Tiberio
Tiberio Claudio Nerón (en latín: Tiberius Claudius Nero), nado en Roma o 16 de novembro de 42 a. C. e finado o 16 de marzo de 37 d. C. na súa vila de Lúculo, foi un emperador romano da Dinastía Xulio-Claudia.
| Tiberio | |
|---|---|
 | |
| Nome completo | Tiberius Claudius Nero |
| Nacemento | 16 de novembro do 42 a. C. |
| Lugar de nacemento | Roma |
| Falecemento | 16 de marzo de 37 |
| Lugar de falecemento | Miseno |
| Soterrado | Mausoleo de Augusto |
| Nacionalidade | Roma Antiga |
| Relixión | relixión na Roma antiga |
| Ocupación | militar, político e soldado |
| Pai | Tibério Cláudio Nero, Marcus Gallius e Octavio Augusto |
| Nai | Lívia Drusa |
| Cónxuxe | Vipsânia Agripina e Julia the Elder |
| Fillos | Druso, Claudia/Claudius, Tiberillus e Germânico |
| Irmáns | Nero Cláudio Druso |
| Período | 14 d. C. ó 37 d. C. |
| Cargos | emperador romano |
| Premios | vencedor na carreira de cuádrigas das Olímpiadas clásicas |
| Na rede | |
  | |
| [ editar datos en Wikidata ] | |
Traxectoria editar
Era fillo de Livia Drusila e fillo adoptivo de Octavio Augusto. Sucedeu o seu pai adoptivo e gobernou o Imperio Romano do 14 d. C. ó 37 d. C., co nome de Tiberio Xulio César Augusto. Foi militar de carreira, destacando as súas campañas contra os panonios e os dálmatas. Tamén foi importante a súa expedición punitiva contra os xermanos que derrotaran as lexións de Quintilio Varo na fraga de Teotoburgo.
Pertencente á gens Claudia por parte de nai, emparentou coa gens Iulia ao divorciarse súa nai de Tiberio Claudio Nerón e contraer matrimonio con Octavio Augusto. Esta unión fortaleceuse co matrimonio do propio Tiberio coa filla do Emperador, Xulia a Maior, e quedou patente cando foi adoptado formalmente por Octavio, outorgándoselle poderes tribunicios.
Como Tribuno reorganizou o exército, modificando as leis marciais, creando novas lexións e aumentando os anos de servizo de todo cidadán romano a 20.
Co paso do tempo Octavio Augusto fíxose inimigo de Tiberio, chegando a exilialo na Illa de Rodas, de onde volveu e foi nomeado sucesor imperial trala morte de dous dos netos de Octavio, Caio César e Lucio Xulio César, e o desterro por traizón do terceiro neto, Póstumo César, e ante a falta de herdeiro.
Tiberio Claudio Neron sucedeu co nome de Tiberio Xulio César Augusto a Octavio Augusto no trono imperial o 19 de agosto do ano 767 dende a fundación de Roma, o ano 14 segundo o calendario cristián.
Trala morte do seu fillo Xulio César Druso no ano 23 adoptou o seu neto Calígula como sucesor e o seu goberno comezou a derivar, rematando en terror. O 26 d. C. autoexiliouse deixando a administración nas mans dos prefectos pretorianos Lucio Elio Sejano e Quinto Nevio Cordo Sutorio Macro.
Véxase tamén editar
Wikimedia Commons ten máis contidos multimedia na categoría: Tiberio  |
| Imperio Romano | ||
|---|---|---|
Segue a: Octavio Augusto |
Tiberio | Precede a: Calígula |
| Dinastía Xulio-Claudia | ||
|
Este artigo sobre unha personalidade é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |