Cela, Angola

Para outras páxinas con títulos homónimos véxase: Cela.

Cela é unha cidade e municipio da provincia de Cuanza Sul, en Angola.

Cela, Angola

Localización
11°21′30″S 15°07′10″L
Estado	Angola
Provincias	Cuanza Sul
Xeografía
Superficie	5.525 km²

Vista do centro da cidade.

Xeografía

Situación de Cela en Angola.

O municipio abarca unha extensión de 5 525 km².

En xullo de 2018 tiña unha poboación estimada de 252 852 habitantes, polo que a súa densidade de poboación, nese ano, era de 45,77 hab./km²

Encóntrase situado no centro-oeste do país, ao sur de Luanda, cerca do río Cuanza e da costa do océano Atlántico. Limita ao norte co municipio da Quibala, ao leste co municipio do Andulo, ao sur cos municipios de Bailundo e Cassongue, e ao oeste cos municipios de Seles e Ebo.

Comprende as comunas de:

• Waco Kungo (Uaco Cungo, en portugués),
• Quissanga Kungo, e
• Sanga.

A sede do municipio é Waco Kungo.

Historia

Desde o século XVI, partes cada vez máis grandes de Angola quedaron baixo o dominio do Imperio colonial portugués.

No contexto das reformas administrativas do gobernador de Angola, Francisco Inocêncio de Sousa Coutinho (1726-1780), a provincia de Cuanza Sul foi fundada en 1769, e Cela converteuse nun distrito da provincia.

Durante a Guerra civil angolana (1975-2002) Cela foi o escenario de intensos combates. Ademais das batallas, minas terrestres antipersoa no territorio provocaron unha diminución de toda a actividade económica, especialmente da agricultura. Despois do final da guerra civil, o regreso dos habitantes fuxidos e a recuperación da agricultura comezou lentamente. Diversos programas de apoio público tenderon a reducir a fame e a pobreza na cidade, a través de comedores escolares, atención médica mellorada, microcréditos e unha gran variedade doutras medidas. Dende 2012 varios proxectos de novas vivendas abordárose no municipio, especialmente nas comunas de Sanga e Quissanga-Kungo.

Véxase tamén

Outros artigos

• Cuanza Sul
• Waco Kungo