Angelina Jolie

actriz estadounidense

Angelina Jolie Voight, nada nos Ánxeles (California) o 4 de xuño de 1975, é unha actriz estadounidense de cine e televisión, gañadora dun Oscar á mellor actriz secundaria e de tres Globos de Ouro.

Angelina Jolie
Nome completoAngelina Jolie Voight
Nacemento4 de xuño de 1975
LugarOs Ánxeles
NacionalidadeEstados Unidos de América e Camboxa
Relixióncatólico non practicante
Educada enHigh School de Beverly Hills, Universidade de Nova York, Lee Strasberg Theatre and Film Institute e Tappan Zee High School
PaiJon Voight
NaiMarcheline Bertrand
Cónxuxe(s)Jonny Lee Miller, Billy Bob Thornton e Brad Pitt
FillosShiloh Jolie-Pitt, Knox Jolie-Pitt e Vivienne Jolie-Pitt
Profesiónactriz de cinema, directora de cine, produtora, modelo, actriz de dobraxe, guionista, autora de diarios, actor de xénero, actriz de televisión, actriz, produtor, cineasta, humanitarian, produtora delegada, escritora, filántropa, modelo e roteirista de cinema
Na rede
IMDB: nm0001401 Allocine: 27613 Rottentomatoes: celebrity/angelina_jolie Allmovie: p36009 TCM: 96180 Metacritic: person/angelina-jolie TV.com: people/angelina-jolie
Instagram: angelinajolie Dialnet: 2611897 Musicbrainz: cbb15c0a-48c5-407c-892e-a9eb9f32af00 Discogs: 4777936 WikiTree: Voight-50 Editar o valor em Wikidata
editar datos en Wikidata ]

Ademais, Jolie escribiu un libro (Notes from my travels) onde relata as súas viaxes a países golpeados pola pobreza en África. Jolie participa activamente en actos humanitarios tratando de promover a axuda cara aos refuxiados.

Traxectoria editar

A súa vea cinematográfica vén desde a infancia xa que é filla de Jon Voight, gañador do Oscar ó Mellor Actor de 1978 por Coming Home e de Marcheline Bertrand - americana de orixe franca-canadense e morta en 2007 por un cancro - que tamén foi actriz. Angelina foi apadriñada no seu bautizo por dous grandes actores; Maximilian Schell e Jacqueline Bisset. Os seus pais separáronse cando ela tiña apenas dous anos.

Ós 21 anos de idade casou co actor inglés Johnny Le Miller, a quen coñeceu na rodaxe dunha das súas primeiras películas titulada Hackers. Máis tarde casou en segundas nupcias co tamén actor Billy Bob Thornton, do que tamén se divorciou.

Adoptou xunto a este último a Maddox Chivan Jolie (posteriormente Pitt, ó ser adoptado por este en 2006) en 2001 en Camboxa, país polo que a actriz sente un especial amor desde que rodase aí a serie de películas dedicadas a "Tomb Raider". O nome Maddox provén da lingua iémer que significa fillo do señor. Logo do seu divorcio quedou coa súa custodia e adoptou a Zahara Marley en 2005, procedente de Etiopía. O nome desta provén do árabe, onde Zahara significa Flor, sendo o seu segundo nome Marley en honra ó cantante xamaicano Bob Marley.

Actualmente e desde finais de 2005 vive con Brad Pitt, quen adoptou ós dous fillos da actriz - Maddox e Zahara - en 2006. O 27 de maio de 2006 tiveron ao seu primeiro fillo biolóxico, nacido en Namibia e de nome John Jolie-Pitt. A exclusiva do nacemento foi vendida á revista norteamericana de prensa rosa People, por unha cantidade superior aos 4 millóns de dólares, superando con iso o diñeiro ofrecido a Tom Cruise pola exclusiva do nacemento da súa filla, Suri Cruise, acaecido un mes antes. O diñeiro cobrado pola exclusiva foi doado integramente a organizacións benéficas, seguindo o desexo da parella Jolie-Pitt.

En 2007 adoptaron ó seu cuarto fillo e terceiro non biolóxico, un neno vietnamita a quen chamaron Pax Thien, que significa "Ceo Pacifico". O nome Pax provén do latín e significa "paz", e Thien provén da lingua vietnamita e significa "ceo". Angelina adoptouno inicialmente como nai solteira debido a que en Vietnam non se acepta que parellas que non estean casadas adopten fillos, pero actualmente Pax xa leva o apelido Pitt ó ser adoptado porteriormente por este de acordo ás leis norteamericanas.

