Estación de Alfaro

Alfaro
	Fachada da estación en 2011.
Situación	Alfaro (A Rioxa)
Servizos
Liñas
Longa Distancia	Alvia
Media distancia	MD, Rexional Exprés

A estación de Alfaro é unha estación de tren de Adif situada na localidade de Alfaro, na Rioxa. Ten servizos de longa e media Distancia operados por Renfe.

Situación ferroviaria

A estación atópase no punto quilométrico 5,2 da liña férrea de ancho ibérico que une Castejón con Bilbao por Logroño e Miranda de Ebro a 261 metros de altitude.^[1]

Historia

A estación foi inaugurada o 30 de agosto de 1863 coa apertura do tramo Castejón-Orduña da liña férrea que pretendía unir Castejón con Bilbao. As obras correron a cargo da Compañía do Ferrocarril de Tudela a Bilbao creada en 1857.^[2] En 1865 a compañía declarouse en suspensión de pagos por non poder superar as dificultades económicas derivadas do investimento realizado na construción da liña e foi intervida polo Banco de Bilbao.^[3] En 1878, foi absorbida por Norte que mantivo a titularidade da estación ata a nacionalización do ferrocarril en España en 1941 e a creación de Renfe.

Dende o 31 de decembro de 2004 Renfe explota a liña mentres que Adif é a titular das instalacións ferroviarias.

A estación

Sitúase ao norte do núcleo urbano ao final da avenida da Vía. Como moitas das estacións deste tramo non conserva o seu edificio orixinal xa que foi substituído por un de corte funcional de planta rectangular e dúas alturas usado como vivenda no seu parte superior. Dispón de dúas vías principais (vías 1 e 2) e unha derivada (vía 4). Todas dispoñen de acceso a plataforma, ben a través da plataforma lateral ben a través da plataforma central a cal dispón dunha marquesiña metálica para protexer aos viaxeiros. Os cambios dun a outro se realizan a nivel. No exterior existe un aparcadoiro habilitado.

Servizos ferroviarios

Longa distancia

Actualizado a 6 de xullo de 2016.

Tren	Orixe	Paradas intermedias	Destino	Observacións
Alvia	Madrid-Puerta de Atocha	Guadalaxara-Yebes · Calatayud · Tudela de Navarra · Alfaro · Calahorra	Logroño	6 trens semanais por sentido
Alvia	Barcelona-Sants	Camp de Tarragona · Lleida-Pirineus · Zaragoza-Delicias · Tudela de Navarra · Castejón de Ebro · Alfaro · Calahorra · Logroño · Haro · Miranda de Ebro	Bilbao-Abando	2 trens diarios por sentido

Media distancia

Actualizados a 6 de xullo de 2016.


Liña	Trens	Orixe/Destino	<>	Destino/Orixe
22	MD Rexional Exprés	Zaragoza-Delicias		Logroño Salamanca

Notas

↑ Alfaro (Apt.) Euroferroviarios
↑ "Castejón de Ebro á Bilbao (vía Logroño y Miranda de Ebro)". Spanish Railway (en castelán). Consultado o 2022-04-09.
↑ Historia do Tudela-Bilbao Arquivado 23 de xuño de 2010 en Wayback Machine. AFERioja

Véxase tamén

Ligazóns externas

Información na web de Adif Arquivado 09 de agosto de 2016 en Wayback Machine.

[1] Alfaro (Apt.) Euroferroviarios

[2] "Castejón de Ebro á Bilbao (vía Logroño y Miranda de Ebro)". Spanish Railway (en castelán). Consultado o 2022-04-09.

[3] Historia do Tudela-Bilbao Arquivado 23 de xuño de 2010 en Wayback Machine. AFERioja

[1]

[2]

[3]