Ares
Este artigo (ou sección) está desactualizado(a). A información fornecida mudou ou é insuficiente. |
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xuño de 2014.) |
Coordenadas: 43°25′43″N 08°14′34″O / 43.42861, -8.24278
Ares é un concello da provincia da Coruña, pertencente á comarca de Ferrol. Segundo o IGE o 1 de xaneiro de 2014 tiña 5741 habitantes (2845 homes e 2896 mulleres)(en 2012 5839, 5673 no 2009, 5405 no 2006, 5301 no 2005, 5265 no 2004, 5188 no 2003). O seu xentilicio (véxase no Galizionario) é «aresán»[8].
| Ares | |
|---|---|
 | |
 Vista panorámica da vila | |
 | |
| Situación | |
| Xentilicio[1] | aresán/aresá |
| Xeografía | |
| Provincia | Provincia da Coruña |
| Comarca | Comarca de Ferrol |
| Poboación | 6.033 hab. (2022)[2][3] |
| Área | 18,3 km²[3] |
| Densidade | 329,67 hab./km² |
| Entidades de poboación | 3 parroquias[4] |
| Política (2019[5]) | |
| Alcalde | Julio Iglesias Redondo (PSdeG-PSOE[6]) |
| Concelleiros | BNG: 2 PPdeG: 3 PSdeG-PSOE: 7 Outros: NAL 1 |
| Eleccións municipais en Ares | |
| Uso do galego[7] (2011) | |
| Galegofalantes | 12,37% |
| Na rede | |
| www.concellodeares.gal | |
| [ editar datos en Wikidata ] | |
DemografíaEditar
| Censo total 2014 | 5741 habitantes |
|---|---|
| Menores de 15 anos | 674 (11,74 %) |
| Entre 15 e 64 anos | 3661 (63,77 %) |
| Maiores de 65 anos | 1403 (24,44 %) |
| Evolución da poboación de Ares Fontes: INE e IGE. | ||||||||||||||||
| 1900 | 1930 | 1950 | 1981 | 2004 | 2009 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 | 2021 |
| 4209 | 4850 | 4724 | 4708 | 5265 | 5673 | 5801 | 5839 | 5801 | {{{13}}} | {{{14}}} | {{{15}}} | {{{16}}} | {{{17}}} | |||
| (Os criterios de rexistro censual variaron entre 1900 e 2004, e os datos do INE e do IGE poden non coincidir.) | ||||||||||||||||
Patrimonio históricoEditar
Ares conta cun estilo arquitectónico orixinal, con casas dunha soa planta e galerías de madeira pintada de cores vivas. Todo o concello está salpicado por edificios de arquitectura indiana. Moitos deles son dunha grande beleza e gozan dun case perfecto estado de conservación. A súa singularidade converteuna nun destino de veraneo moi visitado nos anos 80 e 90. Este feito contribuíu á propia degradación do contorno arquitectónico, que se viu inundado de casas modernas de varios pisos, aínda que hai zonas que conservan o encanto orixinal da vila, como O Porto, onde abundan as casas dunha altura e paredes encaladas que envolven arrevesadas canellas.
As construcións máis relevantes son o Mosteiro de Santa Catalina de Montefaro e as Baterías militares do Segaño e Coitelada, ademais dos restos dunha antiga torre situada ao final do espigón, en dirección a Estacas.
XeografíaEditar
Esténdese pola franxa costeira que vai desde a Ría de Ferrol ata o porto de Redes.
A vila aresá está situada á beira dunha enseada rodeada de praias que suman case tres quilómetros costeiros de areais de augas tranquilas. As praias máis coñecidas de Ares son A Rampa, O Cruceiro e a A Xunqueira, Redes, Seselle, O Raso, Sabadelle, Río Sandeu e Chanteiro. Tamén hai algunhas calas como Estacas e Centeás e outras calas máis illadas.
Fauna e floraEditar
En Ares teñen presenza especies como as andoriñas, os morcegos ou os lucecús. A ría é rica en marisco; abundan as centolas, nécoras, ameixas, berberechos, percebes, vieiras etc. Tamén os muxos asoman pola ría e, nalgunhas épocas do ano, sobre todo no verán, é común divisar grupos de arroaces gozando das tranquilas augas desta ría.
