams, un músico de orquestra que traballou como percusionista en programas de radio e bandas sonoras, especialmente para a CBS e Columbia Pictures. Outros membros da súa familia dedicáronse á música, como a súa irmá, que foi profesora de piano. Durante a infancia, escoitaba ao seu pai pola radio, e este animouno a aprender piano, aínda que durante dous anos estivo especialmente interesado no trombón, estudos que deixou para retomar os de piano.

Formouse na Universidade de California, Os Ánxeles e na Julliard School.

Carreira musical

Bandas sonoras

Amigo de Steven Spielberg, asina case todas as bandas dos seus filmes, tales como Parque Xurásico, Tiburón, A lista de Schindler, Encontros na terceira fase, Munich etc. Tamén é socio do cineasta George Lucas, sendo o autor das famosas bandas sonoras das series cinematográficas de éxito Star Wars e Indiana Jones.

Outras bandas famosas de autoría de Williams son a da saga Harry Potter, a de Home Alone e a do filme de Superman protagonizado por Christopher Reeve.

Ademais dos seus traballos en música de filmes, fixo bandas sonoras para series de televisión como Lost in Space, Land of the Giants ou o tema calipso para Gilligan's Island.

É considerado un dos maiores compositores da actualidade. Nomeado nada menos que 58 veces ao Oscar, foi vitorioso cinco veces.

Outros traballos

Williams dirixindo no Hollywood Bowl, en setembro de 2009.

Williams é coñecido tamén polas súas obras eruditas e concertos, como: o concerto para fagot e orquestra, o concerto para violoncello e orquestra, o concerto para trompeta e orquestra, o concerto para violín, frauta e orquestra e o concerto para trompa e orquestra.

Compuxo a música para a "rededicación da estatua da Liberdade" e para a toma de posesión de Barack Obama, interpretada por Itzhak Perlman e Yo-Yo Ma, Anthony McGill e Gabriela Montero e compuxo a música de catro Xogos Olímpicos.

Dirixiu diversas orquestras, como a banda de música das Forzas Armadas dos EUA, Orquestra Sinfónica de Boston, a Filarmónica de Nova York, a Orquestra Sinfónica de Chicago e a Filarmónica dos Ánxeles, á que dirixe anualmente para os concertos no Hollywood Bowl.

Influencias

Williams citou a Chaikovskii, Bernard Herrmann, Sergei Prokofev, Franz Waxman, Mantovani, Elmer Bernstein, Richard Wagner, Gustav Holst, Igor Stravinsky, Erich Wolfgang Korngold, Henry Mancini e Alfred Newman como influencias para o seu traballo.

Premios e honras

Williams recibu 53 candidaturas ao oscar á mellor banda sonora (o que gañou en 5 oportunidades, con O violinista no tellado, Jaws, E.T. the Extra-Terrestrial, O retorno do Jedi, A lista de Schindler) e 5 nomeamentos ao oscar á mellor canción orixinal. Williams ostenta o maior número de nomeamentos aos Academy Awards despois de Walt Disney.

Williams tamén gañou 4 Golden Globe Awards, 7 British Academy Film Awards e 21 Grammy.

Williams foi honrado co Richard Kirk anual en 1999 nos BMI Film and TV Awards, o Kennedy Center Honors en 2004 e recibiu o Premio Princesa de Asturias das Artes en 2020, compartido con Ennio Morricone. En 2022 foi nomeado cabaleiro comendador honorario da Orde do Imperio Británico.

Vida persoal

Williams estivo casado coa actriz Barbara Ruick en 1956 até o seu pasamento por hemorraxia cerebral en 1974. Tiveron tres fillos: Jennifer, Mark e o músico Joseph Williams. En 1980, casou con Samantha Winslow e viven nos Ánxeles.

Véxase tamén

Outros artigos

• Banda sonora orixinal

Ligazóns externas

• John Williams na IMDb (en inglés).
• The official site