Abrir o menú principal

Martin Price

numismático británico

Martin Jessop Price, nado o 27 de marzo de 1939 en Londres e finado na mesma cidade o 29 de abril de 1995, foi un numismático e anticuario británico vinculado ao Departamento de Moedas e Medallas do Museo Británico.[1]

Martin Jessop Price
Datos persoais
Nacemento27 de marzo de 1939
LugarLondres
Reino Unido Reino Unido
Falecemento28 de abril de 1995 (56 anos)
LugarLondres
Reino Unido Reino Unido
NacionalidadeBritánica
CónxuxeMaria Zenaki
Actividade
CampoNumismática, antigüidades
Alma máterUniversidade de Cambridge
Contribucións e premios
Coñecido porEstudo e catalogación da moeda da Antiga Grecia.
Premios- (1981 e 1988): Premio Lhotka.
- (1992): Medalla da Royal Numismatic Society.
Membro de:
Museo Británico.
Instituto Alemán de Arqueoloxía.
Real Sociedade de Numismática.
Escola Británica de Atenas.
editar datos en Wikidata ]

Índice

TraxectoriaEditar

Logo dos seus estudos na King's School de Canterbury e no Queens's College da Universidade de Cambridge, Price especializouse en estudos clásicos. Nesa universidade acadou o seu doutoramento en 1967 baixo a dirección de Edward Robinson, cunha tese acerca da introdución da moeda de bronce no mundo grego.[2]

En 1961 obtivo unha bolsa para a Escola Británica de Arqueoloxía de Atenas, nunha convocatoria de intercambios de investigadores promovida polo Goberno grego.[2]

No relativo á súa vida persoal, en 1965 casou con Maria Zenaki, con quen tivo dous fillos e unha filla.[2]

A partir de 1966 comezou a traballar no Museo Británico, no Departamento de Moedas e Medallas, ocupándose principalmente das moedas da Antiga Grecia, e en 1978 converteuse en conservador interino da institución.[2]

Foi membro correspondente do Instituto Alemán de Arqueoloxía e, no curso 1986-1987, exerceu como profesor visitante no Instituto de Estudos Avanzados da Universidade de Princeton.[2]

Price foi un dos responsables do proxecto Sylloge Nummorum Graecorum da Academia Británica, e a el débeselle ademais a redacción e a edición de catro estudos vinculados a esta iniciativa.[3]

En 1992 foi merecedor da prestixiosa medalla da Royal Numismatic Society.[2][4] Previamente, en 1981 e en 1988, fora xa recoñecido co premio Lhotka, desa mesma entidade británica.[5]

En 1994, na súa condición de estudoso da numismática grega ao máis alto nivel mundial, foi nomeado director da Escola Británica de Atenas, aínda que o seu falecemento aos poucos meses impediu que puidese levar a cabo os seus proxectos nesa institución.[2]

En 1998, tres anos despois da súa morte, publicouse na súa honra unha colección de estudos de numismática grega.[6]

PublicaciónsEditar

Bolsas de investigación Martin PriceEditar

A Royal Numismatic Society estableceu en 1997, con carácter anual, o Fondo Martin Price de Numismática da Antiga Grecia, en memoria do insigne numismático, que foi membro, directivo e medallista da sociedade. O fondo utilízase en forma de bolsas de investigación para a promoción do estudo da numismática dese período no seu sentido máis amplo, e cos investigadores novos como obxectivo prioritario.[7]

NotasEditar

  1. "Price, Martin, 1939-1995". En Library of the Congress Authorities.
  2. 2,0 2,1 2,2 2,3 2,4 2,5 2,6 Bland, R. "Obituary: Martin Price". En Independent. 4 de maio de 1995.
  3. "About the authors and contributors: Martin J. Price". En The Seven Wonders of the Ancient World. Routledge. 1988. Páxina 11. ISBN 0-415-05036-7
  4. "The Society's Medal". The Royal Numismatic Society.
  5. "The Lhotka Memorial Prize". The Royal Numismatic Society.
  6. Ashton, R.; Hurter, S. et al. (1998) Studies in Greek Numismatics in Memory of Martin Jessop Price. Spink & Son. Londres. ISBN 9780907605959
  7. "The Martin Price Fund for Ancient Greek Numismatics". The Royal Numismatic Society.