Sociedade Numismática Sueca
A Sociedade Numismática Sueca (en sueco: Svenska numismatiska föreningen –SNF–) é unha asociación numismática fundada en 1873 e con sede en Estocolmo, que ten como finalidade a promoción da investigación numismática.
| Sociedade Numismática Sueca | |
|---|---|
| Tipo | sociedade científica |
| Campo de traballo | numismática |
| Data de fundación | 1873 |
| En | Estocolmo |
| País | Suecia |
| Na rede | |
| https://numismatik.se/om_snf/english.php | |
| [ editar datos en Wikidata ] | |
É a entidade asociativa de índole numismático máis antiga de toda Escandinavia.[1]
En 2008 accedeu á súa presidencia Jan-Olof Björk, de Växjö.[2]
Actividade
editarA Sociedade Numismática Sueca publica desde 1874 a revista Numismatiska meddelanden ("Mensaxes Numismáticas").[1]
En 1977 adquiriu, ademais, a revista Myntkontakt, que cambiou o seu nome a Svensk numismatisk tidskrift ("Revista Numismática Sueca"). Publícanse oito números anuais desta revista, que lle é entregada gratuitamente aos membros da sociedade.[1][3]
A SNF edita tamén Numismatiska Meddelanden ("Ensaios Numismáticos"), que, á parte dos artigos en sueco, contén tamén colaboracións en inglés, alemán e francés.[1][4]
Ademais do seu labor editorial, a Sociedade Numismática Sueca organiza poxas numismáticas unha ou dúas veces por ano destinadas á participación dos seus asociados, cuxos lotes son descritos en Svensk numismatisk tidskrift e tamén a través de Internet.[1]
Outra das súas actividades é a cuñaxe de medallas conmemorativas, que superan xa as 85, moitas delas dedicadas a nimismáticos suecos dos últimos catro séculos.[1][5]
Entre os membros honorarios da Sociedade figuran personaxes tan salientables da numismática internacional como John Evans e Philip Grierson (Inglaterra), Brita Malmer (Suecia) ou Vera Hartz (Alemaña).[6]
Presidentes da entidade
editar
Estes son os presidentes da Sociedade Numismática Sueca desde a súa fundación en 1873 ata os nosos días:[7]
- 1873-1880: August Wilhelm Stiernstedt.
- 1881-1883: Hans Hildebrand.
- 1883-1891: Georg Wolfgang von Francken.
- 1891-1903: Carl Snoilsky.
- 1903-1906: Johan Otto Wedberg.
- 1906-1916: Victor Edvard Lilienberg.
- 1916-1934: Axel Wahlstedt.
- 1934-1935: Ernst E. Areen.
- 1936-1947: Bengt Thordeman.
- 1947-1953: Nils Ludvig Rasmusson.
- 1953-1961: Torgny Lindgren.
- 1961-1962: Bertil af Klercker.
- 1962-1973: Nils Ludvig Rasmusson.
- 1973-1978 : Lars O. Lagerqvist.
- 1978-1988: Göran Bergenstråhle.
- 1988-2002: Torbjörn Sundquist.
- 2002-2008: Julius Hagander.
- 2008-2021: Jan-Olof Björk.
- Desde 2021: Curt Ekströn.
Premios outorgados
editarÁ parte de diversas bolsas económicas e premios menores para os seus asociados, a Sociedade Numismática Sueca concede dous premios de relevancia internacional:[8]
Medalla Gustav VI Adolf
editarMedalla á investigación numismática. Con motivo do centenario da institución, a SNF instituíu este galardón en 1973, que leva o nome do monarca sueco co seu consentimento oficial. Inicialmente a medalla era de ouro e a partir de 1981 comezou a facerse en prata dourada. Entrégase anualmente, unicamente se se considera que se dan motivos excepcionais para o facer, a unha persoa sueca destacada polas súas investigacións numismáticas ou ben a unha estranxeira que se distinguise polas súas investigacións sobre a moeda nórdica, preferiblemente sueca. [9]
Medalla Elias Brenner
editar- Artigo principal: Medalla Elias Brenner.
Medalla ao mérito numismático. Trátase dunha medalla de prata que a xunta directiva da Sociedade concede anualmente, desde 1976, a un ou varios cidadáns suecos ou estranxeiros distinguidos pola promoción do coñecemento da numismática en Suecia. De concorreren razóns extraordinarias, a medalla pode entregarse bañada en ouro.[10]
Notas
editar- ↑ 1,0 1,1 1,2 1,3 1,4 1,5 "Welcome to SNF". Svenska Numismatiska Föreningen.
- ↑ "Styrelsen för Svenska Numismatiska Föreningen 2019". Svenska Numismatiska Föreningen.
- ↑ "SNT, Svensk Numismatisk Tidskrift". Svenska Numismatiska Föreningen.
- ↑ "Numismatiska Meddelanden". Svenska Numismatiska Föreningen.
- ↑ "SNF:s medaljer 1873 - 2014". Svenska Numismatiska Föreningen.
- ↑ "SNF:s hedersledamöter". Svenska Numismatiska Föreningen.
- ↑ "SNF:s ordföranden genom tiderna". Svenska Numismatiska Föreningen.
- ↑ "Belöningar och stipendier". Svenska Numismatiska Föreningen.
- ↑ "SNF:s Gustav VI Adolf-medalj för framstående numismatisk forskning". Svenska Numismatiska Föreningen.
- ↑ "SNF:s Elias Brenner-medalj för förtjänsterinom numismatiken". Svenska Numismatiska Föreningen.