Taboada y Ramos
Coordenadas: 42°51′43.81″N 8°33′27.70″O / 42.8621694, -8.5576944
Construcciones Taboada y Ramos, tamén coñecida como Taboada y Ramos, SL, é unha sociedade limitada constituída en Silleda en 1988 (aínda que opera en Lalín). Foi fundada polo albanel Manuel Taboada Gómez, e a súa esposa Elisa Ramos Valiñas, cun capital dun millón de pesetas.
Taboada y Ramos | |
---|---|
Tipo | Sociedade Limitada |
Fundación | 1988 Silleda |
Localización | Polígono Industrial Lalín 2000. |
Fundador | Manuel Taboada Gómez e Elisa Ramos Valiñas |
Industria | Construción e servizos |
Beneficio | 39.103.314 € (en 2013)[1] |
Número de empregados | 121 (en 2013) |
[ editar datos en Wikidata ] |
Nos seus primeiros anos de actividade facturou miles de millóns de pesetas por obras da Xunta de Galicia, a Deputación Provincial de Pontevedra e varios concellos galegos gobernados polo PP. Só en 1993, aínda que dispoñía unicamente de seis traballadores fixos, o seu volume de negocio foi de 858 millóns.
Taboada logrou contratas da Consellaría de Obras Públicas para construír estradas, abastecementos de augas a municipios e os polígonos industriais de Silleda e Lalín, ambos os dous con outras empresas. No parque de Lalín foi unha das primeiras sociedades en adquirir unha parcela.[2]
Construcciones Taboada y Ramos SL naceu froito da fundación dunha pequena empresa familiar dedicada á execución de obra civil e construción, na que o traballo realizado ao longo dos anos consolidou un crecemento constante que lle permitiu alcanzar progresivamente maiores cotas de volume de contratación e a execución de obras de maior complexidade técnica, dentro da súa actividade inicial, así como a ampliación e diversificación das liñas de negocio cara obras ferroviarias, de augas, edificación, xestión de servizos e enerxías renovábeis, que a sitúan como unha empresa de referencia en sectores clave da actividade económica, entre os que destaca pola súa relevancia o sector de Infraestruturas e Servizos.[3]
Taboada y Ramos, xunto coa tamén lalinense La Veneciana Iberiaglass SL e con Conejos Gallegos SL (Cogal) de Rodeiro, son tres empresas da Comarca do Deza que figuraban entre as 5000 primeiras de España por volume de vendas no ano 2013.[4]
Principais obras editar
Obras civís editar
Entre outras, Taboada y Ramos efectuou as seguintes obras:[5]
- Ampliación do enlace da N-550 coa PO-410 en Atios.
- Corredor do Morrazo CG 4.1, Tramo I, enlace coa AP-9.
- Autovía AG-64 Ferrol-Vilalba, tramo Espiñaredo-As Pontes.
- Autovía AG-59, alternativa á AC-841 - A Coruña
- Vía rápida VG 4.3, tramo Cambados-Vilagarcía
- Corredor CG 1.5 Brión-Noia, tramo Brión- Martelo.
- Autovía do Cantábrico A-8, tramo Lindín-Mondoñedo.
- Autovía A-54 Lugo-Santiago, tramo enlace de Palas-enlace de Guntín.
- Autoestrada da Costa da Morte AG-55, tramo Carballo-Berdoias (en construción, paralizada)
Edificacións editar
Entre outros, construíu os edificios:[6]
- Laboratorio agroalimentario da Finca Mouriscade, en Mouriscade, Lalín.
- Centro Sociocultural e Centro de Día Maruja Mallo, Lugo
- Centro Médico de Silleda
- Centro de Convivencia e Casa das Linguas, Lugo
- Vivendas en San Paio de Navia, Vigo
- Fogar Residencial e Centro de Día no Cádavo, Baleira
Servizos editar
- Explotación de Sevizos nas autoestradas A-6, AC-10 e AC-14.
- Asistencia técnica conservación e explotación de estradas na provincia de Pontevedra.[7]
Enerxías renovábeis editar
A empresa, consciente da transcendencia que ten o impulso dun desenvolvemento sostíbel, participa como socio maioritario en varias sociedades especializadas na promoción e desenvolvemento de proxectos en diversos ámbitos das enerxías renovábeis, como na enerxía fotovoltaica no ano 2008, mediante a promoción, xestión administrativa integral e construción dunha instalación solar fotovoltaica de 600 kW de potencia instalada en Lalín, tamén no campo da enerxía eólica, así mesmo no 2008, alcanza un importante impulso no ano 2010, ao resultar seleccionados pola Xunta de Galicia catro anteproxectos de novos parques eólicos cunha asignación de potencia total de 96 MW.[8]
Liña de alta velocidade Olmedo-Zamora-Galicia editar
En (2015) participa, xunto con Isolux-Corsán, na construción do túnel do Corno, na liña de alta velocidade Olmedo-Zamora-Galicia.[9]
Oficinas editar
A empresa actualmente ten oficinas en:[10]
- Lalín, Polígono Industrial Lalín 2000.
- Santiago de Compostela, e
- Lima, Perú.
Notas editar
- ↑ CONSTRUCCIONES TABOADA Y RAMOS SL http://ranking-empresas.eleconomista.es
- ↑ "Un albañil factura miles de millones en obras de la Xunta y municipios del PP" Diario El País, 28-05-1995.
- ↑ Taboada y Ramos. Presentación Arquivado 18 de maio de 2015 en Wayback Machine..
- ↑ "Tres firmas dezanas aparecen entre las 5.000 primeras de España por volumen de ventas" Diario Faro de Vigo, 04-07-2014.
- ↑ "Taboada y Ramos. Obra Civil". Arquivado dende o orixinal o 18 de maio de 2015. Consultado o 07 de maio de 2015.
- ↑ Torres y Ramos. Edificación Arquivado 18 de maio de 2015 en Wayback Machine..
- ↑ Torres y Ramos. Servizos Arquivado 18 de maio de 2015 en Wayback Machine..
- ↑ Torres y Ramos. Enerxías Renovables Arquivado 18 de maio de 2015 en Wayback Machine..
- ↑ Obras de plataforma de los subtramos Cerdedelo-Prado, Túnel de El Corno (vía derecha) en Vía Libre. La Revista del ferrocarril (en castelán).
- ↑ Torres y Ramos. Situación Arquivado 18 de maio de 2015 en Wayback Machine..