Cuanza Sul

Cuanza Sul é unha das 18 provincias de Angola, localizada na rexión central do país, á beira do océano Atlántico.

Cuanza Sul

Localización
10°38′00″S 14°30′00″L
Estado	Angola
Capital	Sumbe
Contén a división administrativa	Amboim (pt) Cassongue (pt) Cela Conda (pt) Ebo (pt) Libolo (pt) Mussende (pt) Porto Amboim Quibala (pt) Quilenda (pt) Seles (pt) Sumbe (en)
Poboación
Poboación	1.881.873 (2014) (33,85 hab./km²)
Lingua usada	Bolo (en) Nsongo (en) Língua sama (pt)
Xeografía
Superficie	55.600 km²
Comparte fronteira con	Bengo Bié Província do Huambo (pt) Provincia de Malanje Cuanza Norte Provincia de Benguela
Identificador descritivo
Fuso horario	UTC+01:00 Horário da África Ocidental (pt)
ISO 3166-2	AO-CUS

A súa capital é a cidade de Sumbe que, no ano 2018, contaba cunha poboación de 313.894 habitantes.

Xeografía

A provincia ten unha superficie de 55 660 km² (o 4,7 % da superficie total do país). Segundo as proxeccións de poboación de 2018, elaboradas polo Instituto Nacional de Estatística, conta cunha poboación de 2 109 999 habitantes, sendo a quinta provincia máis poboada de Angola.

División administrativa

A provincia está dividida administrativamente en 12 municipios con 32 comunas.

Os municipios son:

• Amboim
• Cassongue
• Cela
• Conda
• Ebo
• Libolo
• Mussende
• Porto Amboim
• Quilenda
• Quibala
• Seles
• Gabela
• Sumbe

Límites

Cuanza Sur encóntrase na maxe equerda do río Cuanza que é o seu límite coas provincias de Cuanza Norte e de Malanje. Limita tamén ao norte coa provincia de Bengo; ao sur coas de Benguela e de Huambo; ao leste coa de Bié e ao oeste co océano Atlántico.

Etnografía

Os grupos étnicos principais da provincia son os Kibalas, N'goias, Musseles, Mussumbas e Bailundos. O idioma máis falado, canda o portugués, é o kibundu, pero tamén se fala o umbundu.

Historia

A colonizción portuguea desta provincia iniciouse na foz do río Cambongo-Negunza, en 1769, por decreto de Francisco Inocêncio de Sousa Coutinho, que foi Gobernador e Capitán Xeneral do Reino de Angola entre 1764 e 1772, que ordenou a construción dun forte-presidio denominado Novo Redondo. O río Cambongo-Negunza recebiu o seu nome en homenaxe ao entó soba (autoridade) local Negunza Cabolo.

Agora baixo a influencia administrativa do reino de Benguela, entón baixo a responsabilidade administrativa dos distritos de Luanda e Cuanza, Cuanza Sul permaneceu á marxe do desenvolvemento da colonia até principios do século XX.

O 15 de setembro de 1917 o goberno colonial decidiu dividir o distrito de Cuanza nos distritos de Cuanza Norte (con sede en Golungo Alto) e de Cuanza Sul (con sede en Porto Amboim).

No ano de 1955 a sede do distro foi transferida de Porto Amboim á cidade de Sumbe.

A provincia resultou moi afectada durante a guerra civil angolana (1975-2002). Un gran número de civís morreron nos enfrontamentos entre a Unión Nacional para a Independencia Total de Angola (UNITA) e as Forzas Armadas angolanas (FAA). As plantacións café e outros cultivos foron destruídos. Os ataques frecuentes obrigaron á xente a abandonar os seus municipios. A UNITA estableceu a súa sede central na provincia.

Ao redor de 116 000 persoas foron desprazadas e vivían en campamentos. A maioría delas eran das zonas rurais e das rexións da meseta de Bié, densamente poboada. O 17 de decembro de 2000, os combatentes da UNITA mataron a 31 soldados das FAA e saquearon vehículos, armas e preto de 20 000 litros de gasóleo en Quibala. En abril de 2001 atacaron postos das FAA e capturaron numneosas armas de fogo.

Multitude de minas terrestres atipersoa que se puxeron durante a guerra civil aínda hoxe están presentes, e o goberno outorgu contratos para desenterralas a distintas organizacións. Aínda están presentes en varias áreas. A provincia ten aínda unha alta densidade de minas terrestres.

En 2008, Agusta Urica, de 31 anos, foi coroada como a primeira Miss Landmine (Miss Minas terrestres) en Luanda, vencendo a outras 17 mulleres que perderon extremidades polas minas terrestres que aínda perduran como vestixios da guerra civil. Augusta, unha sobrevivente dunha mina terrestre que lle seccionou parte dunha perna, recibiu o galardón ante varios dignatarios e a primeira dama da nación, Ana Paula dos Santos.

Os preparativos para o concurso dese ano comezaron en 2006, cando 10 das concursantes foron trasladadas á capital angolana para participaren nunha sesión de fotos. Polo seu traballo, ás mulleres se lles pagaron 200 $ por día e se lles regalou a roupa e as xoias que usaron para as fotos. As fotos colocaráronse en liña, onde os votantes de Internet podían elixir a súa propia Miss Landmine favorita. Case 10 000 persoas de 30 países votaron, e Maria Restino Manuel, de 26 anos, Miss Landmine de Cuanza Sul, foi a gañadora de Internet, co 29 % dos votos. Ao igual que a Augusta Urica, tamén recibiu un membro protésico feito a medida.

Galería de imaxes

• 
  Igrexa e parque en Cela
• 
  Paisaxe rural de Cela
• 
  Rolls Royce en Porto Amboim
• 
  Aldea rural preto de Sumbe

Véxase tamén

Bibliografía

• Europa Publications (2003). Africa South of the Sahara 2004. Psychology Press. ISBN 978-1-85743-183-4. 
• Minerals Yearbook, Vol. 3. Area Reports International, Africa and the Middle East. Government Printing Office. 2010. ISBN 978-1-4113-2965-2. 
• Ibp Inc (2014). Angola Oil and Gas Exploration Laws and Regulation Handbook Volume 1 Strategic Information and Basic Laws. Int'l Business Publications. ISBN 978-1-4330-7852-1. Arquivado dende o orixinal o 23 de decembro de 2019. Consultado o 15 de setembro de 2019. 
• James, W. Martin (2011). Historical Dictionary of Angola. Scarecrow Press. ISBN 978-0-8108-7458-9. OCLC 712777842. 
• Stead, Mike; Rorison, Sean (2013). Angola. Bradt Travel Guides. ISBN 978-1-84162-443-3. OCLC 809938802. 
• United States. Central Intelligence Agency (1990). Angola. Human Rights Watch. GGKEY:379Y7T2K4UX. 
• Vines, Alex (1997). Still Killing: Landmines in Southern Africa. Human Rights Watch. ISBN 978-1-56432-206-7. OCLC 246170324. 
• Weigert, Stephen L. (2011). Angola: A Modern Military History, 1961-2002. Palgrave Macmillan. ISBN 978-0-230-33783-1. OCLC 759166807. 

Outros artigos

• Angola