Antonio Reigosa

escritor e investigador galego

Antonio Reigosa Carreiras, nado en Zoñán (Mondoñedo) o 15 de agosto de 1958, é un escritor, conferenciante e investigador da mitoloxía popular e da literatura galega de tradición oral.[1]

Antonio Reigosa
Antonio Reigosa.jpg
Nacemento15 de agosto de 1958
 Zoñán
NacionalidadeEspaña
Ocupaciónescritor
XénerosNarrativa e ensaio
editar datos en Wikidata ]

TraxectoriaEditar

 
Antonio Reigosa, Afonso Becerra, Silvia Penas e Miguel Sande no congreso Nós tamén navegar. 40 anos de poesía galega, no Pazo da Cultura de Pontevedra.

Traballa como responsable de Comunicación e Xestión Cultural da Rede Museística Provincial de Lugo.[2]

Colabora con numerosos traballos de divulgación relacionados coa historia, a arte, a etnografía, a mitoloxía popular e a literatura oral en diversos medios de comunicación e revistas especializadas.

É o cofundador de Chaira,[3] Grupo de Investigación Etnográfica (Lugo, 1992), do que tamén forman parte Ofelia Carnero, Mercedes Salvador e Xoán Ramiro Cuba, ten intervido en campañas de recollida de literatura oral en distintos concellos da provincia de Lugo.

Relator en numerosas xornadas e congresos. Participa en campañas de promoción da lectura nos centros de ensino, bibliotecas e asociacións culturais.

Creador e coordinador de contidos da Enciclopedia Virtual da Fantasía popular de Galicia denominada Galicia Encantada[4][5]. Membro do “Comité de Expertos en investigación de campo” do proxecto Corpus de Literatura Oral.[6]

Coordinador da revista oral de periodicidade trimestral O pazo das musas, editada polo Museo Provincial de Lugo desde 2004 e da revista oral de periodicidade semestral A voz dos carraos editada polo Museo Provincial do Mar desde 2006, Castronela (Museo Fortaleza San Paio de Narla, Friol) e A voz dos lemavos (Museo Pazo de Tor). Como vogal responsable de literatura de tradición oral da AELG coordina os proxectos “Polafías” e “Mestres da memoria” creados para documentar e divulgar os valores da oralidade e da cultura popular.[7]

Tamén é colaborador de El Progreso[8].

En xaneiro de 2015 foi nomeado Cronista Oficial de Mondoñedo pola corporación municipal dese concello.[9]

Obra en galegoEditar

É autor, ou coautor, de arredor de 40 títulos de textos literarios ou de investigación entre os que salientan:

Literatura infanto-xuvenilEditar

  • Memorias dun raposo (1998). Xerais. 144 páxs. Ilustracións de Manolo Uhía. ePub: ISBN 978-84-9914-785-7.
  • Resalgario (2001). Xerais, Merlín. 104 páxs. Ilustracións de Santy Gutiérrez.
  • O galo avisado e o raposo trampulleiro (2003) Xerais, Merliño. 32 páxs. Ilustracións de Xosé Cobas.
  • Bacoriño (2004). Xerais. Ilustracións de Andrés Meixide. 136 páxs.[10]
  • A raposa no galiñeiro (2004). Deputación de Lugo.
  • A escola de Briador (2006). Everest Galicia. 120 páxs.
  • A noite dos pesadelos (2006). Ed. Tambre (Edelvives). 94 páxs.
  • O polimacho e outras criaturas (2008). Ed. Tambre (Edelvives). 84 páxs.
  • Lu e Go pola muralla (2010). Ed. Obradoiro. 144 páxs.
  • O aprendiz de home do saco (2013). Xerais, Merliño. 40 páxs. Ilustracións de Marta Álvarez.
  • O raposo aviador que voa sen motor (2019). Xerais, Merlín. 40 páxs. Ilustrcións de Laura Cortés.

NarrativaEditar

  • Os dous irmáns e outros contos populares do antigo Exipto (2008). Morgante. Ilustracións Saúl Blanco.
  • Contrahistorias de Galicia (2020). Embora. 112 páxs. Ilustracións de Rita Gutiérrez.

EnsaioEditar

  • Guía ilustrada da Galicia invisible (2010). Xerais. 104 páxs. Ilustracións de Noemí López
  • Galicia encantada. O país das mil e unha fantasías (2014). Xerais. 240 páxs. Ilustracións de Noemí López. ePub: ISBN 978-84-9914-853-3.
  • Celebracións de Mondoñedo. Pregóns, estampas, retratos e artivos varios (2006-2016) (2017). Embora. 239 páxs.
  • Guía de campo da Galicia encantada. Dos seres míticios e dos lugares que habitan (2020). Xerais. Ilustracións de Noemí López. 264 páxs. ePub: ISBN 978-84-9121-655-1.

Obras colectivasEditar

  • Polavila na Pontenova (1998). Deputación de Lugo.
  • Contos para levar no peto (2001). Xerais. 104 páxs.
  • Manuel María (2001). Ophiusa.
  • Ninguén está só. 21 autores a prol dos deritos humanos. Amnistía Internacional (2001). Tris Tram. 139 páxs.
  • Narradio. 56 historias no ar (2003). Xerais. 240 páxs.
  • Palabra por palabra. Contos da Policía (2003). Ir Indo. 328 páxs.
  • Da fala dos brañegos. Literatura oral do concello de Abadín (2004). Deputación de Lugo. Con Xoán Ramiro Cuba.
  • Contos de medo no museo (2005). Museo Provincial de Lugo.[11]
  • Balada do neno cego, en Contos de ogras, aventuras, baladas e piratas (2006). Xunta de Galicia.
  • Premios Terras de Chamoso (2007-2009) (2011). Asociación Cultural Arumes do Corgo.

