San Pedro de Losón, Vila de Cruces

Para outras páxinas con títulos homónimos véxase: San Pedro.

Para outras páxinas con títulos homónimos véxase: Losón.

San Pedro de Losón é unha parroquia que se localiza no concello de Vila de Cruces. Segundo o padrón municipal de 2004 tiña 131 habitantes (69 mulleres e 62 homes), distribuídos en 7 entidades de poboación, o que supón unha diminución en relación ao ano 1999 cando tiña 136 habitantes. Segundo o IGE, no 2014 a súa poboación descendera ata os 102 habitantes, sendo 53 homes e 49 mulleres.

San Pedro de Losón
Igrexa de San Pedro de Losón.
Concello	Vila de Cruces
Provincia	Pontevedra
Coordenadas	42°44′33″N 8°13′22″O
Poboación	102 hab. (2014)
Entidades de poboación	7
[ editar datos en Wikidata ]

Xeografía

O río Deza separa esta parroquia das de Ponte, coa Ponte do Pozo Negro entre ambas, e Saídres, en Trasdeza. Destaca como elevación o monte do Oucido na parte sur da parroquia, atravesado na actualidade mediante un túnel pola liña de alta velocidade Santiago-Ourense.

Historia

A súa historia está ligada á das súas parroquias veciñas: Fontao en Vila de Cruces, Losón en Lalín, Ponte e Saídres, estas últimas no concello de Silleda. Coa súa homónima lalinense foron frecuentes as disputas e rivalidades no tocante ao Santuario da Nosa Señora do Corpiño, no linde entre ambas. Para Saídres e Fontao, esta parroquia foi unha vía de escape para os estraperlistas do volframio. Por último, a unión con Ponte dase dende a Idade Media grazas á construción dunha ponte sobre o río Deza, que as separa e dá nome á primeira. Desta unión queda constancia no topónimo dos terreos próximos a onde esta ponte se erixía.

Galería de imaxes

• 
  Fachada da igrexa de San Pedro de Losón.
• 
  Canzorros da igrexa de San Pedro de Losón.
• 
  Lateral da igrexa de San Pedro de Losón.
• 
  Porta da igrexa de San Pedro de Losón.

Lugares e parroquias

Lugares de San Pedro de Losón

Lugares da parroquia de San Pedro de Losón no concello de Vila de Cruces (Pontevedra)
A Baiuca | Fervenza | Fonte de Lara | Lamela do Medio | Outeiriño | O Pazo | Penagudín

Véxase tamén

Outros artigos

• Lugares de Vila de Cruces