Fundación Otero Pedrayo
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde novembro de 2017.) |
A Fundación Otero Pedrayo é unha fundación cultural de carácter privado que ten como obxectivo o mantemento e promoción da memoria colectiva sobre o escritor e intelectual ourensán Ramón Otero Pedrayo, chamado "Patriarca das Letras Galegas", a través das actividades lembradoiras propias dunha fundación destas características, e da custodia da súa Casa-Museo no lugar de Cimadevila, na parroquia de Trasalba, no concello de Amoeiro. Desde 2021 o seu presidente é Xosé Eduardo López Pereira[1].
| Fundación Otero Pedrayo | |
|---|---|
 | |
| Tipo | fundación e biblioteca especializada |
| Data de fundación | 1979 |
| Nomeado en referencia a | Ramón Otero Pedrayo |
| Presidente/a | Eduardo López Pereira (2021-) |
| Localización | |
| Sede | Casa grande de Cima de Vila |
| Enderezo | Casa Grande de Cimadevila |
| En | Trasalba |
| País | Galicia |
| 42°21′47″N 7°58′35″O / 42.363129, -7.976388Coordenadas: 42°21′47″N 7°58′35″O / 42.363129, -7.976388 | |
| Na rede | |
| http://fundacionoteropedrayo.org/ | |
   | |
| [ editar datos en Wikidata ] | |
OrganizaciónEditar
Ramón Otero Pedrayo, sen herdeiros directos, deixou unha manda no seu testamento pola que legaba a súa Casa Grande de Trasalba a Galicia, representada para o efecto pola Editorial Galaxia. Para cumprir a súa vontade, uns meses despois da súa morte, o 10 de abril de 1976, creouse un Padroado que axiña constituíse unha Fundación Cultural independente que foi recoñecida por Orde Ministerial do 19 de xullo de 1979 e, como Fundación de Interese galego, por orde da Xunta de Galicia.
ActividadesEditar
A Fundación promove distintas actividades culturais ao longo do ano, tanto na Casa Grande de Cimadevila, como noutras localizacións. Desde lembranzas a vellos amigos, a homenaxes nos seus aniversarios. Unha das máis recoñecidas é a celebración dunha festa anual -o último domingo de xuño de cada ano- na que se entrega, ininterrompidamente dende 1983, o Premio Trasalba a senlleiros valedores da cultura galega.
PublicaciónsEditar
A Fundación edita publicacións relativas á cultura galega, tanto propias de Otero Pedrayo, como dos personaxes galardonados cada ano.
NotasEditar
- ↑ Elisabet Fernández (25 de abril de 2021). "Buciños recolle o Trasalba: "Grazas a don Ramón fago escultura que comunica"". La Región.