Sofía de Grecia

Sofía de Grecia (Sofía Margarida Vitoria Federica de Schleswig-Holstein-Sönderborg-Glücksburg), nada en Atenas o 2 de novembro de 1938, é princesa de Grecia e Dinamarca e a raíña consorte de España polo seu matrimonio con Xoán Carlos I de España desde o 22 de novembro de 1975 ata o 19 de xuño de 2014, data da abdicación do Rei e do acceso á xefatura do Estado do seu fillo Filipe VI. Ostenta de forma vitalicia o título honorífico de Raíña.

Sofía de Grecia
Raíña consorte de España e princesa de Grecia e Dinamarca.
Sofía de Grecia, raíña de España (2003).
Nome completo	Sofía Margarita Victoria Federica de Schleswig-Holstein-Sönderborg-Glücksburg
Nacemento	2 de novembro de 1938 (85 anos) Atenas, Grecia
Predecesor	Vitoria Uxía de Battenberg
Sucesor	Letizia Ortiz
Cónxuxe/s	Xoán Carlos I de España
Descendencia	Infanta Elena Infanta Cristina Filipe VI de España
Casa real	Schleswig-Holstein-Sonderburg-Glücksburg
Proxenitores	Paulo I de Grecia Federica de Hannover
Na rede

Xenealoxía

Sofía é a filla primoxénita de Paulo I, rei dos Helenos, e da súa esposa Federica de Hannover. O rei Paulo era o fillo de Constantino I de Grecia e da súa muller Sofía, nada princesa de Prusia. Federica era a filla de Ernesto Augusto de Hannover e da súa muller, Luísa Vitoria de Prusia, sobriña da propia raíña de Grecia, polo que o rei Paulo era curmán da nai da súa propia muller.

Traxectoria

Durante a súa infancia, en 1941, tivo que abandonar Grecia xunto a toda a súa familia por mor da invasión alemá durante a segunda guerra mundial, permanecendo no Cairo, Exipto e Suráfrica ata a súa volta en 1946. Aos poucos meses, o 1 de abril de 1947, o rei Xurxo II morreu e ocupou o trono o seu irmán, Paulo I, pai de Sofía. A princesa cursou estudos de pediatría, música e arqueoloxía. Traballou de enfermeira nunha maternidade de Atenas. Formou parte como suplente da selección grega de vela durante os Xogos Olímpicos de 1960, celebrados en Roma.

O 8 de xuño de 1961 asistiu en Londres á voda dos duques de Kent, onde coincidiu co entón príncipe Xoán Carlos de Borbón y Borbón. Un ano máis tarde, o 14 de maio de 1962, contraeron matrimonio en Atenas polos ritos católico e ortodoxo.

O matrimonio tivo tres fillos:

• S.A.R. a Infanta Elena n. 20 de decembro de 1963.
• S.A.R. a Infanta Cristina n. 13 de xuño de 1965.
• S.A.R. Filipe, príncipe de Asturias, n. 30 de xaneiro de 1968.

O 19 de xullo de 1969, Francisco Franco designou ao príncipe Xoán Carlos como sucesor a título de Rei, polo cal, e ata o momento da súa ascensión ao trono, tanto Xoán Carlos como a súa esposa ostentarían a dignidade de Príncipes de España, evitando a tradicional de Príncipes de Asturias. Trala morte de Franco, Xoán Carlos de Borbón foi proclamado Rei de España, o 22 de novembro de 1975, sendo Sofía a raíña consorte.

A Raíña é Académica de Honor da Real Academia de Belas Artes de San Fernando e da Real Academia da Historia. Recibiu o Doutoramento Honoris Causa polas Universidades de Rosario (Bogotá), Valladolid, Cambridge, Oxford, Georgetown, Évora e Nova York. Algunhas institucións culturais e musicais españolas levan o seu nome, como a Escola Superior de Música Raíña Sofía, o Museo Nacional Centro de Arte Reina Sofía ou o Palacio das Artes Reina Sofía de Valencia. Do mesmo xeito que o de toda a familia real helena, a súa orixe familiar é fundamentalmente danesa, con importantes alianzas alemás e rusas.

Títulos

Familia Real española Casa de Borbón

O Rei A Raíña consorte A princesa de Asturias A infanta Sofía O rei Xoán Carlos A raíña Sofía

Esta é unha lista de títulos e tratamentos que a raíña ostentou desde o seu nacemento:

• A súa Alteza Real a Princesa Sofía de Grecia e Dinamarca (1938-1962)
• A súa Alteza Real a Princesa Sofía de España (1962-1969)
• A súa Alteza Real a Princesa de España (1969-1975)
• A súa Maxestade a Raíña de España (Desde 1975)

Distincións honoríficas españolas

• Dama gran colar da Real e Distinguida Orde de Carlos III.
• Dama da Orde das Damas Nobres de María Luisa.

Ascendencia

16. Cristian IX, Rei de Dinamarca

8. Xurxo I, Rei dos Helenos

17. Princesa Luisa de Hesse-Kassel

4. Constantino I, Rei de Grecia

18. Gran Duque Constantino Nicholaievich de Rusia

9. Gran Duquesa Olga Constantinovna de Rusia

19. Princesa Alexandra de Saxonia-Altenburg

2. Paulo I, Rei de Grecia

20. Guillerme I, Emperador de Alemaña, Rei de Prusia

10. Frederico III, Emperador de Alemaña

21. Princesa Augusta de Saxonia-Weimar-Eisenach

5. Princesa Sofía Dorotea de Prusia

22. Alberte, Príncipe Consorte

11. Vitoria, Princesa Real

23. Vitoria I, Raíña do Reino Unido e de Irlanda e Emperatriz da India

1. Princesa Sofía de Grecia e Dinamarca, Raíña consorte de España

24. Xurxo V, Rei de Hannover

12. Ernesto Augusto, Príncipe herdeiro de Hannover

25. Princesa María de Saxonia-Altenburg

6. Ernesto Augusto III, Duque de Brunswick

26. Cristian IX, Rei de Dinamarca (= 16)

13. Princesa Thyra de Dinamarca

27. Princesa Luisa de Hesse-Kassel (= 17)

3. Princesa Federica de Hannover

28. Frederico III, Emperador de Alemaña (= 10)

14. Guillerme II, Emperador de Alemaña

29. Vitoria, Princesa Real (= 11)

7. Princesa Vitoria Luisa de Prusia

30. Frederico VIII, Duque de Schleswig-Holstein-Sonderburg-Augustenburg

15. Princesa Augusta Vitoria de Schleswig-Holstein

31. Princesa Adelaida Vitoria de Hohenlohe-Langenburg

Véxase tamén

• Familia real española

Ligazóns externas

• Sitio web oficial da Casa Real (en castelán)
• Fundación Reina Sofía (en castelán)
• Árbore xenealóxica da Raíña Sofía
• Biografía oficial (en castelán)

Predecesor: Novo título	Princesa consorte de España  1962 - 1975	Sucesor: Desaparición do título
Predecesor: Vitoria Uxía de Battenberg	Raíña consorte de España  1975 - 2014	Sucesor: Letizia Ortiz