Federación de Librarías de Galicia

A Federación de Librarías de Galicia constituíuse o 29 de outubro de 1977 como unha asociación integrada polos libreiros con establecemento aberto en Galicia.

Federación de Librarías de Galicia
Tipo	asociación
Data de fundación	29 de outubro de 1977
Sede	Santiago de Compostela
País	Galicia
Na rede
https://librarias.org/
[ editar datos en Wikidata ]

A Federación de Librarías de Galicia organiza as feiras do libro (coma esta en Vigo en 2016) e as feiras do libro antigo e de ocasión, en varias vilas de Galicia.

Descrición

O obxectivo da asociación é promover e defender os intereses colectivos do sector libreiro. A Federación organiza e colabora na organización de actividades culturais, recreativas ou sociais, como os extinto Premios Irmandade do Libro. Ademais, participa activamente en datas especiais para o fomento da lectura: o Día das Letras Galegas, o Día do Libro, e Día Internacional do Libro Infantil e Xuvenil.

Ten a súa sede na Rúa da República do Salvador, en Santiago de Compostela.

A composición da xunta directiva, dende xullo de 2012, é a seguinte:

• Presidenta: Pilar Rodríguez Álvarez (Librería Padre Feijoo, Ourense).
• Vicepresidente: Xosé Antón Pedreira Mirás (Libraría Pedreira, Santiago de Compostela).
• Secretario: José Manuel García Mosquera (Librería Kathedra, Ourense).
• Tesoureiro: Francisco Negro Fernández (Librería Platero, Ourense).
• Vogal: Juan Carlos Sanmiguel Sexto (Alita Comics, A Coruña).
• Vogal: Xurxo Patiño Pérez (Librouro, Vigo).
• Vogal: Antonio Martínez Pico (Librería Day, Narón).

Véxase tamén

Ligazóns externas

• Páxina web da Federación