Zamáns, Vigo

Zamáns
	Casa Muíño das Maquías
Concello	Vigo
Provincia	Pontevedra
Poboación	834 hab. (2013)
Entidades de poboación	4
	[ editar datos en Wikidata ]

Coordenadas: 42°9′18.57″N 8°41′17.95″O / 42.1551583, -8.6883194

Para outras páxinas con títulos homónimos véxase: Zamáns.

San Mamede de Zamáns é unha parroquia do concello de Vigo. Limita coas parroquias de Beade, Bembrive, Valadares, Vincios e Cela. Pertence ó arciprestado de Louriña. Segundo o IGE, no 2013, tiña 834 habitantes (413 homes e 421 mulleres).^[2]

XentilicioEditar

O seu xentilicio é zamanexo^[3].

XeografíaEditar

A presa de Zamáns.

Ten 4 entidades de poboación, segundo o: Cidáns (184), A Igrexa (200), Marcosende (295) e Vilaverde (155).^[2] Os lugares (que xeralmente forman parte dalgunhas das entidades): Casal de Abade, As Lagoas, A Menda, Paredes e Vilariño.

Atópase asentada entre a Serra do Galiñeiro e a Serra da Groba. Nela atopamos os ríos Zamáns e o Amial, que se apresou, dando á presa de Zamáns que abastece a cidade de Vigo.

PatrimonioEditar

A igrexa parroquial data do 1770. Xunto ós hórreos, sobresaen as construcións relacionadas coa auga: fontes, lavadoiros e muíños, destacando a casa-muíño de Maquías.

A parroquia acolle o campus das Lagoas-Marcosende, coñecido coma CUVI (Centro Universitario de Vigo), no que se localiza o Proxecto da Cidade Universitaria para a Universidade de Vigo do arquitecto catalán Enric Miralles.