Cumeiro, Vila de Cruces

San Pedro de Cumeiro é unha parroquia que se localiza no concello de Vila de Cruces. Segundo o IGE en 2011 tiña 221 habitantes (110 mulleres e 111 homes), distribuídos en 8 entidades de poboación, o que supón unha diminución en relación ao ano 1999 cando tiña 287 habitantes.

Cumeiro
Igrexa de San Pedro de Cumeiro.
Concello	Vila de Cruces
Provincia	Pontevedra
Coordenadas	42°48′32″N 8°10′48″O
Poboación	221 hab. (2011)
Entidades de poboación	8
[ editar datos en Wikidata ]

Nesta parroquia naceu o xornalista e escritor Alfredo García Ramos.

Patrimonio

• Castro de Cumeiro, descrito por Florentino Cuevillas, hoxe practicamente destruído.
• A igrexa de San Pedro de Cumeiro foi construída en 1782 polos señores da Casa de Altamira como capela maior. No interior hai dous sepulcros con inscrición ilexible.
• Casa de Altamira, cos principais elementos do terreo fidalgo: capela, cheminea, pombal e ciprés. A capela está acaroada á casa e coroada por unha espadana barroca, ten escudo de armas e unha inscrición co nome do construtor: "Hizo esta capilla D. Gregorio Francisco de Ponte y Monterroso, cura de Cumeiro y anexos. Año de 1777".
• Cruceiro de Riocabo, que marca o antigo camiño de ferradura que levaba a Santiago de Compostela.

Galería de imaxes

• 

  Igrexa e cemiterio de Cumeiro.

• 

  Igrexa de Cumeiro.

• 

  Imaxe de San Pedro na fachada da igrexa de Cumeiro.

• 
• 

Lugares e parroquias

Véxase tamén

Outros artigos

• Lugares de Vila de Cruces

Ligazóns externas

• Cumeiro na web do concello de Vila de Cruces^{[Ligazón morta]}