Carbia, Vila de Cruces
San Xoán de Carbia é unha parroquia que se localiza no concello de Vila de Cruces. Segundo o IGE en 2011 tiña 453 habitantes (229 mulleres e 224 homes), distribuídos en 8 entidades de poboación, o que supón unha diminución en relación ao ano 1999 cando tiña 581 habitantes.
| Carbia | |
|---|---|
 Igrexa de San Xoán de Carbia. | |
| Concello | Vila de Cruces[1] |
| Provincia | Pontevedra |
| Coordenadas | 42°47′55″N 8°14′00″O / 42.79855851, -8.23343674Coordenadas: 42°47′55″N 8°14′00″O / 42.79855851, -8.23343674 |
| Poboación | 453 hab. (2011) |
| Entidades de poboación | 8[1] |
| [ editar datos en Wikidata ] | |
XeografíaEditar
A parroquia está flanqueada polos montes do Coto do Castelo, o de Alcobre e o Coto das Covas. O regato Breixa, á vez que rega os prados que acompañan o seu curso, move algúns vellos muíños, e outrora movía varios batáns, nunha terra con alta produción de liño.
O cume do monte Madanela (650 m) en días de boa visibilidade permite unha panorámica da Galicia interior, cun alcance de ata cincuenta quilómetros.
HistoriaEditar
No monte Alcobre, que xa mostraba un torreón no século XIII, foi elixido por un Fonseca no século XV para levantar sobre el unha efémera fortaleza.
A camposa cenital do monte Madanela estaba presidida no século XIV por unha capela adicada a Santa María Madalena. En 1493 foi aforada, co coto de Pastoriza, polo último abade de Carboeiro ao conde de Altamira. Na aba do monte Madanela hai un castro, A Eira dos Mouros, cunha localización nada estratéxica.
A parroquia, capital tradicional da Terra de Carbia, foi despois capital do concello homónimo ata 1944. O 19 de setembro dese ano a sede do concello trasladouse a Vila de Cruces e tomou esta denominación de maneira oficial.
PatrimonioEditar
A igrexa de San Xoán de Carbia foi construída en 1766 con intervención dos frades dominicos de Santiago, que deixaron nela o escudo da Orde como proba do seu señorío secular na parroquia (no lugar de Abealla queda o recordo da tulla dos frades, onde gardaban as súas rendas de cereais). Os emigrados da parroquia en América contribuíron no século XX para facer máis alta e esvelta a torre do templo.
FestasEditar
Ademais da festa patronal de San Xoán, o segundo sábado de setembro celébrase a romaría da Nosa Señora das Pedras, que antigamente tiña unha capela no lugar de Casal.
Galería de imaxesEditar
Monte da Madanela en Carbia visto dende Dombodán.
Lugares e parroquiasEditar
Lugares de CarbiaEditar
| Lugares da parroquia de Carbia no concello de Vila de Cruces (Pontevedra) | |
|---|---|
|
Abealla | O Abollo | O Casal | Covas | Pastoriza | A Pena | Pousadoiro | Serrape |