Duxame, Vila de Cruces

San Miguel de Duxame é unha parroquia do concello de Vila de Cruces. Segundo o IGE en 2012 tiña 66 habitantes (36 mulleres e 30 homes), distribuídos en 3 entidades de poboación, o que supón unha diminución en relación ao ano 1999 cando tiña 97 habitantes.

Duxame
Igrexa de San Miguel de Duxame, Vila de Cruces.JPG
Concello	Vila de Cruces
Provincia	Pontevedra
Coordenadas	42°50′24″N 8°10′56″O
Poboación	66 hab. (2012)
Entidades de poboación	3
[ editar datos en Wikidata ]

Xeografía

Está situada ao N-NW da capital, cunha orografía relativamente plana con lixeira inclinación orientada ao sur.

Patrimonio

Igrexa

Data do século XVIII. A planta e unha cruz grega dunha soa nave e dúas ábsidas. A cuberta e unha bóveda de canón. A porta principal está formada a base de arquivoltas tóricas en medio punto peraltado. A torre do campanario é de tres corpos, e o presbiterio está debaixo dunha bóveda de canón que apoia nun arco de medio punto peraltado.

A igrexa foi unha doazón de Domingo Antonio Otero Bermúdez de Soutomaior nado na casa grande de Duxame e nese momento alguacil da cidade de Manila. Tamén foi doada por esta familia a imaxe do San Miguel feito en marfil e desaparecido no 1977.

Arquitectura civil

Duxame conta cun pazo procedente dos Otero, coñecido como Casa de Outeiro ou Casa Grande de Duxame.

Galería de imaxes

• 
  Igrexa de Duxame.
• 
  Campanario da igrexa de Duxame.
• 
  Porta da igrexa de Duxame.
• 
  Imaxe de Santiago na igrexa de Duxame.

Lugares e parroquias

Lugares de Duxame

Lugares da parroquia de Duxame no concello de Vila de Cruces (Pontevedra)
Duxame | Moreira | San Miguel

Véxase tamén

Bibliografía

• Diccionario Hispano de Apellidos. Tomo III

Outros artigos

• Lugares de Vila de Cruces