Xoán Vidal Martínez

Xoán Vidal Martínez, nado na parroquia de Salcedo (Pontevedra) o 29 de marzo de 1904 e finado na mesma vila o 19 de xuño de 1994, foi un mestre e poeta galego.

Xoán Vidal Martínez

Retrato en Vida Gallega, 1927.
Biografía
Nacemento	29 de marzo de 1904 Salcedo, España
Morte	19 de xuño de 1994 (90 anos) Pontevedra, España
Lugar de sepultura	Cemiterio de Santo Amaro de Pontevedra
Datos persoais
País de nacionalidade	España
Actividade
Ocupación	político , poeta
Partido político	Partido Galeguista
Xénero artístico	Poesía
Lingua	Lingua castelá e lingua galega
Familia
Fillos	Aurora Vidal Caramés
Irmáns	Aurora Vidal Martínez

Traxectoria

Fillo de Juan Vidal Lino, estudou para mestre e traballou a prol do ensino en galego con Antón Iglesias Vilarelle. Foi fundador, xunto con Castelao e outros, do Partido Galeguista de Pontevedra, do que chegou a ser presidente. Máis adiante, o partido integrouse no Partido Galeguista.

Tralo golpe de Estado do 18 de xullo de 1936, foi represaliado, e abandonou a poesía para dedicarse ao seu traballo como mestre. En 1946 asentouse coa súa dona en Ares e foi mestre da Alianza Aresana (1946-1969). En 1969 marchou ás Illas Canarias e exerceu no Colexio Ramón y Cajal de Santa Cruz de Tenerife, no que se xubilou aos 65 anos.

Vida persoal

Era irmán da tamén poeta Aurora Vidal Martínez. Casou en Poio en 1933 coa mestra Aurora Caramés Monteagudo, filla de José María Caramés Durán. Tiveron tres fillos e cinco fillas, entre elas as tamén escritoras Aurora e Clementina Vidal Caramés.

Obra

Colaborou en La Raza e publicou poemas en Vida Gallega. Xunto a Modesto Bará Álvarez fundou a revista Hebe. Amais, fundou as revistas literarias de corte nacionalista Alborada e Cristal (1932-33), xunto a Xosé María Álvarez Blázquez.

Como poeta, pertenceu á xeración do 25, xunto a Luís Amado Carballo e Álvarez Blázquez. Publicou catro obras:

• Mágoas, 1921.
• Alcor, 1927.
• Los senderos inútiles, 1956.
• Voz y memoria (Antología poética), 1986.

Galería de imaxes

• 
  Voda de Xoán Vidal Martínez con Aurora Caramés Monteagudo, Salcedo, 1933.
• 
  Placa na casa familiar, na rúa dos Soportais de Pontevedra.
• 
  Lápida no Cemiterio de Santo Amaro de Pontevedra.
• 
  Poema seu xunto ao seu panteón no cemiterio de Santo Amaro de Pontevedra.

Véxase tamén

Bibliografía

• Acuña Trabazo, A. (2005). Xoán Vidal Martínez. Voz e memoria. Pontevedra:: Concello de Pontevedra. 
• Vidal Caramés, A. e Vidal Caramés, C. (2009). Xoán Vidal Martínez. Vida e obra. Pontevedra: Deputación provincial. ISBN 978-84-8457-326-5. 
• Couceiro Freijomil, A. (1954). "VIDAL MARTÍNEZ, Xoán". Diccionario bio-bibliográfico de escritores (en castelán) III. Santiago de Compostela: Bibliófilos Gallegos. p. 503. 

Ligazóns externas

• Ficha en www.poesiagalega.org