Agustín Sixto Seco

Agustín Sixto Seco, nado en Meá (Mugardos) o 3 de decembro de 1926 e finado en Santiago de Compostela o 30 de decembro de 2004, foi un médico e intelectual galeguista.

Agustín Sixto Seco

Biografía
Nacemento	3 de decembro de 1926 Mugardos, España
Morte	30 de decembro de 2004 (78 anos) Santiago de Compostela, España
Presidente Fundación Otero Pedrayo
1979 – 26 de xuño de 2004 – Víctor Freixanes →
Datos persoais
País de nacionalidade	España
Actividade
Ocupación	médico , escritor
Membro de	Real Academia Galega (membro correspondente)
Lingua	Lingua castelá e lingua galega
Premios (2005)  Medalla de Ouro de Galicia (2005)  Premio Trasalba

Traxectoria

Era fillo dun traballador da Bazán. Estudou Medicina, especializado en traumatoloxía, e foi presidente da Sociedade Española de Traumatoloxía, mantendo moi boas relacións con Portugal, co International College of Surgeons e coa Sociedad Latinoamericana de Ortopedia.

Foi promotor cultural, participando en editorial Galaxia, a fundación Penzol, o Museo do Pobo Galego, o Centro Ramón Piñeiro ou a fundación Camilo José Cela. O seu primeiro traballo foi o máis querido por el: a Casa Museo Rosalía de Castro en Padrón. Pero a recuperación da historiografía non quedou na autora de Iria Flavia, pois como primeiro presidente da Fundación Otero Pedrayo promoveu a conversión en casa museo da vivenda de Otero Pedrayo en Trasalba.

Crente católico coma Alexandre Bóveda, Florentino López Cuevillas, Vicente Risco ou don Ramón Otero Pedrayo, colaborou na revista galega de pensamento cristián Encrucillada ata a súa morte.

Obra

• Proceso en Galicia a las prótesis totales de cadera (1971)
• Cirugía del dolor lumbosacro (Relatorio SECOT, Valladolid, 1977)
• Artrodesis lumbosacra (mediametraxe a cor 36 mm, 35 minutos, 1979)
• Sentencia en Galicia a las prótesis totales de cadera (1985)
• Entre Portas (escolma de artigos. Edit. Compostela-Caja Madrid, 1997)

Pronunciou 152 conferencias e 9 pregóns, escribiu once prólogos a libros e 959 artigos.

Recoñecementos

• Membro correspondente da Real Academia Galega
• Premio Trasalba en 2005.

Véxase tamén

Bibliografía

• Barrera, F., ed. (2002). Gallegos. Quién es quien en la Galicia del siglo XXI. El Correo Gallego. p. 547. ISBN 84-8064-113-4. 
• Fernández del Riego, F. (1990). Diccionario de escritores en lingua galega. Do Castro. p. 416. ISBN 978-84-7492-465-7. 
• Varios (2005). Memoria dos amigos. Agustín Sixto Seco 1926-2004. Vigo. Editorial Galaxia. ISBN 84-8288-813-7.