Angelina, en múltiples entrevistas, confirmou que é bisexual e sinalou que durante máis de dez anos mativo unha relación sentimental coa actriz Jenny Shimizu, a súa compañeira de interpretación na película de 1996 Foxfire, e que de non ter casado co seu marido, Billy Bob Thornton probablemente faríao con ela.

Os seus comezos editar

A súa primeira incursión no cine foi en 1983, con apenas 7 anos, na película Lookin' to Get Out, xunto ó seu pai. O seu primeiro papel protagonista realízao anos despois, en 1993, na película Cyborg 2, que tivo moi pouca relevancia. Logo de varias curtas e algunha película pequena, en 1995 realizou o seu primeiro filme importante, Hackers, que co paso do tempo se converteu nunha produción de culto dos amantes da piratería informática. Nesta película coñeceu ó que sería o seu marido Jonny Lee Miller.

En 1998 co-protagonizou a película Playing by heart cun amplo elenco de estrelas, coma o mítico Sean Connery, a veterana Gena Rowlands, a famosa detective de The X-Files Gillian Anderson, a nova promesa Ryan Phillippe ou o famoso presentador da televisión americana Jon Stewart, que presentou a gala dos premios Oscar en 2006.

En 1999 interpretou un dos seus mellores papeis no cine. Foi na película Girl, Interrupted, dando vida a unha paciente dun hospital psiquiátrico. A protagonista do filme era Winona Ryder, pero coa súa impoñente e convincente interpretación deixou eclipsado crítica e público. Con este papel conseguiu o seu primeiro Oscar como mellor actriz secundaria, e o seu terceiro Globo de Ouro, tamén nesa categoría, entre outros moitos premios. Ademais do seu papel en Girl, Interrupted protagonizou xunto a Denzel Washington a película O coleccionista de ósos na que interpretaba a unha axente do FBI.

Fama mundial editar

 

2001 foi o ano en que obtivo a súa fama mundial, grazas ó personaxe da superheroína virtual Lara Croft na película Lara Croft: Tomb Raider, na que o seu pai, Jon Voight, participou interpretando o pai de Lara Croft. Ese mesmo ano estreouse a tórrida película Original Sin , na que traballou xunto a Antonio Banderas, protagonizando escenas moi eróticas.

En 2004 formou parte da ambiciosa película de Oliver Stone Alexander, interpretando a nai de Alexandre o Grande, Olimpia. Nesta película traballou xunto a actores do talle de Anthony Hopkins ou Val Kilmer, e Colin Farrell no papel de Alexandre. A película recibiu fortes críticas, e a recadación en portelo foi moito menor da agardada, pero a maioría dos críticos encomiaron a súa actuación, ata falando de Angelina a Grande, facendo un xogo de palabras co nome do mítico conquistador.

En 2005 tivo éxito co filme Mr. and Mrs. Smith, xunto a Brad Pitt, en cuxo rodaxe comezaron a súa relación amorosa.

Á parte destas películas na súa carreira atopamos outros títulos como Gone in Sixty Seconds xunto a Nicolas Cage, Beyond Borders, xunto a Clive Owen ou Sky Captain and the World of Tomorrow xunto a Gwyneth Paltrow e Jude Law.

En decembro do 2005 culminou a película The Good Shepherd, na que comparte cartel con Matt Damon, Alec Baldwin, Michael Gambon, William Hurt e Joe Pesci entre outros, baixo a dirección de Robert De Niro. A película estreouse nos Estados Unidos a finais do 2006.

En 2007 estreou A Mighty Heart, filme no cal Jolie interpreta o papel de Mariane Pearl, a esposa do xornalista estadounidense Daniel Pearl, quen foi secuestrado e asasinado por milicias de Paquistán, presuntamente membros da rede Al Qaeda.

Angelina Jolie nos medios editar

 
Jolie na revista Ms en 2015

Angelina Jolie leva aparecendo nos medios de comunicación desde unha temperá idade, debido ao seu famoso pai Jon Voight. Con sete anos participou cun pequeno papel na película Lookin' to Get Out, co-escrita e protagonizada polo seu pai. En 1986 e 1988 asistiu á cerimonia dos Oscar como unha adolescente xunto a el. Con todo, cando comezou a súa carreira de interpretación, Jolie decidiu non usar "Voight" como apelido, porque desexaba establecer a súa propia identidade como actriz. Jolie, nunca tímida, forxouse unha imaxe de moza rebelde e salvaxe nos primeiros anos da súa carreira.

É coñecida por ser unha das poucas estrelas sen publicista e rapidamente converteuse no foco de mira dos tabloides, por ser moi aberta nas súas entrevistas. A súa vida amorosa, sobre todo o seu interese polo sadomasoquismo, a miúdo era destacado nos medios de comunicación. Como un dos seus trazos físicos máis distintivos, os beizos de Jolie atraeron a atención dos medios de comunicación. Os seus beizos foron incluídos entre "As cousas máis sexys do mundo" nunha enquisa de FHM en 2006.

