Abrir o menú principal

Airbus A319

avión de pasaxeiros

O Airbus A319 é un avión civil de pasaxeiros de Airbus, o consorcio europeo de fabricación de aeronaves.

Airbus A319
Aeroflot A319 VP-BWA in SXF.jpg
A319 de Aeroflot
TipoPasaxeiros
FabricanteAirbus
Primeiro voo25 de agosto de 1995
Introducidoabril de 1996
Estadoen servizo
Unidades construídas990

É un modelo acurtado derivado do A320 con cambios mínimos. Debido a que ten os mesmos depósitos de combustible, pero menos pasaxeiros (124 en configuración de dúas clases), o seu alcance vese aumentado ata os 7 200 km, o maior da súa clase. Igual que o A320, posúe mandos de control fly-by-wire. Usa tamén os mesmos motores que o A320, e foi certificado en 1996, o mesmo ano en que entrou en servizo coa aeroliña Swissair.

No ano 2003 a aeroliña easyJet mercou A319 sen cociñas polo que a capacidade aumentou ata os 156 pasaxeiros nunha clase, pero para satisfacer as normas de evacuación engadíronselle portas de emerxencia adicionais sobre as ás. A aeroliña converteríase posteriormente no maior operador deste modelo, con 136 unidades na actualidade.

VariantesEditar

A319CJEditar

 
Interior dun A319CJ

Trátase dunha versión executiva do A319 e tamén é coñecido como ACJ (Airbus Corporate Jet). Ten depósitos adicionais de combustible instalados na bodega de carga, o que aumenta a súa autonomía ata os 12 000 quilómetros.[1] Pode levar ata 39 pasaxeiros e os seus clientes poden encargalo con case calquera configuración. Compite con outros jets executivos como o Gulfstream V, o Boeing BBJ ou o Bombardier Global Express. Leva os mesmos motores que o A320.

É o avión de uso oficial dos presidentes de Francia e de Brasil, e dende o ano 2002 un Airbus A-319CJ presta servizos na frota presidencial da República Bolivariana de Venezuela.

A319LREditar

É unha versión executiva dunha única clase con 48 prazas, especialmente deseñada para servizos intercontinentais. Ten unha autonomía de voo de 8 300 quilómetros. É usado unicamente por Lufthansa para voos especiais a Estados Unidos e por Qatar Airways para algúns destinos con demanda limitada en Europa.

A319 MPAEditar

É unha versión militar derivada do Airbus A319, para uso como avión de patrulla marítima. Na actualidade está en desenvolvemento por parte de Airbus Military para competir fronte ao Boeing P-8 Poseidon, avión derivado do Boeing 737.

NotasEditar

  1. "Aircraft Families - Airbus Executive and Private Aviation - ACJ Family". archive.is. 2007-05-29. Consultado o 2018-11-30. 

Véxase taménEditar

Ligazóns externasEditar