Ares ten territorio, o seu litoral máis exterior na ría, dentro da zona especial de conservación (ZEC) e a zona de especial protección para as aves (ZEPA) da "Costa Ártabra".[9]
EconomíaEditar
A economía de Ares baséase na pesca, así como na agricultura e o turismo.
TurismoEditar
Entre as festas locais destacan O Voto de Chanteiro, O Carme e as súas procesións marítimas tanto en Redes como en Ares, San Roque en Ares, San Pedro en Cervás e a festividade do Corpus Christi. Na véspera desta última, ata ben entrada a madrugada, toda a xente da vila afánase en cubrir varias rúas do centro con alfombras feitas de flores polas que pasará o día seguinte a procesión.
Ares conta ademais con dous cámpings próximos ás praias, hotel, bares e lugares onde gozar da gastronomía local.
Hai varias rutas de sendeirismo e bicicleta de montala polas que se pode gozar de vistas como a de Montefaro, coas Rías Altas e un Océano Atlántico sempre custodiado pola Torre de Hércules.
Política e gobernoEditar
Goberno municipalEditar
Julio Iglesias Redondo é o alcalde de Ares dende xuño de 2007. Goberna en solitario cos únicos apoios estables dos cinco concelleiros do seu grupo, o PSdeG-PSOE. Na oposición, sentan os edís de PPdeG, BNG e do grupo independente NAL.
Eleccións municipais de 2007Editar
| Partido político | Concelleiros | Votos | Porcentaxes |
|---|---|---|---|
| PPdeG | 5 | 1338 | 35,59% |
| PSdeG-PSOE | 5 | 1314 | 34,95% |
| BNG | 2 | 541 | 14,39% |
| NAL | 1 | 317 | 8,43% |
| UPARES | 0 | 197 | 5,24% |
Galería de imaxesEditar
- Artigo principal: Galería de imaxes de Ares.
|
ParroquiasEditar
| Galicia | Provincia da Coruña | Parroquias de Ares | |
|---|---|
|
Ares (San Xosé) | Caamouco (San Vicente) | Cervás (San Pedro) |
Lugares de AresEditar
Para unha lista completa de todos os lugares do concello de Ares vexa Lugares de Ares.
NotasEditar
- ↑ Véxase no Galizionario.
- ↑ Instituto Nacional de Estadística, ed. (27 de decembro de 2019). "Cifras oficiales de población resultantes de la revisión del Padrón municipal a 1 de enero". Consultado o 2 de xuño de 2020.(en castelán).
- ↑ 3,0 3,1 Instituto Galego de Estatística. (2022) "Ares".Información municipal. Sociedade e poboación. Xunta de Galicia.
- ↑ Nomenclátor de Galicia. Busca directa. Xunta de Galicia
- ↑ "Resultados eleccións municipais 2019". Arquivado dende o orixinal o 25 de xuño de 2019. Consultado o 27 de maio de 2019.
- ↑ Saúdo do alcalde Arquivado 10 de maio de 2020 en Wayback Machine., consultado o 14-09-2019
- ↑ Neira, Carlos. "Evolución do uso do galego por concellos". Arquivado dende o orixinal o 5 de decembro de 2019. Consultado o 14 de outubro de 2014.
Fonte: IGE. Datos dispoñibles nas Táboas Dinámicas de Google
- ↑ Costas González, X.-H. (2016): Os xentilicios de Galicia e dos outros territorios de lingua galega, páx. 41. Universidade de Vigo. ISBN 978-84-8158-706-7
- ↑ Consellería de Medio Ambiente e Ordenación do Territorio, Xunta de Galicia. (eds.). "Costa Ártabra".
Véxase taménEditar
Wikimedia Commons ten máis contidos multimedia na categoría: Ares  |
BibliografíaEditar
- Navaza, Gonzalo (2021). Os nomes dos concellos da provincia da Coruña. Real Academia Galega. ISBN 978-84-17807-09-2. doi:10.32766/rag.377.
Ligazóns externasEditar
Ares en OpenStreetMap.
