Álvaro Gil Varela

Álvaro Gil Varela, nado en Lugo en 1905 e finado en Madrid o 2 de outubro de 1980, foi un enxeñeiro de montes, empresario e filántropo galego.

Álvaro Gil Varela
Nacemento1905
Lugar de nacementoLugo
Falecemento2 de outubro de 1980
Lugar de falecementoMadrid
NacionalidadeEspaña
Alma máterUniversidade de Berlín
Ocupaciónempresario e filántropo
Premiosfillo predilecto
editar datos en Wikidata ]

TraxectoriaEditar

Durante a súa mocidade participou na redacción da revista Ronsel, publicada en Lugo e dirixida por Evaristo Correa Calderón.

Foi axudante de Montes da Deputación de Pontevedra en 1929. Ampliou estudos en Francia e Italia sobre técnicas de pastos. Estivo aloxado na Residencia de Estudiantes. Ampliou estudos en Alemaña en 1934, onde se doutorou pola Universidade de Berlín en Ciencias Naturais. Traballou e colaborou co doutor Cruz Gallástegui en xenética animal.

Vinculado co galeguismo republicano, formou parte do Partido Galeguista. En xuño de 1936 o gobernador civil de Pontevedra Gonzalo Acosta Pan delegou nel a presidencia da Xunta Provincial do Paro.[1][2] Logo do golpe de Estado do 18 de xullo de 1936 foi detido e estivo encarcerado. Abríronlle expediente pola Comisión Provincial de Incautación de Bens en 1938,[3] e foi depurado, sendo sancionado con tres anos de inhabilitación para o cargo de axudante de repoboación forestal.[4] Desposuído dos seus títulos académicos entrou en contacto coa empresa Zeltia, na que ocuparía cargos directivos. Tamén participou na xestión de Transfesa. Durante o período franquista axudou a financiar a actividade clandestina do nacionalismo galego.[5]

Entre 1955 e 1980 realizou numerosas doazóns ao Museo Provincial de Lugo, entre as que se contan obras pictóricas e pezas de incalculable valor, como o torque de Burela e o carneiro alado de Ribadeo, ademais de brazaletes, arracadas e pulseiras de ouro de tradición celta. No 2009 unha sentenza xudicial deu a razón aos seus herdeiros, que reclamaban a reversión das devanditas doazóns.

RecoñecementosEditar

Foi nomeado Fillo Predilecto da cidade de Lugo.

Vida persoalEditar

Casou en Lugo con Antonia Arias Vázquez en marzo de 1931.[6]

NotasEditar

  1. El Diario de Pontevedra, 20-6-1936, p. 2.
  2. El Pueblo Gallego, 1-7-1936, p. 1.
  3. El Compostelano, 2-7-1938, p. 2.
  4. El Pueblo Gallego, 25-1-1940, p. 5.
  5. Diario, Nós. "Os outros legados de Álvaro Xil". Nós Diario. Consultado o 2022-01-11. 
  6. El Ideal Gallego, 6-3-1931, p. 5.

Véxase taménEditar

Ligazóns externasEditar