DTM

O Deutsche Tourenwagen Masters (abreviadamente DTM) é un campionato automobilística de turismos que se disputa en Alemaña dende o ano 1984 como Deutsche Tourenwagen Meiterschaft e dende o ano 2000 como o nome actual. Os coches que corren nesta competición son automóbiles de turismo con carrocerías semellantes ás dun coche convencional, peros con formas aerodinámicas para poder alcanzar os 300 km/h.

Mike Rockenfeller, Mika Häkkinen e Bruno Spengler nunha carreira en Oschersleben no ano 2007.

O DTM é unha das competicións de turismos máis importantes do mundo e un dos campionatos automobilísticos internacionais máis populares, logo da Fórmula 1 e da NASCAR. Neste campionato corren ou correron estrelas propias como Bernd Schneider, Timo Scheider ou Mattias Ekström e antigos pilotos da Fórmula 1 como Mika Häkkinen, Ralf Schumacher ou David Coultard.

Historia

Unha carreira de abril do 2008 en Hockenheimring

Deutsche Tourenwagen Meiterschaft

O Deutsche Tourenwagen Meiterschaft foi a competición orixinal do DTM, e disputouse entre os anos 1984 e 1996. Comezou disputándose con equipos privados e coas regras da Federación Internacional do Automóbil. O éxito en Alemaña foi moi grande e polo tanto moitas maracas nacionais como Mercedes-Benz, Opel, BMW, Alfa Romeo e Audi empezaron a competir no campionato con equipos oficiais. A competición quixo medrar demais e por iso rematou terminando estrepitosamente. Os orzamentos, os dereitos de televisión e as entradas ás carreiras cada vez subían máis. As carreiras non só se corrían en Alemaña; tamén comezaron a disputarse grandes premios noutros países coma o Brasil, o Xapón ou Finlandia e a competición adaptou o nome de Campionato Internacional de Turismos (ITC). Esta decisión fixo que os custos subiran de maneiras desorbitadas e que por esta razón Alfa Romeo, BMW e Opel deixaran de correr na competición facendo que Mercedes-Benz quedara soa e que o ITC desaparecera no ano 1997.

Deutsche Tourenwagen Masters

Logo duns anos sen DTM, os directores deportivos de Mercedes-Benz, Audi e Opel reuníronse no 1998 e no 1999 co fin de refacer o DTM como unha competición tecnolóxica, divertida e de custos razonábeis.

O novo DTM empezou a correrse no ano 2000 e converteuse na serie de turismos máis importante a nivel mundial. Actualmente, os automóbiles desta competición contan con motores V8 de 4.0 litros e cunha potencia máxima de 480 CV. Cada piloto conta só con dous motores por campaña, o cal reduce os custos de competición en moito diñeiro.

Opel abandonou o campionato no 2005. BMW regresou ao DTM na temporada 2012. Na actualidade, o DTM dispútano automóbliles de tres marcas: Mercedes-Benz, BMW e Audi.

Na tempada 2017 o campionato sufriu as súas últimas modificacións. O número de pilotos do DTM rebaixouse de 24 a 18. Ademais, as dúas carreiras da fin de semana pasaron a ser dunha distancia de 55 minutos máis unha volta completa.

Circuítos

Hockenheimring (2000-) Sachsenring (2000-2002) Estadio de Múnic (2011-2012) Norisring (2000-) Nürburgring (2000-) Lausitzring (2001-) Oschersleben(2000-2001, 2004-2015) Red Bull Ring(2001-2003, 2011-)

Adria (2003-2004, 2010) Zandvoort (2001-) Donington Park (2002-2003) Le Mans (2006, 2008) Estoril (2004) Brands Hatch (2006-2013, 2018-) Shanghai (urbano) (2004, 2010) Dijon-Prenois (2009) Mugello (2007-2008)

Istambul (2005) Brno (2004-2005) Moscova (2013-2017) Zolder (2002) Montmeló (2006-2009) Spa-Francorchamps (2005) Cheste (2010-2012) Hungaroring (2014, 2016-) Misano (2018-)

Campións

Bernd Schneider é o piloto con máis campionatos da DTM. 5:1995, 2000, 2001, 2003 e 2006.

Campións do Deutsche Tourenwagen Meiterschaft

Ano	Piloto	Automóbil
1984	Volker Strycek	BMW 635 CSi
1985	Per Stureson	Volvo 240 Turbo
1986	Kurt Thiim	Rover Vitesse
1987	Eric van den Poele	BMW M3
1988	Klaus Ludwig	Ford Sierra
1989	Roberto Ravaglia	BMW M3
1990	Hans-Joachim Stuck	Audi V8 Quattro
1991	Frank Biela	Audi V8 Quattro
1992	Klaus Ludwig	Mercedes-Benz 190
1993	Nicola Larini	Alfa Romeo 155
1994	Klaus Ludwig	Mercedes-Benz Clase C
1995	Bernd Schneider	Mercedes-Benz Clase C
1996	Manuel Reuter	Opel Calibra

Campións do Deutsche Tourenwagen Masters

2018 || Disputándose

Ano	Piloto	Automóbil
2000	Bernd Schneider	Mercedes-Benz Clase CLK
2001	Bernd Schneider	Mercedes-Benz Clase CLK
2002	Laurent Aïello	Audi TT
2003	Bernd Schneider	Mercedes-Benz Clase CLK
2004	Mattias Ekström	Audi A4
2005	Gary Paffet	Mercedes-Benz Clase C
2006	Bernd Schneider	Mercedes-Benz Clase C
2007	Mattias Ekström	Audi A4
2008	Timo Scheider	Audi A4
2009	Timo Scheider	Audi A4
2010	Paul di Resta	Mercedes-Benz Clase C
2011	Martin Tomczyk	Audi A4
2012	Bruno Spengler	BMW M3
2013	Mike Rockenfeller	Audi A5
2014	Marco Wittmann	BMW M4
2015	Pascal Wehrlein	Mercedes-Benz Clase C
2016	Marco Wittmann	BMW M4
2017	René Rast	Audi RS5

Véxase tamén

Ligazóns externas

• Web oficial do DTM
• Web oficial de Mercedes-Benz Motorsport Arquivado 29 de maio de 2015 en Wayback Machine.
• Web oficial de BMW MotorsportArquivado 13 de maio de 2015 en Wayback Machine.
• Web oficial de Audi Motorsport Arquivado 07 de maio de 2015 en Wayback Machine.