Abrir o menú principal

Iberia Líneas Aéreas de España

Iberia é unha aeroliña española (o seu nome oficial é Iberia Líneas Aéreas de España, S.A., Operadora Unipersonal.[1]). É unha das compañías aéreas máis antigas do mundo e está entre as cinco compañías aéreas máis grandes de Europa.

Iberia
Logotipo de Iberia.svg
IATA
IB
OACI
IBE
Indicativo
IBERIA
Fundación28 de xuño de 1927
Inicio das operacións14 de decembro de 1927
Aeroporto principalAeroporto Adolfo Suárez, Madrid-Barajas
Centro de conexiónAeroporto de Barcelona
Plan de voo frecuenteIberia Plus
AlianzaOneworld
SubsidiariasIberia Cargo, Air Nostrum, Vueling, Iberia Express
Frota103 avións
Destinos120 (38 domésticos + 82 internationais)
HoldingInternational Airlines Group
Eslogan da compañíaCon Iberia, eres más
SedeMadrid
DirixentesAntonio Vázquez (presidente executivo)
Páxina web: http://www.iberia.com/
Boeing 757 de Iberia
Sede de Iberia en Madrid
Avión de Iberia sobrevoando O Burgo, Culleredo
Airbus A340-600 de de Iberia
A319-100 de Iberia

HistoriaEditar

FundaciónEditar

Iberia foi fundada o 28 de xuño de 1927 por Horacio Echeberrieta. O 14 de decembro dese mesmo ano realizou o seu primeiro voo. Estaba previsto que fose entre Madrid e Barcelona, con Afonso XIII a bordo, pero dúas horas antes engalara outro avión de Barcelona a Madrid coa intención de que o rei vise a súa aterraxe no aeroporto de Carabanchel (actual Cuatro Vientos)[2].

Iberia iniciou a súa actividade comercial con tres avións Rohrbach R-VIII Roland, uns trimotores con capacidade para dez pasaxeiros que viaxaban en asentos de vimbio, dous tripulantes, equipaxe e carga, dotados de lavabo e cunha velocidade punta de 205 km/h.

Nos primeiros anos comezan a establecerse as primeiras rutas entre cidades da península, as illas Canarias e algunhas cidades da costa do norte de África.

En 1929 Iberia foi forzada a ceder as súas rutas e avións á acabada de crear CLASSA, a instancias do ditame do Directorio Militar para formar un monopolio cunha soa compañía que agrupara todas as existentes por entón en España. Iberia retería parte do accionariado de CLASSA. Tras a proclamación da Segunda República Española CLASSA foi disolta e creouse así LAPE, que absorbeu todas as rutas e bens de CLASSA. Todos os accionistas de CLASSA recibiron unha indemnización por elo. Durante todos os anos de existencia de CLASSA e LAPE, Iberia foi unha sociedade dormente sen actividade real, pero pese a iso, presentaba anualmente o seu balance de contas no rexistro mercantil.

Rutas internacionaisEditar

En 1939 Iberia fixo o primeiro voo entre Madrid e Lisboa, comezando a realizar voos internacionais que ampliaría a comezos dos anos 40 incorporando á lista cidades como Londres, París ou Roma en Europa e Buenos Aires e Montevideo no continente americano. Convértese así na primeira compañía que establece, despois da guerra, un servizo aéreo entre Europa e América do Sur.

Na década dos 50 Iberia supera a cifra do medio millón de pasaxeiros, introdúcese no mercado do Atlántico Norte e o 3 de agosto de 1954 (aniversario da saída de Colón de Palos) inaugúrase a liña Madrid-Nova York con tres avións Super Constellation, bautizados cos nomes das carabelas de Colón: Pinta, Niña e Santa María.

Os primeiros reactoresEditar

O 29 de maio de 1961 celébrase en California a entrega dos tres primeiros reactores da historia de Iberia, os DC-8, que serían bautizados "Velázquez", "El Greco" e "Goya". Este modelo de avión era considerado "o rei das longas distancias": Nova York, Caracas, San Juan de Puerto Rico, México, A Habana e Buenos Aires eran os seus destinos.

O 22 de outubro chega ao aeroporto de Madrid-Barajas o primeiro Boeing 747, coñecido popularmente como Jumbo. Este foi bautizado co nome de "Cervantes".

Nos anos 70 establécense novas rutas a destinos como Istambul, Atenas, Varsovia, Budapest ou Kuwait. No mes de novembro de 1974 establécese a primeira Ponte Aérea de Europa, entre as cidades de Madrid e Barcelona como resposta á elevada concentración de pasaxeiros.

