Século -XVIII

século XIX adC < século XVIII adC > século XVII adC

O século XVIII antes de nosa era comezou o 1 de xaneiro do ano 1800 a.C. e terminou o 31 de decembro de 1701 a.C.

En Oriente Medio este século estivo marcado polo ascenso (en 1792 a.C.) de Hammurabi ao trono da cidade de Babilonia desde onde iniciou unha política de expansión. En primeiro lugar, liberouse da tutela de Ur para, en 1786 a.C., enfrontarse ao veciño rei de Larsa, Rim-Sin, arrebatándolle Isín e Uruk. Coa axuda de Mari no 1762 a.C. derrotou a unha coalición de cidades na beira do río Tigris, para conquistar a cidade de Larsa. Despois proclamouse rei de Sumer e Acad, título que xurdira en tempos de Sargón de Acad e que empregárase dende entón polos monarcas que obtiveron o dominio de toda a rexión de Mesopotamia. Despois dun novo enfrontamento cunha nova coalición de cidades conquistou Mari, despois da cal, no 1753 a.C., completou a súa expansión coas conquistas de Asiria e Ešnunna, ao norte de Mesopotamia. En Exipto comeza segundo período intermedio. Arredor do 1800 a.C. s XIII dinastía chega ao poder e é incapaz de controlar as extensas terras dominadas. A finais do século aparecen os hicsos, que conquistaron a rexión norte do país.

Acontecementos relevantes

• 1800 a.C. aprox.: no Perú, a cidade de Caral é finalmente abandonada. Desaparece a civilización Caral-Supe.
• 1800 a.C.: en Afganistán, Paquistán e no noroeste da India empeza a desenvolverse a Idade do Ferro.
• 1800 a.C.: Fúndase a cidade de San Lorenzo (Veracruz, México), unha das principais cidades de Olmec
• 1800 a.C.: na China continúa a dinastía Xia (séculos XXI-XVI a.C.).
• 1800 a.C.: en Siria aparece o reino de Alepo.
• 1800 a.C.: no palacio Minoico de Festo (na illa de Creta) un alfareiro crea o disco de Festus, que será descuberto en 1908.
• 1800 a 1300 a.C.: desenvólvese a etapa VI da cidade de Troia.
• 1800 a.C.: no centro de Ecuador nace a cultura machalilla.
• 1800 a.C.: comunidades sedentarias maias establécense en Guatemala.
• 1800 a.C.: no delta do río Nilo establécense os hicsos, con capital na aldea de Avaris.
• 1797 a.C.: en Exipto a raíña Neferusobek goberna ata o 1794 a.C. (aprox.) último gobernante da XII dinastía.
• 1793 a.C.: Sîn-Muballit, morre o quinto rei da primeira dinastía de Babilonia. O seu sucesor será o seu fillo Hammurabi, que comezará o seu reinado no 1792 a.C.
• 1792 a.C.: en Mesopotamia comeza o reinado de Hammurabi, sucedendo ao seu pai Sîn-Muballit no trono, converténdose no sexto gobernante da dinastía Amurru de Babilonia.
• 1780 a.C.: en Exipto, conclúe XII dinastía e con ela o Reino Medio, comezando o Segundo período intermedio.
• 1786 a.C.: Hammurabi conquista Ur e Isín a Larsa.
• 1770 a.C.: expansión do reino pre-asirio.
• 1766 a.C.: en China desenvólvese a dinastía Shang.
• 1765 a.C.: Alalakh independízase de Alepo.
• 1762 a.C.: Hammurabi vence xunto á cidade de Mari a unha coalición de cidades do río Tigris.
• 1761 a.C.: Hammurabi conquista a cidade de Larsa e proclámase "rei de Sumer e Acad", título equivalente a emperador.
• 1760 a.C. (cronoloxía media): Hammurabi escribe un importante conxunto de leis deseñadas para garantir a equidade nas sentenzas do seu tempo. Coñécese como código de Hammurabi.
• 1753 a.C.: Hammurabi conquista Asiria e Ešnunna.
• 1750 a.C.: en Mesopotamia remata o reinado de Hammurabi comeza o reinado do seu fillo Samsu-iluna. Foi o sétimo rei da primeira dinastía de Babilonia e culminará o seu reinado no 1712 a.C.
• 1750 a.C.: no centro de Creta, a 50 km ao suroeste de Heraclión, prodúcese un terremoto de X graos na escala de Mercalli. Descoñécese o número de mortes. Vexa Terremotos antes do século XX.
• 1750 a.C.: en Alasca, o volcán Veniaminof produce unha erupción colosal.
• 1741 a.C.: en Mesopotamia, os casitas invaden por primeira vez Babilonia.
• 1728 a.C.: segundo os espurios cálculos de Trasilo de Mendes, un matemático e astrónomo exipcio que viviu durante o reinado do emperador romano Tiberio (42 a.C.-37 d.C.), prodúcese o éxodo dos escravos israelitas de Exipto.
• 1720 a.C.: unha rexión do extremo sur de Mesopotamia coñecida como País do Mar, comezan sucesivas sublevacións coa fundación dunha dinastía propia en Babilonia.
• 1712 a.C.: en Babilonia culmina o reinado de Samsu-iluna, fillo de Hammurabi, foi o sétimo rei da primeira dinastía de Babilonia.
• 1712 a.C.: comeza o reinado de Abi-Eshuh, oitavo rei da primeira dinastía.
• 1708 a.C.: o rei babilónico Abi-Eshuh enfróntanse aos nómades casitas.
• 1708 a.C.: en Exipto comeza o reinado de Sebekhotep III da XIII dinastía de Exipto (segundo Franke).
• 1700 a.C. (aproximadamente): na illa de Vránguelia (140 km ao norte de Siberia) a última poboación de mamuts lanosos se extingue.
• 1700 a.C.: ao norte de Babilonia está o reino de Khana, á fronte do cal se atopa un monarca casita.
• 1700 a.C.: en Paquistán declina completamente Civilización do val do Indo. Continúase coa cultura do cemiterio H.

Persoas relevantes

• 1800 a.C.: Abraham, patriarca Hebreo, segundo a tradición israelita e textos bíblicos.
• 1792 a.C. (en Mesopotamia, actual Iraq): Hammurabi, rei de Babilonia.
• 1770 a.C.: Adad-nirari I, sobe ao trono do Reino mesiasirio.
• 1750 a.C.: morren Adad-nirari I e Hammurabi.

Notas

Referencias

Véxase tamén