Manzaneda

Manzaneda é un concello da provincia de Ourense, pertencente á comarca da Terra de Trives. Segundo o padrón municipal (INE 2018) conta con 890 habitantes (435 homes e 455 mulleres) (1.150 en 2004).

Manzaneda

Localización
42°18′34″N 7°14′00″O
Estado	España
Comunidade autónoma	Galicia
Provincia	Provincia de Ourense
Capital	Manzaneda
Contén a división administrativa	Cernado Cesuris Manzaneda Paradela Placín Reigada Requeixo San Martiño de Manzaneda San Miguel de Bidueira Soutipedre
Poboación
Poboación	832 (2023) (7,26 hab./km²)
Xeografía
Parte de	Mancomunidade Voluntaria das Terras do Navea-Bibei
Superficie	114,6 km²
Altitude	657 m
Comparte fronteira con	Quiroga Vilariño de Conso Chandrexa de Queixa Viana do Bolo Larouco O Bolo A Pobra de Trives
Organización política
• Alcalde	David Rodríguez Estévez (2016–2020)
Eleccións municipais en Manzaneda
Identificador descritivo
Código postal	32...
Fuso horario	UTC+01:00
Código INE	32044
Páxina web	concellodemanzaneda.es

Toponimia

Manzaneda é un dos poucos topónimos castelanizados en Galicia aceptado coma forma oficial. Gonzalo Navaza, investigador especializado na onomástica galega, considerou que a forma Manzaneda apareceu a partir do século XVIII. O nome tradicional é Maceda, e proponse Maceda de Trives como topónimo oficial ao haber xa outro municipio ourensán homónimo, pola alta abundancia de maceiras na zona.

Xeografía

Situado na parte nororiental da provincia, limita ao norte co concello da Pobra de Trives, ao leste co concello do Bolo, ao sur co concello de Vilariño de Conso e ao oeste co concello de Chandrexa de Queixa. A súa capital, Manzaneda, destaca polo seu conxunto histórico medieval, do que se conservan importantes vestixios.

Poboación

Con trazos da Galicia de montaña, con escasa poboación nova e unha ampla capa de maiores de 65 anos, en 2022 o concello de Manzaneda aglutinaba 838 habitantes.

Evolución da poboación de Manzaneda   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
3.283	3.437	2.973	1.954	1.150	994	1.006	1.001	971	973	975	947	906
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Censo total	890 (2018)
Menores de 15 anos	44 (4.94 %)
Entre 15 e 64 anos	447 (50.22 %)
Maiores de 65 anos	399 (44.83 %)
Estranxeiros	14 (1.57 %)

Turismo

Enclavado no Macizo Central ourensán, o concello de Manzaneda conta con diversos recursos de alto valor paisaxístico e natural. Comparte a estación de esquí de Manzaneda co concello da Pobra de Trives. No Souto de Rozavales está o castiñeiro de Pumbariños, de máis de 1000 anos de idade e 13,85 metros de perímetro. Está incluído no catálogo de árbores senlleiras.

A igrexa parroquial de San Miguel de Bidueira é coñecida como a catedral das terras de Manzaneda, ou a catedral da montaña, pola súa gran maxestade. Así mesmo, a capital do concello destaca por ser unha vila medieval, da que se conservan numerosos vestixios do seu glorioso pasado.

O abano turístico complétase con rutas de sendeirismo, coñecidas popularmente como a ruta do Val Glaciar de Prada e a ruta dos Soutos de Cesurís. A primeira percorre a plataforma de abrasión dun glaciar que erosionou o val que percorre a ruta hai máis de 10.000 anos. Chega ata o núcleo abandonado de Prada, situado nunha paisaxe de gran beleza. A segunda ruta percorre os amplos soutos da parroquia de Cesuris.

Galería de imaxes

Artigo principal: Galería de imaxes de Manzaneda.

• 
  Neve no bosque
• 
  Castiñeiro de Pumbariños situado no Souto de Rozavales

Lugares de Manzaneda

Para unha lista completa de todos os lugares do concello de Manzaneda vexa: Lugares de Manzaneda.

Véxase tamén

Outros artigos

• Estación de montaña de Manzaneda

Ligazóns externas

• Páxina web

---

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---