O 20 de xuño de 1987 Iberia, Air France, Lufthansa e SAS crean Amadeus, un sistema global de reservas informatizadas. Este proporciona a miles de axencias de viaxe e oficinas de venda de pasaxes información de horarios, dispoñibilidade de prazas e prezos de billetes de avión de distintas compañías aéreas; tamén facilita a reserva, compra e emisión dos billetes, entre outros servizos.

Modernización da frotaEditar

Entre finais dos anos 80 e principios dos 90, Iberia moderniza a súa frota, os novos McDonnell Douglas MD-87, Airbus A320 e A340 e os Boeing 757 remprazarían aos antigos Douglas DC-9, DC-10 e Boeing 727.

En 1991 creou o primeiro programa de fidelización de clientes nunha liña aérea: Iberia Plus. En 1992, Iberia é a aeroliña oficial dos Xogos Olímpicos de Barcelona e da Exposición Universal de Sevilla. En 1996 creó a súa páxina web (www.iberia.com).

Absorbeu Aviaco (Aviación y Comercio, S.A), xunto coa súa frota en 1999 e nese mesmo ano pasou a formar parte da alianza de aeroliñas Oneworld, xunto con British Airways e American Airlines entre outras.

Durante o ano 2001 Iberia foi privatizada e as accións comezaron a cotizar na bolsa de valores. Cara 2002, cando Iberia celebrou o seu 75 aniversario, levaba transportadas a preto de 500 millóns de pasaxeiros.

O 5 de febreiro de 2006 entregouse a nova Terminal 4 do aeroporto de Barajas a Iberia e aos membros da alianza Oneworld.

FrotaEditar

Frota actualEditar

IberiaEditar

 
McDonnell Douglas MD-87

En xuño do ano 2018 a frota de Iberia estaba formada polos seguintes avións:[3]

Frota de Iberia
Avión En servizo[4][5] Orders[6] Pasaxeiros Notas
P Y Total
Airbus A319-100 15 var
14
var
108
141
122
Airbus A320-200 16 var var 171
Airbus A320neo 2 14 TBA
Airbus A321-200 11 var var 200
Airbus A321neo - 4 TBA
Airbus A330-200 15 19 269 288 Dous operados por Level.[7]
Airbus A330-300 8 36 242 278
Airbus A340-600 17 42
46
300
300
342
346
Os máis vellos van ser substituídos por A330 e A350.[8]
Airbus A350-900 1 15 [6] TBA
Total 85 40

Air Nostrum (Iberia Rexional)Editar

A frota de Air Nostrum en febreiro de 2011 estaba composta por 66 aeronaves, cunha idade media de 9,1 anos[9].

Frota de Air Nostrum
Avión Total Pasaxeiros
ATR 72
5
64-68
Canadair CRJ-200
35
50
Canadair CRJ-1000
5
100
Canadair CRJ-900
11
89

Frota históricaEditar

De 1927 ata 1945Editar

  • Rohrbach R-VIII Roland
  • Junkers G-24
  • Breguet 26T Limousine
  • Savoia Marchetti S-62P
  • Ford 4-AT
  • De Havilland DH 89A Dragon Rapide
  • Dornier J Wal
  • Douglas DC-2
  • Junkers JU-52
  • Douglas DC-1
  • De Havilland DH 90 Dragonfly
  • Douglas DC-3

De 1945 a 1961Editar

  • Douglas DC-4 Skymaster
  • Airspeed AS-65 Consul
  • Bristol 170 Freighter MK.21
  • Stinson 108-3 Voyager
  • Bloch 161 Languedoc
  • Bristol 170 Freighter MK.31
  • Lockheed L-1049 Super Constellation
  • Convair 440 Metropolitan
  • De Havilland D.H. 114 Heron-2
  • ATL 98 Carvair

De 1961 a 1993Editar

DestinosEditar

Artigo principal: Destinos de Iberia.

O Grupo Iberia «opera 94 destinos en 36 países diferentes, aos que hai que engadir 223 adicionais en 49 países grazas a acordos de código compartido con outras compañías aéreas».

Acordos de código compartidoEditar

Iberia ten asinados acordos de voo con código compartido coas seguintes aeroliñas (* indica pertenenza á alianza Oneworld ou é unha filial súa):

NotasEditar

Véxase taménEditar

Ligazóns externasEditar