Sofía de Prusia
Sofía Dorothea Ulrike Alice, nada no Palacio Novo de Potsdam o 14 de xuño de 1870 e finada en Frankfurt o 13 de xaneiro de 1932, foi princesa de Prusia, princesa de Alemaña e raíña consorte de Grecia tras a súa voda con Constantino I de Grecia. Os seus pais foron o emperador Frederico III de Alemaña e a princesa real Vitoria, princesa do Reino Unido.
| Sofía de Prusia | |
|---|---|
.jpg) | |
| Nome completo | Sofía Dorothea Ulrike Alice |
| Nacemento | 14 de xuño de 1870 |
| Lugar de nacemento | Potsdam |
| Falecemento | 13 de xaneiro de 1932 (61 anos) |
| Lugar de falecemento | Frankfurt |
| Causa | cancro |
| Soterrada | Cemiterio Real de Tatoi |
| Nacionalidade | Alemaña |
| Relixión | Cristianismo ortodoxo |
| Ocupación | royalty |
| Pai | Frederico III de Alemaña |
| Nai | Vitoria, princesa do Reino Unido |
| Cónxuxe | Constantino I de Grecia |
| Fillos | Xurxo II de Grecia, Alexandre I da Grécia, Helena da Grécia, Paulo I de Grecia, Irene da Grécia e Princess Katherine of Greece and Denmark |
| Irmáns | Guillerme II de Alemaña, Segismundo da Prússia (1864–1866), Waldemar da Prússia, Henrique da Prússia, Carlota da Prússia, Vitória da Prússia e Margarida da Prússia |
| Premios | Real Cruz Vermelha |
| Na rede | |
   | |
.jpg) | |
| [ editar datos en Wikidata ] | |
Foi educada directamente pola súa nai, quen lle inculcou certos sentimentos anglófilos.
O 27 de outubro de 1889 casou co príncipe Constantino de Grecia, futuro Constantino I. A voda celebrouse en Atenas, aínda que o compromiso pasara por dificultades na corte de Berlín, especialmente por que era mal visto que unha princesa luterana casase cun ortodoxo.
Os príncipes tiveron seis fillos:
- Príncipe Xurxo (1890-1947), Rei dos Helenos como Xurxo II, casado con Isabel de Romanía. Sen descendencia.
- Príncipe Alexandre (1893-1920), Rei dos Helenos como Alexandre I, casado con Aspasia Mans. Con descendencia.
- Princesa Helena (1896-1982), Raíña de Romanía polo seu matrimonio con Carlos II de Romanía. Con descendencia.
- Príncipe Paulo (1901-1964), Rei dos Helenos como Paulo I, casado con Federica de Hannover. Con descendencia.
- Princesa Irene (1904-1974), brevemente raíña de Croacia polo seu matrimonio con Tomislav II de Croacia. Con descendencia.
- Princesa Catarina (1913-2007), Lady Brandram polo seu matrimonio con Richard Brandram. Con descendencia.
Considerouse como influente no seu esposo o rei, sobre todo nos sentimentos prol-alemáns que Constantino mostrou durante a primeira guerra mundial.
O 11 de xullo de 1917 tivo que abandonar o país xunto co seu marido cara a Suíza, tras complicacións políticas. En 1920 regresaron a Grecia por motivo dos funerais do seu fillo Alexandre e ese mesmo ano o rei Constantino retomou o poder, para abdicar tan só dous anos despois, en 1922, e enseguida partir novamente ao exilio, esta vez a Italia.
Sofía quedou viúva en 1923. Ela falecería de cancro na cidade alemá de Frankfurt, en 1932.
| Wikimedia Commons ten máis contidos multimedia na categoría: Sofía de Prusia |