Con Xosé MirandaEditar

  • Colección Cabalo Buligán. 20 volumes (1998-2003). Xerais. Contos da tradición oral.
  • Contos fantásticos. I e II (2001). Xerais.
  • Cando os animais falaban. Cen historias daquel tempo (2002). Xerais. 128 páxs. Ilustracións de Andrés Meixide.
  • Contos de encantamento. I e II (2002). Xerais.
  • Máis contos de animais. I e II (2002). Xerais.
  • Contos de parvos e pillos. I e II (2003) Xerais.
  • Arrepíos e outros medos. Historias galegas de fantasmas e de terror (2004). Xerais. 168 páxs. Ilustracións de Álvaro García Lema.
  • Contos prodixiosos. I e II (2004) Xerais.
  • A flor da auga: historias de encantos, mouras, serpes e cidades mergulladas (2006). Xerais. 176 páxs. Ilustracións de Ramón Trigo.
  • Mitoloxía da morte: agoiros, ánimas e pantasmas. Actas das III xornadas de literatura de tradición oral, (Lugo, 5 e 6 de novembro 2010), 2011, AELG.

Con Xoán Ramiro Cuba e Xosé MirandaEditar

  • Contos marabillosos. I e II (1998).Xerais.
  • Contos marabillosos. III e IV (1999). Xerais.
  • Dicionario dos seres míticos galegos (1999). Xerais. 240 páxs. Ilustracións de Lázaro Enríquez. Traducido ao castelán como Diccionario de los seres míticos gallegos no 2006 na mesma editorial.
  • Contos de maxia. I, II, III e IV (2000). Xerais.
  • Antoloxía do conto de tradición oral (2001) Biblioteca Galega 120, La Voz de Galicia.
  • Contos colorados: narracións eróticas da tradición oral (2001) Xerais.
  • Contos de animais. I e II (2001). Xerais.
  • Pequena mitoloxía de Galicia (2001). Xerais. 112 páxs. Ilustracións de Irene Fra Gálvez, Fino Lorento, Enjamio, Teresa Novoa.

Con Antonio García TeijeiroEditar

  • Trece noites, trece lúas. Libro das marabillas do Nadal (2011). Xerais. Ilustracións Noemí López. 160 páxs. ePub: ISBN 978-84-9121-319-2.
  • Lendo lendas, digo versos (2015). Xerais. 168 páxs. Ilustracións de Xosé Cobas.

Obra en castelánEditar

Literatura infanto-xuvenilEditar

  • Cuentos y leyendas de Galicia (2012). Anaya.

PremiosEditar

  • Certame Nacional de Artes e Tradicións populares do Ministerio de Cultura (1987).
  • 2º Premio do Concurso nacional de contos infantís O Facho no 1989, por O sumidoiro Calcarrúas.
  • Premio Merlín no 1998, por Memorias dun raposo.
  • Premio Supernova (1999).
  • Foi finalista do Premio Nacional de Literatura Infantil o ano 1999 con Memorias dun raposo
  • Premio Raíña Lupa (2000), por Resalgario.
  • Lucense do Ano (2002) pola Asociación de Prensa, Radio e Televisión da provincia de Lugo.
  • I Premio Literario Frei Martín Sarmiento (Categoría de 11 a 13 anos) no 2004, por Contos de parvos e pillos. I. Con Xosé Miranda.
  • 2006: Premio de Comunicación, da Asociación Cultural María Castaña de Lugo, pola web Galicia Encantada.
  • 2013: Premio Irmandade do Libro (XXII edición), modalidade Fomento da Lectura, da Federación de Libreiros de Galicia, pola web Galicia Encantada.
  • Premio á mellor iniciativa bibliográfica na I Gala do Libro Galego en 2016, por Lendo lendas, digo versos.
  • 2108, 2019: Coa web Galicia Encantada, finalista dos Premios Gala do Libro Galego, modalidade “Proxecto literario na rede”.

NotasEditar

  1. "Antonio Reigosa Carreiras Galegos Gallegos". galegos.galiciadigital.com. Consultado o 2020-07-18. 
  2. "autor/a A Editorial Xerais". www.xerais.gal. Consultado o 2020-07-18. 
  3. "Antonio Reigosa - Anaya Infantil y juvenil". www.anayainfantilyjuvenil.com (en castelán). Consultado o 2020-07-18. 
  4. Galiciaencantada.com
  5. "Ficha do autor". bvg.udc.es. Consultado o 2020-07-18. 
  6. "Antonio Reigosa Caderno de campo de Antonio Reigosa". Consultado o 2020-07-18. 
  7. "Antonio Reigosa". www.aelg.gal. Consultado o 2020-07-18. 
  8. Lugo, El Progreso de. "El Progreso de Lugo: Periódico líder de Lugo y su Provincia". El Progreso de Lugo. Consultado o 2020-07-18. 
  9. "RECORDANDO A CUNQUEIRO 35 AÑOS DESPUÉS DE SU FALLECIMIENTO • ALUMNOS DEL COLEGIO Y DEL INSTITUTO DE MONDOÑEDO (LUGO) PARTICIPARON AYER EN LA LECTURA PÚBLICA DE SU SINBAD" (en castelán). Consultado o 2020-07-18. 
  10. "Bacoriño Edicións Xerais de Galicia LG3 O soportal da Literatura Galega". culturagalega.org (en castelán). Consultado o 2020-07-18. 
  11. "Contos Museo copia" (PDF). redemuseisticalugo.org. 

Véxase taménEditar

BibliografíaEditar

Ligazóns externasEditar