Mela Casal

Dolores de los Milagros Casal Devesa, artisticamente coñecida como "Mela Casal", nada en Rodiño Grande, Sergude, Boqueixón, en 1948, é unha actriz galega.

Mela Casal

Biografía
Nacemento	1948 (75/76 anos) Boqueixón, España
Datos persoais
País de nacionalidade	España
Actividade
Ocupación	actriz
Lingua	Lingua galega e lingua castelá

Traxectoria

Fíxose popular para os espectadores galegos polo seu papel da alcaldesa de Portozás, Celia Rei, na serie Mareas vivas e posteriormente foi unha das protagonistas doutra serie de ficción de éxito da TVG, A vida por diante, emitida entre xaneiro de 2006 e decembro de 2007.

En televisión ten colaborado ademais noutras producións como Nada es para siempre (Antena 3), sen esquecer o seu papel de Socorrito en Luar. As súas incursións en cine non son moi numerosas, aínda que cabe destacar a súa participación en títulos como Sei quen es, de Patricia Ferreira Mañas, en 2000, O lapis do carpinteiro de Antón Reixa en 2003 e O ano da carracha, de Jorge Coira, en 2004, así como varias curtametraxes.

Nos últimos anos participou en producións galegas coma a película Pradolongo (2008) ou o telefilme O club da calceta (2009).

Estivo nomeada ó Premio Mestre Mateo á mellor actriz protagonista en 2008 pola súa interpretación de Sofía en A vida por diante. Tamén conta cunha grande experiencia teatral.

Cine

• Martes de carnaval (1991), de Fernando Bauluz e Pedro Carvajal.
• Huidos (1993), de Sancho Gracia.
• O párroco embaucado (1994), de José Carlos Soler (curtametraxe)
• Contos de Alentraia: Tornabón (1994), de Jorge Coira e José Carlos Soler. Como Meiga.
• A metade da vida (1994), de Raúl Veiga.
• A todo tren (1995), de Liida Mosquera (curtametraxe).
• Cando volvas ó meu lado (1999), de Gracia Querejeta. Como Clienta.
• Sei quen es (2001), de Patricia Ferreira Mañas. Como Encargada hemeroteca.
• Inútil (2001), de Paco Rañal.
• O lapis do carpinteiro (2003), de Antón Reixa. Como Lavandeiro.
• O ano da carracha (2004), de Jorge Coira. Como Nai de Fran.
• Voarei lonxe (2005), de Belén Vidal (curtametraxe).
• Adeus edrada? (2005), de Rubén Riós.
• Pradolongo (2008), de Ignacio Vilar. Como Maruxa.
• Conexão (2009), de Leonel Vieira.
• O club da calceta (2009), de Antón Dobao.
• Vilamor (2008), de Ignacio Vilar. Como Anuncia.
• A esmorga (2014), de Ignacio Vilar.
• Cuñados (2021), longametraxe de Toño López.
• +Cuñados (2024), longametraxe de Luis Avilés.

Televisión

• Unha de romanos (1989), de Xaime Fandiño.
• Luar (1992). Como Socorrito.
• Nada es para siempre (1999-2000), de Emilio McGregor e outros. Como Profesora Chacón.
• Mareas vivas (1998-2001), de Antón Reixa e Eduardo McGregor. Como Alcaldesa Celia Rei.
• A vida por diante (2006-2007), de Carlos Sedes. Como Sofía Fornas.
• Escoba!.
• Fariña (2018), Antena 3.

Teatro

• Estima (2003), da compañía Pífano.

Galardóns e nomeamentos

Premios Mestre Mateo

Ano	Categoría	Filme	Resultado
2006	Mellor actriz protagonista	A vida por diante	Nomeada
2007	Mellor actriz protagonista	A vida por diante	Nomeada
2009	Mellor actriz secundaria	Conexión	Nomeada
2010	Mellor actriz secundaria	Mar libre	Nomeada
2011	Mellor actriz secundaria	Sinbad	Nomeada
2014	Mellor actriz secundaria	A esmorga	Nomeada
2018	Premio de Honra Fernando Rey		Gañadora

Véxase tamén

Ligazóns externas

• Mela Casal en AVG de Culturagalega.org