Tamén chamaron a atención dos medios de comunicación o seu matrimonio con Billy Bob Thornton e o cambiou de rumbo que deu na súa vida ó preocuparse polos problemas globais humanitarios. Cando tomou o papel de Embaixadora de Boa vontade UNHCR, comezou a usar o seu status de celebridade para loitar por causas humanitarias en todo o mundo.(Por exemplo, promovendo o Día do Refuxiado Mundial 2006 nunha entrevista coa CNN de dúas horas con Anderson Cooper, atraendo máis que dobre de audiencia que no seu noticiario típico. Ademais estivo recibindo lección de pilotaxe desde 2004 e está estudando para obter a licenza de piloto privado en Inglaterra, para así poder viaxar libremente por todo o mundo.

A comezos de 2005, a súa relación con Brad Pitt converteuse nunha das noticias máis relatadas en todo o mundo. Despois de que Jolie confirmase o seu embarazo a principios de 2006, o sen precedentes bombo nos medios que os rodeaba "alcanzou o punto de tolemia", como Reuters describiuno na súa reportaxe "A febre Brangelina". O intento de evitar a atención dos medios de comunicación, levou á parella a Namibia para o nacemento "do bebé máis esperado desde Xesucristo", como foi descrito.

Hogano, Angelina Jolie é unha das famosas máis coñecidas no mundo enteiro. Segundo unha enquisa, en 2000, logo do seu triunfo nos Oscar, o 31 % dos enquisados nos Estados Unidos dixo que Jolie era familiar a eles. Cara a 2006 ela era familiar ao 81 % dos norteamericanos.

Ademais, en 2006, Jolie aparecía na lista das 100 persoas máis influentes no mundo da revista Estafe, foi portada da revista Forbes situándose no posto nº 35 da súa lista das 100 celebridades mundiais e foi descrita como a muller máis bela do mundo na lista da revista People. En febreiro de 2007, foi votada como o maior símbolo sexual de todos os tempos na Canle 4 da televisión británica, dentro do programa de televisión "Os 100 Maiores Símbolos Sexuais", por diante da mesmísima Marilyn Monroe.

Filmografía parcial e premios editar

(Non se inclúen candidaturas)

Ano Película Director Premios
2008 The Changeling Clint Eastwood
Kung Fu Panda (voz) Mark Osborne e John Stevenson
Wanted Timur Bekmambetov
Atlas Shrugged
2007 Beowulf (voz) Robert Zemeckis
A Mighty Heart Michael Winterbottom Teen choice Awards (nomeada á mellor actriz dramática)
2006 The Good Shepherd Robert De Niro
2005 Mr. & Mrs. Smith Doug Liman Teen choice Awards (mellor actriz de acción)
2004 Alexander Oliver Stone
Shark Tale (voz) Vicky Jenson, Bibo Bergeron
e Rob Letterman
Sky Captain and the World of Tomorrow Kerry Conran
Taking Lives D.J. Caruso
2003 Beyond Borders Martin Campbell
Lara Croft Tomb Raider The Cradle of Life Jan de Bont
2002 Life or Something Like It Stephen Herek
2001 Original Sin Michael Cristofer
Lara Croft: Tomb Raider Simon West
2000 Gone in 60 seconds Dominic Sena Blockbuster Entertainment Award (mellor actriz)
1999 Girl, Interrupted James Mangold Oscar, Globo de Ouro, Blockbuster Entertainment Award, Broadcast Film Critics Association
Awards, Screen Actors Guild Awards, ShoWest Award (mellor actriz secundaria), ShoWest
Convention (actriz secundaria do ano) e Hollywood Film Festival (actriz do ano).
O coleccionista de ósos Phillip Noyce
Pushing Tin Mike Newell
1998 Playing by Heart Willard Carroll National Board of Review Award (actriz con recoñecemento internacinal)
Hells Kitchen Tony Cinciripini
Gia Michael Cristofer Globo de Ouro, Satellite Awards, Screen Actors Guild Awards
e L.A. Outfest (mellor actriz en telefilm)
1997 Playing God Andy Wilson
Mojave Moon Kevin Dowling
George Wallace John Frankenheimer Globo de Ouro (mellor actriz secundaria en miniserie)
1996 Foxfire Annette Haywood-Carter
Without Evidence Gill Dennis
Love Is All There Is Renée Taylor e Joseph Bologna
1995 Hackers Iain Softley
1993 Cyborg 2 Michael Schroeder
1982 Lookin to Get Out Hal Ashby

Véxase tamén editar

Ligazóns externas editar