de Havilland Dragon Rapide
O de Havilland Dragon Rapide foi un biplano de pasaxeiros británico para rutas curtas e con capacidade de entre 6 e 8 pasaxeiros. Demostrou ser un avión rendible e duradeiro, a pesar da súa relativa construción primitiva a base de madeira contrachapada.
| de Havilland Dragon Rapide | |
|---|---|
 | |
| Tipo | pasaxeiros |
| Fabricante | de Havilland |
| Primeiro voo | 17 de abril de 1934 |
| Principais usuarios | Royal Air Force |
| Unidades construídas | 727 |
Deseño editar
O Dragon Rapide foi deseñado a finais de 1933 por de Havilland como un substituto máis rápido e cómodo do DH.84 Dragon. Era en efecto un bimotor a escala reducida do catrimotor DH.86 Express. Compartía moitas características con este último, como as súas ás cónicas, os seus carenados aerodinámicos e o motor Gipsy Six, pero non demostrou ningún dos vicios operacionais do DH.86 Express, converténdose nun dos avións de pasaxe de curto alcance británicos máis exitoso dos anos 30.