Andrés Muruais

Andrés Muruais Rodríguez, nado en Pontevedra o 30 de novembro de 1851 e finado na mesma cidade o 21 de outubro de 1882, foi un escritor e xornalista galego.

Andrés Muruais
Nacemento	30 de novembro de 1851
Lugar de nacemento	Pontevedra
Falecemento	21 de outubro de 1882
Soterrado	Cemiterio de Santo Amaro de Pontevedra
Nacionalidade	España
Ocupación	escritor
Cónxuxe	Emilia Calé
Irmáns	Jesús Muruais
Xéneros	Poesía
Estudos	Medicina e Cirurxía
Na rede
[ editar datos en Wikidata ]

Traxectoria

Licenciouse en Medicina e Cirurxía na Universidade de Santiago de Compostela en 1874. Co seu irmán Jesús frecuentou as reunións da sociedade La Galicia Literaria, que tiñan lugar en Madrid en 1875, na casa da poetisa Emilia Calé.

Foi un dos impulsores da prensa diaria en Galicia, colaborou cos periódicos La Constancia, El Deber, La Paz, El Porvenir, El Anunciador, El Eco de Pontevedra e El Lérez, foi o responsable de El Urco e fundou en Pontevedra o semanario El Independiente (1881-1882).

Apaixonado por Galicia e considerando que o sistema federativo era o máis conveniente para ela, fundou comités e dirixiu un partido en Pontevedra.

Escribiu poesía en castelán e algúns poemas en galego, e cultivou tamén o teatro e a zarzuela. A súa obra caracterízase polo seu costumismo e imaxinación.

Finou por mor da tuberculose. Foi soterrado no cemiterio de San Amaro de Pontevedra, poucos días despois da súa inauguración.

Obras

• Cantos inarmónicos, 1874 (poesía).
• La hija del timonel, 1878 (teatro).
• Percances de un viejo verde (zarzuela).

Véxase tamén

Bibliografía

• García Domínguez, Raimundo (2005). Litoral das Rías, ed. Vida breve de Andrés Muruais. Poio. ISBN 84-933408-3-9.