Parque Xurásico (en inglés: Jurassic Park) é un filme de 1993, dirixido por Steven Spielberg e con guión baseado no libro homónimo de Michael Crichton. É o primeiro filme da franquía Jurassic Park, e o guión foi escrito entre Crichton e David Koepp. O filme está ambientado na illa ficticia de Nublar, localizada na costa pacífica de América Central, preto de Costa Rica, onde un filántropo billonario e o seu equipo de científicos xenetistas crearon un parque temático de dinosauros clonados.

Parque Xurásico
Ficha técnica
Título orixinalJurassic Park
DirectorSteven Spielberg
ProdutorKathleen Kennedy
Gerald R. Molen
Steven Spielberg
GuiónDavid Koepp
Michael Crichton
Baseado enJurassic Park de Michael Crichton
IntérpretesSam Neill
Laura Dern
Jeff Goldblum
Richard Attenborough
Joseph Mazzello
Ariana Richards
Samuel L. Jackson
Bob Peck
Martin Ferrero
Wayne Knight
MúsicaJohn Williams
FotografíaDean Cundey
MontaxeMichael Kahn
EstudioAmblin Entertainment
DistribuidoraUniversal Pictures
Estrea1993
Duración127 minutos[1]
OrixeEstados Unidos de América Estados Unidos
XéneroFicción científica
Orzamento$63 000 000[2]
Recadación$1 029 153 882[2]
Filme seguinteThe Lost World: Jurassic Park
Na rede
IMDB: tt0107290 Filmaffinity: 152490 Allocine: 8488 Rottentomatoes: m/jurassic_park Mojo: jurassicpark Allmovie: v26808 TCM: 80025 Metacritic: movie/jurassic-park TV.com: movies/jurassic-park Netlix: 60002360Editar o valor em Wikidata

Antes de que a novela de Crichton fose publicada, catro estudios de cine fixeron propostas polos dereitos do filme. Co apoio de Universal Studios, Spielberg conseguiu os dereitos por $1,5 millóns antes da súa publicación en 1990, e Crichton foi contratado por $500 000 adicionais para adaptar a novela á pantalla. Koepp escribiu o borrador final, eliminando contidos e violencia da novela e facendo numerosos cambios nas personaxes. A rodaxe tivo lugar en California e Hawaii entre agosto e novembro de 1992, e o traballo de posprodución durou até maio de 1993, sendo supervisado por Spielberg en Polonia mentres rodaba A lista de Schindler. Os dinosauros foron creados por unha innovadora tecnoloxía de xeración de imaxes por ordenador de Industrial Light & Magic, e grazas a dinosauros animatrónicos construídos polo equipo de Stan Winston. Para o deseño de son do filme, que inclúe unha mestura de diferentes sons de animais para os ruxidos de dinosauros, Spielberg investiu na creación de DTS , unha empresa especializada en formatos de son dixitais.

Contanto cunha xigantesca campaña de mercadotecnia de $65 millóns, que incluía acordos con máis de 100 compañías, Parque Xurásico recadou máis de $900 millóns en todo o mundo na súa estrea, converténdose no filme con maior recadación até aquela data, un récord que mantivo até 1997, coa estrea de Titanic. Foi moi ben acollido pola crítica, que louvou os seus efectos especiais, a música de John Williams e a dirección de Spielberg. Despois da súa re-estrea no 2013 en versión 3D co gallo do seu 20 aniversario, Parque Xurásico converteuse no filme número 17 en superar a recadación de máis de $1000 millóns, e situouse entre os 20 filmes con maior recadación da historia. Conseguiu máis de 20 premios (incluíndo 3 Premios Óscar), a maioría deles técnicos. O seu éxito motivou tres secuelas, The Lost World: Jurassic Park (1997), Jurassic Park III (2001) e Jurassic World (2015). Unha quinta entrega da franquía, Jurassic World: Fallen Kingdom foi estreada en 2018.

Sinopse editar

John Hammond, presidente dunha empresa de biotecnoloxía chamada InGen, consegue o imposíbel: clona dinosauros a través de ADN extraído dun mosquito fosilizado en ámbar. Envisionando un lucrativo negocio, constrúe nunha illa costarriqueña chamada Illa Nublar, unha especie de zoolóxico cos dinosauros. Entre tanto, os executivos esixen unha inspección do parque por dous especialistas. Entón Hammond convoca ao paleontólogo Alan Grant e ao matemático Iam Malcolm. Xunto con eles, Ellie Sattler, a namorada de Grant, os netos de Hammond, Alex e Tim, e o avogado Donald Gennaro. Durante a visita, o controlador Denis Nedry, subornado pola rival da InGen, desconecta todo o parque a fin de roubar os embrións de dinosauros. Cos animais soltos, todos deben tentar escapar con vida.

Personaxes editar

Premios editar

Óscar editar

  • Mellores Efectos Especiais,
  • Mellores Efectos Sonoros,
  • Mellor Son.

Dobraxe en galego editar

Parque Xurásico foi o filme máis visto da TVG, até que o 5 de xaneiro de 2005, Harry Potter e a pedra filosofal lle arrebatou o récord.[3]

Notas editar

  1. British Board of Film Classification (ed.). "Jurassic Park". Consultado o 25 de xullo de 2015. 
  2. 2,0 2,1 Box Office Mojo (ed.). "Jurassic Park (1993)". Consultado o 6 de maio de 2013. 
  3. "«Harry Potter e a pedra filosofal», la película más vista en la historia de TVG". La Voz de Galicia (en castelán). 7 de xaneiro de 2005. Consultado o 21 de outubro de 2018. 

Véxase tamén editar

Ligazóns externas editar