Longa distancia Renfe

Renfe AVE - Longa Distancia, é a denominación comercial do conxunto de servizos ferroviarios de longo percorrido ofertados por Renfe. Son os trens anteriormente operados baixo a Unidade de Negocio de Grandes Liñas, para comunicar grandes cidades de toda a xeografía española.

Circulan servizos de Longa Distancia por toda a rede ferroviaria española, tanto pola rede de largo ibérico, como por vías de largo estándar internacional. Algúns servizos poden operar nas redes portuguesa^[1] e francesa^[2]. No pasado tamén se teñen operado servizos até Suíza e Italia^[3].

Servizos de AVE - Longa Distancia existentes

AVE: tren de alta velocidade que circula exclusivamente por vías de largo estándar internacional e que poden acadar até os 350 km/h.
AV City: servizo prestado por liñas de alta velocidade, para complementar a oferta AVE a prezos máis económicos. Comercialízase en clase Turista e Turista Plus.
Altaria: trens Talgo das series IV, VI ou VII de rodaxe desprazable (poden circular por vías de ancho ibérico e estándar internacional). Circulan entre Madrid e cidades de Andalucía, así como Murcia e Alacant. Concbidos como un produto de gama superior aos Talgo.
Alvia: trens das series 120, 130 ou 730, de rodada desprazábel. Circulan a velocidades que poden chegar aos 250 km/h por vías de largo estándar internacional e 220 km/h por vías de alta velocidade de largo ibérico.
Euromed: trens de rodada desprazábel que circulan a velocidades de ata 220 km/h entre Barcelona e Alacant.
Intercity: servizos híbridos entre a Longa e a Media Distancia, habitualmente de menores prestacións cós anteriores.
Talgo: coches fornecidos polo fabricante Talgo que poden ser remolcados por locomotoras de distintas series (333.4, 334, 252, ...), tanto por largo ibérico como estándar internacional. Cobren relacións entre cidades de toda España.
Trenhotel: servizo nocturno fornecido con coches Talgo, algúns deles con rodada desprazábel, que une cidades españolas e europeas.

Servizos suprimidos

Alaris: trens pendulares de alta velocidade adaptados para circularen por liñas de largo ibérico con velocidades arredor dos 200 km/h.
Arco: servizos fornecidos con material convencional adaptados para circularen a velocidades de até 200 km/h polo Corredor mediterráneo para complementar a oferta dos Euromed e Talgo.
Diurno: servizos fornecidos con material convencional para relacións transversais como a establecida entre Galiza e Euskadi.
Estrella: trens nocturnos realizados con material convencional que cubrían tanto relacións radiais como transversais. Foron sendo progresivamente substituídos polos Trenhotel ou directamente eliminados da oferta.