Cemiterio de Santo Amaro de Pontevedra

Este artigo trata sobre o cemiterio de Pontevedra. Para o cemiterio da Coruña véxase: Cemiterio de Santo Amaro da Coruña.

O cemiterio municipal de Santo Amaro (tamén coñecido como San Mauro) é un camposanto da parroquia de Mourente, no concello de Pontevedra. Trátase do cemiterio máis grande de todo o municipio. Foi proxectado en 1879 polo arquitecto municipal Alejandro Rodríguez Sesmero e inaugurado o 29 de setembro de 1882. O primeiro persoeiro famoso en ser enterrado aquí foi o escritor pontevedrés Andrés Muruais, finado días despois da inauguración do recinto.^[1]

En 2012 o concello puxo en marcha un programa de visitas guiadas polo camposanto.^[2]

Personaxes ilustres

Algúns persoeiros enterrados no camposanto:

Fernando Sarabia (1781–1849), militar e político.
Andrés Muruais (1851–1882), escritor e xornalista.
Indalecio Armesto (1838–1890), escritor, xornalista, xurista, filósofo e político.
Jesús Muruais (1852–1903), escritor e xornalista.
Eduardo Vincenti (1857–1924), político.
Perfecto Feijoo (1858–1935), farmacéutico e musicólogo.
Alexandre Bóveda (1903–1936), intelectual e político.
José Adrio Barreiro (1910–1936), avogado e político.
Celestino Poza Cobas (1868–1954), mestre, médico e político.
Antonio Iglesias Vilarelle (1891–1971), mestre e músico.
Francisco Javier Sánchez Cantón (1891–1971), historiador.
Luís Amado Carballo (1901-1927), xornalista e poeta.
Manuel Cuña Novás (1924–1992), escritor e político.
Antonio Heredero (1918-2008), pintor.
Celestino López de Castro (1860-1934), médico.