Jaime Solá
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde febreiro de 2018.) |
Jaime Solá Mestre, nado en Vigo o 11 de setembro de 1874 e finado en Vigo o 9 de xaneiro de 1940, foi un escritor e xornalista galego.
| Jaime Solá | |
|---|---|
 Jaime Solá, retrato en Vida Gallega, 1929. | |
| Nacemento | 11 de setembro de 1874 |
| Lugar de nacemento | Vigo |
| Falecemento | 9 de xaneiro de 1940 |
| Lugar de falecemento | Vigo |
| Nacionalidade | España |
| Alma máter | Universidade de Santiago de Compostela |
| Ocupación | xornalista e escritor |
| Xéneros | Narrativa, poesía, teatro |
| Na rede | |
 | |
| [ editar datos en Wikidata ] | |
Traxectoria editar
Foi sobriño do tamén xornalista Luis Antonio Mestre e viviu no Grove na súa infancia. A súa nai foi herdeira dunha parte do Gran Hotel da Toxa en 1891.
Estudou Dereito en Santiago de Compostela e Valladolid, pero profesionalmente dedicouse ao xornalismo. En 1903 mercou o xornal El Independiente de Vigo, que pasou a chamarse Noticiero de Vigo. Pasou un tempo en Madrid, onde formou parte da redacción de El Globo e colaborou noutros xornais. Dirixiu as revistas Poquita Cosa e Vigo Juvenil.
A súa contribución máis importante foi a revista Vida Gallega, que dirixiu dende a súa creación en 1904 ata o final da súa segunda época en 1938. Desde as páxinas de Vida Gallega fixo unha clara promoción do complexo hoteleiro da Toxa, sendo accionista da sociedade anónima que o xestionaba. Tamén dirixiu o semanario satírico Don Verdades.
Ingresou na Real Academia Galega o 22 de abril de 1939.
Obras editar
Narrativa editar
- Cuentecillos, 1894.
- La mala sombra, 1895.
- El alma de la aldea, 1918.
- Ramo cativo. El Ribeiro de Avia, 1918.
- El otro mundo, 1919.
En Vida Gallega apareceron os relatos: Anduriña (1917), Diablillo (1920-21) e Mis memorias.
Poesía editar
- Todo malo, 1895.
- El nacer de un día, 1919.
Teatro editar
- El Diputado.
Notas editar
Véxase tamén editar
Bibliografía editar
- González Blasco, Luis (2005). "Solá Mestre, Jaime". Gran Enciclopedia Galega (DVD). El Progreso. ISBN 84-87804-88-8.
- Ribao Fernández, Roberto (2007). A fotografía na revista "Vida Gallega". Un silandeiro universo de sentido (PDF). Santiago de Compostela: Departamento de Ciencias da Comunicación da USC. p. 645.