Fundación Penzol

Fundación Penzol
	Sede da fundación
Tipo	fundación
Forma xurídica	fundación
Personalidades
Fundador/a	Fermín Penzol
Presidente/a	Manuel Puga Pereira
Data
Fundación	5 de maio de 1963
Localización
	42°14′19″N 8°43′31″O / 42.23847317, -8.72528782
Estado	España
Comunidade autónoma	Galicia
Provincia	provincia de Pontevedra
Concello	Vigo
País	España
Enderezo	Praza da Princesa
Sede	Casa Galega da Cultura
Premios
	(2013) Medalla de Ouro de Galicia ;
Contacto
Páxina WEB	hoxe.vigo.org…
	[ Wikidata ]

A Fundación Penzol é unha institución viguesa creada o 5 de maio de 1963, cando Fermín Penzol (1901-1981) decidiu doar a súa biblioteca e crear un centro de estudos e documentación acerca da lingua e a literatura galega. O seu presidente é Manuel Puga Pereira e o director é Francisco Domínguez Martínez.

Descrición

Esta colección foi iniciada na época de estudante de Fermín Penzol, cando militou no movemento nacionalista na Mocidade Céltiga e coñeceu a Alfonso Daniel Rodríguez Castelao, Ramón Cabanillas e Vicente Risco. O fondo inicial da fundación, que consistiu en 7 751 libros, 6 012 folletos e moitas revistas periódicas, manuscritos e documentos,^[1] foise ampliando e agora ten unha das maiores coleccións de folletos, máis de 45 000 libros, documentos, periódicos, revistas, cartas e 160 manuscritos da historia recente de Galiza.

Placa.

Pouco antes da súa morte fixo depositaria do seu legado á Editorial Galaxia, que asumiu o mantemento. Na creación da fundación participaron Francisco Fernández del Riego, Ramón Piñeiro e outros galeguistas ilustres, amais de empresarios coma Antonio Fernández López e Álvaro Gil Varela.

A primeira sede da biblioteca instalouse na rúa Policarpo Sanz de Vigo, para despois trasladarse á Casa Galega da Cultura, na praza da Princesa.

Obtivo o Premio Francisco Fernández del Riego da Asociación Galega de Editores á difusión do ámbito editorial e cultural no 2012.

En 2020 foi Premio da Cultura Galega.^[2]