Manuel Lustres Rivas
José Manuel Antonio Lustres Rivas, nado en Ribeira o 14 de xaneiro de 1888 e asasinado en Redondela o 10 de novembro de 1936, foi un xornalista e escritor galego.
  | |
| Biografía | |
|---|---|
| Nacemento | 14 de xaneiro de 1888 Ribeira, España |
| Morte | 10 de novembro de 1936 (48 anos) Trasmañó, España |
| Causa da morte | paseo, ferida por arma de fogo |
| Lugar de sepultura | Cemiterio de Pereiró |
| Actividade | |
| Ocupación | xornalista |
    | |
Traxectoria
editarFillo do piloto de buque mercante José Lustres Gómez e de María Rivas Otero, trasladouse a Compostela para estudar medicina. Alí fixo amizade con Alfonso Daniel Rodríguez Castelao e participou nos faladoiros do Café Colón.
En 1906 comezou a colaborar en El Miño. En 1907 comezou tamén en Galicia Nueva de Vilagarcía de Arousa, e publicou tamén artigos na Gaceta de Galicia de Compostela. Foi director de El Heraldo Gallego.
En 1915 marchou a Madrid. Foi redactor de El Parlamentario e colaborou en España Nueva, España Libre e El Liberal. En 1918 volveu ao país e colaborou en La Concordia de Vigo ata 1922. En xullo dese ano dirixiu o semanario Acción Viguesa. O ano seguinte foi nomeado redactor xefe do xornal vigués Galicia. Diario de Vigo. Despois de deixar a redacción emigrou á Arxentina, aínda que seguiu a colaborar co xornal enviando crónicas daquel país. Dirixiu en Buenos Aires o semanario Galicia xunto con Joaquín Pesqueira en 1924. Regresou a Galiza e foi redactor en Faro de Vigo e noutros medios.
Logo do Golpe de Estado do 18 de xullo de 1936, foi detido nas instalacións de Faro de Vigo e encarcerado na illa de San Simón. Foi asasinado o 10 de novembro de 1936,[1] e o seu corpo sen vida apareceu no Alto da Concheira, na parroquia de Trasmañó, Redondela. Os seus restos descansan no Cemiterio de Pereiró.
Obra
editar
Reuniu os seus ensaios no volume Pandemonium (1917) e publicou no folletón de La Correspondencia de España de Madrid a narración La fraticida. Porén, o teatro ocupou maior espazo na súa nómina de publicacións. En 1923 estreou en Vigo, en colaboración con Ramiro del Valle, a comedia en dous actos La hora grande. Con Ramón Fernández Mato estreou outra comedia, Peregrino de la ilusión.
En galego publicou artigos en xornais e revistas como A Nosa Terra.
Notas
editar- ↑ Blas, Ceferino de (10/11/2016). "Lustres Rivas, una muerte que lo hermana con Lorca". Faro de Vigo (en castelán).
- ↑ Entrega do premio de xornalismo Manuel Otero Bárcena, 1932.
Véxase tamén
editarWikimedia Commons ten máis contidos multimedia na categoría: Manuel Lustres Rivas  |
Bibliografía
editar- "Lustres Rivas, Manuel". Enciclopedia Galega Universal. Ir Indo. 1999-2002. ISBN 84-7680-288-9.
- "Lustres Rivas, Manuel". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
- "Lustres Rivas, Manuel". Dicionario biográfico de Galicia 2. Ir Indo Edicións. 2010-2011. p. 264-265.
- Couceiro Freijomil, Antonio (1951-54). Diccionario bio-bibliográfico de escritores (en castelán) II. Bibliófilos Gallegos. p. 349.
- Giráldez Lomba, Antonio (2010). 200 memorias de Vigo (en castelán). Caixanova, Faro de Vigo e Alcaldía de Vigo. p. 79. VG 955-2010.
- Portabales Vázquez, Ángel (2005). "Lustres Rivas, Manuel". Gran Enciclopedia Galega (DVD). El Progreso. ISBN 84-87804-88-8.
Ligazóns externas
editar- David Paz Nóvoa: "O xornalista Manuel Lustres Rivas" blogspot.com 26/3/2008.
- Lustres Rivas no Dicionario de autores/as do Barbanza