Coruxo, Vigo
San Salvador de Coruxo é unha parroquia do concello de Vigo. Limita coas parroquias de Comesaña, Navia, Oia e Valadares e pertence ó arciprestado de Vigo-Santo André. Presenta unha extensión de 900 hectáreas de superficie. Ten 40 entidades de poboación, 3 lugares e, segundo o IGE,[2] en 2022 tiña 5.352 habitantes (2.620 homes e 2.732 mulleres).
| Coruxo | |
|---|---|
 | |
 | |
| Concello | Vigo[1] |
| Provincia | Pontevedra |
| Coordenadas | 42°11′28″N 8°48′03″O / 42.1912, -8.80073483 |
| Poboación | 5.352 hab. (2022) |
| Entidades de poboación | 41[1] |
| [ editar datos en Wikidata ] | |
Patrimonio
editarAtopáronse achados arqueolóxicos da Idade de Bronce, coma os petróglifos no lugar de Fragoselo ou en Casteñeirón. Hai restos castrexos en San Lourenzo e na Illa de Toralla, onde tamén hai restos romanos. A igrexa románica de San Salvador conserva tres ábsidas románicas, sección dun antigo mosteiro beneditino desaparecido no século XIV. O cruceiro é o máis antigo de Vigo, datado no ano 1631.[3]
A gamela coruxeira é un tipo de embarcación tradicional moi estendida nas augas viguesas e que debeu nacer nas carpintarías desta parroquia.
Coruxo dispón dun Centro Recreativo Artístico e Cultural, dunha asociación de veciños e dun pavillón polideportivo. Ademais, conta cunha xunta de montes en mancomunidade que administra unha superficie de 231 hectáreas.
No martes do Entroido quéimase a figura do Castrón. No verán, os barrios de Fragoselo, O Vao e San Lourenzo celebran respectivamente as súas festas na honra de san Sebastián, a Virxe do Carme e San Lourenzo.
Cóntase que na praia do Vao, nesta parroquia Coruxo, hai unha cidade asolagada.[4]
Galería de imaxes
editar- Artigo principal: Galería de imaxes de Coruxo.
-
-
Vistas da Ría de Vigo dende Coruxo. -
Carballo nos montes de Coruxo. -
No monte de Coruxo atópanse rochas decoradas. -
Fonte da Abilleira.
Lugares e parroquias
editarLugares de Coruxo
editar| Lugares da parroquia de Coruxo no concello de Vigo (Pontevedra) | |
|---|---|
|
Abade | Os Bouzós | Breadouro | Burdés | A Calzada | O Carballal | A Carrasqueira | O Ceán | O Combro | Coruxo de Abaixo | O Cotarelo | Couto de Abaixo | Couto de Arriba | Fontela | Fragoselo | A Gándara | O Gato | A Igrexa | As Laxes | A Longra | A Luz | Melcas | Moláns | Muíños | A Parrocha | A Pedreira | As Quintas | O Río | Romeu | As Roteas | O Rozo | San Lourenzo | A Silveira | A Taberna | Tarrío | A Tintureira | Toralla | A Torre | O Vao | O Verdeal | Viñó |
Parroquias de Vigo
editarNotas
editar- ↑ 1,0 1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
- ↑ IGE (ed.). "IGE - Nomenclátor estatístico de Galicia" (en galego). Consultado o 26 de febreiro de 2023.
- ↑ Lamas, Jorge (18 de agosto de 2021). "Un arte popular con la mirada puesta en el más allá". La Voz de Galicia (en castelán).
- ↑ Cuba, X. R.; Reigosa, A.; Miranda, X. (2008). Dicionario dos seres míticos galegos. Vigo: Xerais. p. 247. ISBN 978-84-9782-869-7..
Véxase tamén
editarWikimedia Commons ten máis contidos multimedia na categoría: Coruxo, Vigo  |
Bibliografía
editar- Mosquera, Javier; Cameselle, Gillermo (1995). Vigo a través de sus barrios (en castelán). Faro de Vigo. ISBN 84-87657-90-7.
- Mosquera, Javier; Franco, Fernando (2002). Guía cidadá de Vigo y su área metropolitana (en castelán). Fundación Caixa Galicia, Faro de Vigo. pp. 289–304.